അച്ചായത്തി ഫ്രം ബാംഗ്ലൂർ 9 [അധീര] 597

” ഇല്ല ആൽബിൻ ഞാൻ ഇറങ്ങിയാലോ എന്നാലോചിക്കുവാ ”

“ആണോ ഇനി എന്നാ തിരിച്ചു പോകുന്നത്..??”

” ഞായറാഴ്ച വൈകുന്നേരം ആണ് ഫ്ലൈറ്റ് ഇനി പോയി കഴിഞ്ഞാൽ ഒരുപാട് കാര്യങ്ങൾ ചെയ്തു തീർക്കാൻ ഉണ്ട് , ഇതുപോലെ എപ്പോഴെങ്കിലും ഓടി വരും ”
അവർ സംസാരിച്ചുകൊണ്ടിരിക്കുമ്പോൾ തന്നെ സ്റ്റെല്ലയും പുറത്തേക്ക് ഇറങ്ങി വന്നിരുന്നു,
അവൾ പുറത്തേക്ക് വന്ന് ആൽബിയുടെ മേലേക്ക് ചാരി അവന്റെ ഇടുപ്പിന് ചുറ്റും കൈ ചുറ്റി പിടിച്ചു നിന്നു ,

” എടോ സ്റ്റെല്ല ഞാൻ ഇറങ്ങിയേക്കുവാ എന്തായാലും കണ്ടതിൽ സന്തോഷം..”

” ഒക്കെ ശിവ ഇനി വരുമ്പോൾ ഇങ്ങോട്ടൊക്കെ ഇറങ്ങ് ”
വളരെ കാഷ്വൽ ആയിട്ടാണ് സ്റ്റെല്ല സംസാരിക്കുന്നതെങ്കിലും മനസ്സുകൊണ്ട് അവനെ കെട്ടിപ്പിടിച്ച് ഒന്ന് യാത്ര പറയാൻ വല്ലാതെ കൊതിക്കുന്നുണ്ടായിരുന്നു, സ്റ്റെല്ലക്കും ആൽബിക്കും മാറി മാറി ഷേക്ക് ഹാൻഡ് കൊടുത്ത ശേഷം ശിവ താഴേക്ക് ഇറങ്ങാൻ തുടങ്ങി..!!

ഇലക്ട്രോണിക് സിറ്റിയിൽ നിന്നും തിരികെ കോർമംഗലയിലേക്ക് വണ്ടി ഓടിക്കുമ്പോൾ ശിവയുടെ മനസ്സ് ആകെ കുഴഞ്ഞു മറിഞ്ഞു കിടന്നിരുന്നു,
അപ്പാർട്ട്മെന്റിൽ ആൽബിയുടെയും സ്റ്റെല്ലയുടെയും പെരുമാറ്റം നോർമൽ ആയിരുന്നെങ്കിലും
‘ എന്തോ എവിടെയോ കൂടിച്ചേരാത്തത് പോലെ ‘
‘സ്റ്റെല്ല പറഞ്ഞത് പ്രകാരം ആൽബിക്ക് തങ്ങളുടെ കാര്യത്തിൽ ചെറിയ സംശയം ഉണ്ട് പക്ഷേ എന്നിട്ടും തനിക്കൊപ്പം സ്റ്റെല്ലയെ തനിച്ചാക്കി കാറും കൊണ്ട് അവൻ പുറത്തു പോയിരിക്കുന്നു ? ‘
ഒരു കൈ കൊണ്ട് മസ്താങിന്റെ ഗിയർ ഫോർത്തിലേക്ക് മാറിയതും വാഹനം ഇരച്ചു കൊണ്ട് 80 ലേക്ക് കയറി,
‘ ഇടയ്ക്ക് തിരികെ വന്ന സമയമാണെങ്കിൽ അവന്റെ പെരുമാറ്റത്തിൽ പോലും തരിമ്പും സംശയം ഇല്ല, വളരെ നോർമൽ ആയ ഇടപഴുകലിൽ തന്നേ എന്തോ ഫിഷിങ് ഉള്ളതു പോലെ ? ‘
മസ്താങിന്റെ ഗിയർ ഫിഫ്ത്തിലേക്ക് മാറിയതും ഒരു കിംഗ് കോബ്രയുടെ, ഭയപ്പെടുത്തുന്ന മുരൾച്ചയോടെ 100 കിലോ മീറ്റർ സ്പീഡിൽ കേറി വാഹനം ഹൈവെയിൽ കൂടി ചീറി പാഞ്ഞു.