അച്ചായത്തി ഫ്രം ബാംഗ്ലൂർ 9 [അധീര] 597

സ്റ്റെല്ലാ നടത്തം കഴിഞ്ഞ് തിരികെ വരുന്ന സമയം ആൽബി ഹാളിൽ ഇരുന്ന് ഫോണിൽ എന്തോ വീഡിയോ കാണുകയായിരുന്നു, അവൾ അടുത്ത് വന്ന് ഫോണിലേക്ക് എത്തി നോക്കിയതും ഏതോ ഒരു ഗെയിമിങ്ങിന്റെ വീഡിയോ ആയിരുന്നു,
” ഗെയിമിംഗ് ആയിരുന്നൊ ഞാൻ വിചാരിച്ചു..”

” നീ എന്ത് വിചാരിച്ചു..??”
സ്റ്റെല്ലയുടെ ആക്കിയുള്ള നോട്ടം കൊണ്ട് അവനു കാര്യം മനസ്സിലായിരുന്നു, ഒരു ചിരിയോടെ കുഞ്ഞിനെ ആൽബിയുടെ മടിയിലേക്കിരുത്തി സ്റ്റെല്ല നേരെ പോയി ഫ്രിഡ്ജിൽ നിന്നും തണുത്ത വെള്ളം പുറത്തേക്ക് എടുത്തു ,
ശ്വാസം എടുത്ത് വിട്ട് റിലാക്സ് ആയി വെള്ളം കുടിച്ചു കൊണ്ടിരിക്കുമ്പോൾ ആൽബി അവളുടെ അടുത്തേക്ക് വന്ന് സ്ലാബിലേക്ക് ചാരിൽ നിന്നു,
” എന്താ ആൽബി, എന്തോ ഉണ്ടല്ലോ..?? ” അവന്റെ മുഖത്തെ കള്ള ലക്ഷണം അവൾ കയ്യോടെ പിടിച്ചു,

” അടുത്ത സാറ്റർടെ ഫ്രീ ആണോ..??”

” ആണെങ്കിൽ..??”

” ആണെങ്കിൽ നമുക്ക് ഒരു ഇടം വരെ പോകാനുണ്ട് ”
ആൽബിയുടെ സംസാരത്തിൽ നിന്നും അവൻ മാധവിനെ വിളിച്ച് സംസാരിച്ചു എന്ന് അവൾക്ക് മനസ്സിലായി,

“ആൽബി കാര്യമായിട്ടാണോ..??”

” അതേ പെണ്ണേ ,മാധവ് ലൊക്കേഷൻ ഷെയർ ചെയ്തിട്ടുണ്ട് കോർമംഗലക്ക് അടുത്ത് ആടുഗുടി എന്ന് പറയുന്ന സ്ഥലത്താണ്, ഇവിടെ നിന്നും ഏകദേശം 30-35 മിനിറ്റോളം യാത്ര ഉണ്ടാകും, ഈ സാറ്റർഡേ പോകാം എന്നാ ഞാൻ വിചാരിക്കുന്നത്, എന്താ നിന്റെ അഭിപ്രായം..??”
ആൽബിയുടെ ചോദ്യത്തിന് സ്റ്റെല്ല വാട്ടർ ബോട്ടിലും കയ്യിൽ പിടിച്ച് എന്തോ ഒന്ന് ആലോചിച്ചു നിന്നു,

” ആൽബി ഈയാഴ്ച ശരിയാവില്ല നമുക്ക് അടുത്ത ആഴ്ച നോക്കാം “