💞ആയിരം കണ്ണുമായി 6 [Fang leng] 819

 

ശ്രുതി : അതെ ഞാൻ ഉണ്ട്… എന്തായാലും ഞാൻ ഇത് എടുക്കുവാ അപ്പോൾ ഫ്രണ്ട്ഷിപ്പ് ഉറപ്പിച്ചു

 

അപ്പോഴാണ് ക്ലാസ്സിലേക്ക് ലക്ഷ്മി തിരിച്ചെത്തിയത് അവൾ ഇരുവരെയും ഒന്ന് നോക്കിയ ശേഷം തന്റെ സീറ്റിലേക്ക് ചെന്നിരുന്നു ഇത് കണ്ട ശ്രുതിയും പതിയെ അഖിലിന്റെ അടുത്ത് നിന്നും എഴുനേറ്റു

 

ശ്രുതി : പോകുവാ…

 

ഇത്രയും പറഞ്ഞു ശ്രുതി ലക്ഷ്മിയുടെ അടുത്ത് ചെന്നിരുന്നു

 

ലക്ഷ്മി : നീ എന്തിനാ അവന്റെ അടുത്ത് ചെന്നിരുന്നെ

 

ശ്രുതി : വെറുതെ സംസാരിക്കാൻ

 

ലക്ഷ്മി : ഇത്രക്ക് എന്താ സംസാരിക്കാൻ

 

ശ്രുതി : എനിക്ക് സംസാരിച്ചു കൂടെ

 

ലക്ഷ്മി : നിന്റെ പെരുമാറ്റമൊക്കെ കണ്ടാൽ അവനോട് എന്തോ ഇന്ട്രെസ്റ് ഉള്ള പോലെയാ തോന്നുന്നെ

 

ശ്രുതി : ഇന്ട്രെസ്റ് ഉണ്ടല്ലോ ഞാൻ അത് പറഞ്ഞിട്ടുള്ളതല്ലേ…

 

ലക്ഷ്മി : എന്തോ ചെയ്യ്…അതെന്താ കയ്യിൽ

 

ശ്രുതി : ചോക്ലേറ്റ്.. അവൻ തന്നതാ ഇതാ ഒന്നെടുത്തോ

 

ലക്ഷ്മി : എനിക്ക് വേണ്ട…

 

ഉച്ചക്ക് ലഞ്ച് ടൈം

 

ലക്ഷ്മി : ഒന്ന് അനങ്ങി നടക്ക് ശ്രുതി

 

ശ്രുതി : ടി വാ നമുക്ക് ഗ്രൗണ്ട് വരെ ഒന്ന് പോകാം

 

ലക്ഷ്മി : എന്തിന് മനുഷ്യന് വിശന്നിട്ടു വയ്യ നീ വന്നേ

 

ശ്രുതി : അത് പിന്നെ ലക്ഷ്മി അവരുമായി പിണങ്ങിയ ശേഷം ആ അഖില് ഉച്ചക്ക് ഭക്ഷണം കഴിക്കുന്നില്ല വെള്ളിയാഴ്ച ഞാൻ കണ്ടതാ വെറുതെ പോയി ഗ്രൗണ്ടിൽ ഇരിക്കും

 

ലക്ഷ്മി : അവൻ കഴിക്കുകയോ കഴിക്കാതെ ഇരിക്കുകയോ എന്തെങ്കിലും ചെയ്യട്ടെ നീ വരാൻ നോക്ക്