💞ആയിരം കണ്ണുമായി 6 [Fang leng] 819

 

അവർ രണ്ടുപേരും ഗേറ്റിനു മുന്നിൽ എത്തി

 

സെക്യൂരിറ്റി : എവിടുന്നാ… എന്തുവേണം

 

അഖിൽ : ഒരാളെകാണാൻ വന്നതാ അകത്തേക്ക് പോകണം

 

സെക്യൂരിറ്റി : ഇവിടെ ആരെങ്കിലും പടിക്കുന്നുണ്ടോ… വിസിറ്റിംഗ് കാർഡ് ഉണ്ടോ

 

അഖിൽ : അതൊന്നും ഇല്ല

 

ശ്രുതി : ചേട്ടാ ഞാൻ ഈ സ്കൂളിൽ പഠിച്ചതാ.. പോയിട്ട് ഒരാവശ്യം ഉണ്ടായിരുന്നു..

 

സെക്യൂരിറ്റി : കുട്ടി അങ്ങനെ എല്ലാരെയും കയറ്റി വിടാൻ പറ്റില്ല

 

ശ്രുതി : ചെട്ടാ ധാ ഇവിടുത്തെ ബാഡ്ജാ.. ഞാൻ ഇവിടെ പഠിച്ചതാ അത്യാവശ്യം ആയതു കൊണ്ടാ ഒരു ടീച്ചറെ കാണാനുണ്ട് ഞങ്ങൾ പെട്ടെന്ന് തിരിച്ചുവരാം

 

സെക്യൂരിറ്റി : കുട്ടി ഒക്കെ പക്ഷെ ഇയാളോ…

 

ശ്രുതി : എന്റെ കാല് വയ്യാത്തത് കൊണ്ടു കൂടെ വന്നതാ എന്റെ അമ്മാവന്റെ മോനാ ഹെല്പിനായിട്ട് ദൂരെ നിന്ന് വരുവാ ചേട്ടാ

 

സെക്യൂരിറ്റി : ശരി ശരി… പെട്ടെന്ന് തിരിച്ചുവരണം

 

ഇത്രയും പറഞ്ഞു അയാൾ ഗേറ്റ് തുറന്നു

 

അവർ വേഗം അകത്തേക്ക് കയറി

 

ശ്രുതി : കണ്ടോ നൈസായി കൈകാര്യം ചെയ്തത് നീയായിരുണെങ്കിൽ ഈ ജന്മം അകത്ത് കയറാൻ പറ്റില്ലായിരുന്നു

 

അഖിൽ : ശെരിയാ നിന്റെ അത്രയും അഭിനയം എനിക്കില്ല… അല്ല നീ എന്തിനാ എന്നെ അമ്മാവന്റെ മോൻ എന്ന് പറഞ്ഞെ ഫ്രണ്ട് എന്ന് പറഞ്ഞാൽ പോരായിരുന്നോ

 

 

ശ്രുതി : ഫ്രണ്ട് എന്ന് പറഞ്ഞാൽ കയറ്റി വിടുവാനുള്ള സാധ്യത കുറയും ചിലപ്പോൾ നിന്നോട് വെളിയിൽ നിൽക്കാനും പറയും

 

അഖിൽ : എന്നാൽ പിന്നെ സഹോദരൻ എന്ന് പറഞ്ഞാൽ പോരെ