അച്ചായൻ പറഞ്ഞ കഥ അർജുന്റെ റിയ കുട്ടി നിലാവ് പോലെ വന്നവൾ 1 [ഏകൻ] 145

” അയ്യോ!! അത് വേണ്ട സർ. വെറുതെ സാറിന് ബുദ്ധിമുട്ട് ഉണ്ടാക്കാൻ.”

“എനിക്കെന്തു ബുദ്ധിമുട്ട്. ഇക്കയുടെ മോള് ആണ് എല്ലാം ഉണ്ടാക്കുന്നത്. പിന്നെ എനിക്ക് എന്ത് ബുദ്ധിമുട്ട്. ഇക്ക വന്നാൽ അവൾക്കും അത് സന്തോഷമാകും. സന്തോഷത്തോടെ അവളുടെ ഉപ്പ ഭക്ഷണം കഴിക്കുന്നത് അവൾക്ക് കാണാലോ? അവളുടെ ഉപ്പയുടെ കൂടെ ഇരുന്ന് അവൾക്ക് ഭക്ഷണം കഴിക്കാലോ?”

“ശരി സാർ. ഞാൻ വരാം. ”

ഉച്ചയ്ക്ക് ഇക്ക വന്നു. ഞങ്ങൾ ഒരുമിച്ചിരുന്ന് ഭക്ഷണം കഴിച്ചു.

“എന്റെ ഇക്ക നിങ്ങൾക്ക് ഈ സെക്യുരിറ്റി ജോലി കളഞ്ഞു. ഒരു ഹോട്ടൽ തുടങ്ങു.. ഈ മോളുടെ മാന്ത്രിക കൈ മതി ആളുകൾ വരാൻ.. എന്താ രുചി കറികൾക്ക്..”

“എന്തിനാ സാറെ മോളെ വെറുതെ കളിയാക്കുന്നെ? ”

“കളിയാക്കാനോ ഞാനോ? നല്ല കാര്യായി. ഞാൻ കാര്യമായിട്ട് പറഞ്ഞതാ.”

“എന്നാ സാർ തന്നെ ഹോട്ടൽ തുടങ്ങു ഞാൻ വരാം. എന്ത് വേണമെങ്കിലും ഉണ്ടാക്കി തരാം. ശമ്പളം ഒന്നും തരേണ്ട. എനിക്ക് സമ്മതം ആണ്. ”

“അതിന് മോളുടെ ഉപ്പ സമ്മതിക്കണ്ടേ.? മോളുടെ ഉപ്പ മോളെ എനിക്ക് തന്നാൽ.. ഞാൻ റെഡി അപ്പോൾ ഞാൻ ഹോട്ടൽ തുടങ്ങും.”

“എന്നാ എന്റെ മോളെ സാറ് എടുത്തോ. അങ്ങനെ എങ്കിലും എന്റെ മോള് രക്ഷപെട്ടു കാണാലോ. ”

“അതിന് എന്തിനാ എന്റെ ഉപ്പ എന്നെ തരുന്നത്?”

“അല്ലാതെ പിന്നെ ഹോട്ടൽ തുടങ്ങി കുറച്ചു ദിവസം കഴിയുമ്പോൾ.. എനിക്കൊന്നും വയ്യ.. എനിക്ക് എന്റെ ഉപ്പയുടെ അടുത്ത് പോണം.. അനിയത്തിയെ കാണണം . ചെറിയുമ്മയെ കാണണം എന്നൊക്കെ പറഞ്ഞു പോയാൽ. എന്റെ കച്ചോടം പൂട്ടൂലേ. എനിക്ക് തന്നാൽ പിന്നെ എന്റെ അല്ലേ. അപ്പോൾ പിന്നെ എന്നും എന്റടുത്തു കാണൂലെ . അപ്പോ എന്റെ കട പൂട്ടൂല്ലാലോ. “