അച്ചായൻ പറഞ്ഞ കഥ അർജുന്റെ റിയ കുട്ടി നിലാവ് പോലെ വന്നവൾ 1 [ഏകൻ] 145

 

“ആള് നല്ല ചൂടിൽ ആണല്ലോ ? എന്തായാലും നിങ്ങൾ തമ്മിൽ നല്ല ചേർച്ചയുണ്ട്. ” അതും പറഞ്ഞു ഫൈസി പോയി. റിയാനാ ചിരിച്ചു കൊണ്ട് എന്റെ കൂടെ വന്നു കാറിൽ കയറി.

 

“ചീത്ത പേര് ആയല്ലോ പെണ്ണെ” ഞാൻ പറഞ്ഞു.

 

അവൾ എന്നെ നോക്കി.

 

” എന്നെ നോക്കണ്ട. എനിക്കല്ല ഇനിക്ക്. എനിക്ക് എന്ത് ചീത്ത പേര് വരാനാ.? ഇത്രയും നല്ല മൊഞ്ചുള്ള പെണ്ണ് എന്റെ ബീബി ആണെന്ന് പറയുന്നത് ഞമ്മക്ക് നല്ലതല്ലേ? ” ഞാൻ പറഞ്ഞു

 

അവൾ എന്നെ നോക്കി ചിരിച്ചു.

എന്നിട്ട് പറഞ്ഞു.

” ഞമ്മളെ ഭാഷ എങ്ങനെ പഠിച്ചു . അതാ ഞാൻ ഞെട്ടിപ്പോയത് ”

 

“അതോ!!! അത് മോളുടെ ഉപ്പ പഠിപ്പിച്ചു തന്നത്. അല്ലാതെ പിന്നാര്.. മോൾക്ക് വിഷമം ആയോ അവൻ അങ്ങനെ പറഞ്ഞതും ഞാൻ അതിന് പറഞ്ഞ മറുപടിയും കേട്ട്”.

 

“ഇല്ല ” അതും പറഞ്ഞു അവൾ ചിരിച്ചു.

 

“എപ്പോഴും ഇങ്ങനെ ചിരിക്കണം. മോളുടെ ചിരിക്കാണാൻ നല്ല മൊഞ്ചാ.. കരഞ്ഞു കരഞ്ഞു ആ മൊഞ്ചു കളയരുത്. ..”

 

അവൾ പിന്നെയും ചിരിച്ചു.

 

“അതിരിക്കട്ടെ!! ഏതാ അവൻ. ? ഏതാ ആ ശൈത്താൻ? ഇത്രയും നാൾ കാണാതിരുന്നിട്ടും. മോളെ എത്ര പെട്ടന്നാ അവൻ തിരിച്ചറിഞ്ഞത്.? ”

 

“അത്… അത്… അയാളുടെ മോളുടെ മോളുടെ മോനാ. ”

 

“ആരുടെ?

 

“ആയാളില്ലേ …. ആ ആലി. അയാളുടെ. അവന്റെ അനിയത്തിയ ഞാൻ പറഞ്ഞ എന്റെ കൂടെ പഠിച്ച എന്റെ കൂട്ടുകാരി. അവനും എന്റെ കൂടെയാ പഠിച്ചത്. എന്നിട്ടാ എന്നെ കെട്ടണം എന്ന് പറഞ്ഞു അയാൾ നടന്നത്. ”

 

ഞാൻ ചിരിച്ചു.

 

“സാറ് ചിരിച്ചോ….!! അയാൾ എന്നെ കെട്ടിയിരുന്നേ…. എന്റെ മേത്തു തൊട്ടിരുന്നേ… ഞാൻ ചത്തുകളഞ്ഞേനെ. “