അച്ചായത്തി ഫ്രം ബാംഗ്ലൂർ 6 [അധീര] 682

അവൻ നേരെ ബെഡ്റൂമിന്റെ വാതിൽക്കൽ ചെന്നു നിന്നു..
” ഡീ ടെറസിലേക്ക് വാ കുറച്ചു സംസാരിക്കാനുണ്ട് ”
അവന്റ വിളി കേട്ടതും അവൾ പ്രതീക്ഷയോടെ ആൽബിയുടെ മുഖത്തേക്ക് നോക്കി..!!

അവൻറെ കൈയിൽ ആദ്യം കണ്ട കവർ ഇപ്പോഴും ഉണ്ടായിരുന്നു.
‘ കുഞ്ഞ് ഉറങ്ങി ‘ എന്ന് ഉറപ്പായതും അവൾ മോൾക്ക് എല്ലാ സുരക്ഷയും ഉറപ്പാക്കി.. അവിടെ തന്നെ കിടത്തി ശേഷം മിണ്ടാതെ ആൽബിയെ അനുഗമിച്ചു.

ടെറസിലേക്ക് എത്തിയതും കനത്ത തണുപ്പ് അവിടെമാകെ പരന്നു അവർ രണ്ടുപേരും മാത്രമായിരുന്നു അവിടെ ഉണ്ടായിരുന്നത്..

ശരീരത്തിലേക്ക് കുത്തിയിറങ്ങുന്ന തണുപ്പ് അവൾ കൈകൊണ്ട് മേലാകെ തിരുമി കൊണ്ടിരുന്നു..
ടെറസിന്റെ ഒരു സൈഡിൽ പോയിരുന്നു കയ്യിലെ കവറിൽ നിന്നും രണ്ടു ബിയർ ബോട്ടിൽ എടുത്ത് ആൽബി പുറത്തേക്ക് വച്ചു.. ഒരു പാത്രത്തിലേക്ക് അച്ചാറും ഇട്ടു.

” ഇവിടെ വന്നിരിക്ക് !! ”
അവൻറെ ആഞ്ജ കേട്ടതും അവൾ മിണ്ടാതെ അവന്റെ അരികിൽ വന്നിരുന്നു..
രണ്ടുപേരുടെയും ബിയർ പല്ല് കൊണ്ട് പൊട്ടിച്ച ശേഷം ഒരു ബോട്ടിൽ അവൾക്ക് നൽകി മറ്റേത് അവനും എടുത്തു ശേഷം അവളോട് മുട്ടിക്കാൻ പറഞ്ഞു…

സ്റ്റെല്ല ഒന്നും മനസ്സിലാവാതെ ആൽബി ചെയ്യുന്ന കാര്യങ്ങൾ അതിശയത്തോടെയും അതേ സമയം ചെറിയ സംശയതോടെയും നോക്കിക്കൊണ്ടിരുന്നു

” ഇന്നാ ബിയർ കുടിക്ക് ”

” ആൽബി എന്നോടിപ്പോഴും ദേഷ്യമാണോ?? ” അതിനു മറുപടിയായി അവൻ ഒന്നും മിണ്ടിയില്ല.
ആൽബി ബിയർ വായിലേക്ക് വെച്ച് സിപ്പ് എടുത്തു ശേഷം അച്ചാർ തൊട്ടു വായിലേക്ക് വെച്ചു.

” നിനക്ക് അവനോട് പ്രണയമാണോ ?”
അവൻ പെണ്ണിൻറെ മുഖത്തേക്ക് നോക്കാതെയാണ് ചോദിച്ചത്.