അച്ചുന്റെ തേരോട്ടം 3 [മുസാഷി] 1381

ലക്ഷ്മിയെ വിളിച്ചതല്ലാതെ വേറെ പ്രത്യേക സംഭവം വികാസങ്ങൾ ഒന്നും അന്നത്തെ ദിവസം ഉണ്ടായില്ല.. പതിവുപോലെ തന്നെ ഒരു സാദാ ദിവസം പോലെ ആ ദിനം എന്നെ പുൽകി കടന്നുപോയി….

“അച്ചു…ഡാ മോനെ എണിക്ക്…” രാവിലെ തന്നെ എന്നെ പിടിച്ചു കുലുക്കി എന്നെ എണിപ്പിക്കാൻ നോക്കുകയാണ് എൻ്റെ മാതശ്രീ….തലയിൽ കിടന്ന പുതപ്പിനെ മാറ്റി ടൈം പീസിലേക്ക് നോക്കുമ്പോ സമയം ആറര..

“എന്താമ്മെ…ഞാൻ കുറച്ചും കൂടി ഉറങ്ങട്ടെ സമയം ഒന്നും ആയില്ലല്ലോ….”

ഉറക്കം മുറിഞ്ഞ നിരാശയിലും ദേഷ്യത്തിലും ഞാൻ അമ്മയോട് കെറുവിച്ച് ചോദിച്ചു…

“ എടാ നീയേ ശ്രീജയുടെ വീട്ടിൽ നിന്ന് ഞാൻ തയ്യ്ക്കാൻ കൊടുത്ത ബ്ലൗസ്  ഒന്ന് മെടിച്ചിട്ട് വാടാ…..” കൊച്ചുപിള്ളേരെ പോലെ കിണുങ്ങികൊണ്ട് എന്നോട് പറഞ്ഞു… അല്ലേലും ഇത്രേം രാവിലെ ഞാൻ എന്തിനാ ബ്ലൗസ് മേടിക്കാൻ പോവുന്നേ അവിടെ ആ തയ്യൽകാരി പോലും എണീറ്റ്കാണില്ല…തള്ളേ എനിക്ക് നിങ്ങളെ മനസ്സിലാവുന്നില്ല…..!!

“നിങ്ങടെ കെട്ടിയോനോട് വല്ലതും പറ പോയി മേടിക്കാൻ….” കട്ടിലിൽ നിന്നും എണിക്കാതെ തന്നെ ഒരു നീണ്ട കൊട്ടുവായും വിട്ടുകൊണ്ട് ഞാൻ മുരണ്ടു…..

“അതിയാന് കുറച്ചും കൂടി കഴിയുമ്പോ ആശുപത്രിയിൽ പോവണം…പ്ലീസ് ടാ അമ്മയുടെ സ്വന്തം അച്ചുകുട്ടൻ അല്ലേ…ഒന്ന് പോയിട്ട് വാടാ….” എന്നെ മാനിപുലേറ്റ് ചെയ്യാൻ ഡോക്ടർ പഠിച്ച പണി പതിനെട്ടും നോക്കുവാണ്…

“ശെരി ഞാൻ പൊക്കോളാം…ഒരു പത്തോക്കെ ആവുമ്പോ പോയാ പോരേ…..എന്തിനാ ഇത്രേം നേരത്തെ പോകുന്നേ…” ഉള്ളിൽ തോന്നിയ സംശയം ഒട്ടും അമാന്തിച്ചു നിൽക്കാതെ ഞാൻ അങ്ങട് ചോദിച്ചു…..