💞ആയിരം കണ്ണുമായി 6 [Fang leng] 819

 

ശ്രുതി : ഉം…

 

അഖിൽ : തോളിൽ പിടിച്ചോ…

 

ഇത് കേട്ട ശ്രുതി പതിയെ അഖിലിന്റെ തോളിൽ പിടിച്ചിരുന്നു അഖിൽ ശ്രുതിയുടെ സ്റ്റിക്ക് അവൾക്ക് നൽകി…

 

അഖിൽ പതിയെ ബൈക്ക് മുന്നോട്ട് എടുത്തു..

 

അപ്പോഴേക്കും അവർ കാണാതെ അല്പം മാറിനിന്നിരുന്ന അജ്മൽ മുന്നോട്ട് വന്നു അവർ പോകുന്നത് നോക്കി..

 

ബൈക്ക് പതിയെ മുന്നോട്ട് പോയി…

 

അഖിൽ : കൃത്യം നീ പറഞ്ഞ സ്ഥലത്ത്‌ തന്നെയാണോ സ്കൂൾ

 

ശ്രുതി : അവിടെ നിന്നും അല്പം കൂടി പോകണം ഞാൻ പറഞ്ഞു തരാം

 

അഖിൽ : ഉം…

 

ശ്രുതി : അല്പം പതിയെ പോണെ… ഞാൻ ബൈക്കിൽ ആദ്യമായിട്ടാ

 

അഖിൽ : ഇതുവരെ കയറിയിട്ടില്ലേ… അച്ഛന് ബൈക്ക് ഒന്നും ഇല്ലായിരുന്നോ

 

ശ്രുതി : ഞാൻ ആദ്യമായാ.. പിന്നെ അച്ഛന് ബൈക്ക് ഒന്നും ഓടിക്കാൻ അറിയത്തില്ല

 

അവർ പിന്നെയും കുറച്ച് ദൂരം മുന്നോട്ട് പോയി

 

ശ്രുതി : ഈ ഹെൽമറ്റ് കാരണം തല നോവുവാ… ഇത് എങ്ങനെയാ തലയിൽ വച്ചോണ്ടിരിക്കുന്നെ

 

അഖിൽ : പറ്റുന്നില്ലെങ്കിൽ ഊരി വെക്ക് ചുമ്മാ ഇരുന്ന്…😡

 

ശ്രുതി : അല്ല ഇപ്പോൾ എന്തിനാ ആവശ്യം ഇല്ലാതെ ദേഷ്യപ്പെടുന്നെ… ഇന്നലെ എന്തായിരുന്നു പ്ലീസ് ശ്രുതി… പ്ലീസ്..

 

അഖിൽ : ടി… ടി

 

ശ്രുതി : എനിക്ക് ഇത് തന്നെ വരണം ക്ലാസ്സും മിസ്സാക്കി കൂടെ വന്നതല്ലേ

 

 

അഖിൽ : നിന്നോട് ഞാൻ വരാൻ പറഞ്ഞോ… ഇതാ നിന്നോട് ഞാൻ വരണ്ട വരണ്ട എന്ന് പറഞ്ഞെ നീ ഇത് തന്നെ പറയും എന്നെനിക്ക് അറിയാം