അടിയാൻമാർ വാഴുന്നിടം [സ്പൾബർ] 220

✍️…ഇന്ന് കറുത്തവാവാണ്.. കൂരാകൂരിരുട്ടാണ്..ഒപ്പം നടക്കുന്ന കുമാരനും കുട്ടിരാമനും തന്നെ പരസ്പരം കാണുന്നില്ല.. പക്ഷേ, വെളിച്ചമില്ലെങ്കിലും അവർക്ക് കാര്യസ്ഥന്റെ വീട്ടിലേക്കുള്ള വഴി നല്ല നിശ്ചയമാണ്.. ഒരു തടസവുമില്ലാതെ അവർ ആ ഇരുട്ടത്ത് കാര്യസ്ഥന്റെ വീട്ട് മുറ്റത്തെത്തി..

കാര്യസ്ഥക്കൈമൾ ഇന്ന് കുമാരന്റെ വീട്ടിലേക്കല്ല പോയത്.. ഒരടിയാ ചെക്കൻ ഇന്ന് മംഗലം കഴിച്ചിട്ടുണ്ട്.. വല്യ തമ്പ്രാനെയും കൊണ്ട് കൈമൾ ഇന്നവിടേക്കാണ് പോയത്.. അവന്റെ കുടിയിലേക്ക് തമ്പ്രാനും കൈമളും കയറിപ്പോകുന്നത് ഇരുട്ടിൽ പതുങ്ങി നിന്ന് കുമാരനും, കുട്ടിരാമനും കണ്ടതിന് ശേഷമാണ് ഇങ്ങോട്ട് പോന്നത്..

അവർക്ക് പരിഭ്രമമൊന്നും ഉണ്ടായില്ല.. നീലി ഒരുക്കി വെച്ച വഴിയിലൂടെ അവർ കാര്യസ്ഥന്റെ വീട്ടിലേക്ക് കയറി.. സുജാത കിടക്കുന്ന മുറി അവർക്ക് കൃത്യമായറിയാം.. ചാരിയിട്ട വാതിൽ തുറന്ന് ഉറങ്ങിക്കിടക്കുന്ന സുജാതയുടെ മൂക്കിലേക്ക് കുമാരനാ മരുന്ന് മണപ്പിച്ചു.. ഒന്ന് ഞരങ്ങിയ സുജാത പിന്നെ അനങ്ങിയില്ല.. ഇനി നേരം പുലരാതെ ഇവൾ ഉറക്കമുണരില്ല.. ധൃതിയൊന്നുമില്ലാതെ കുമാരൻ സുജാതയെ പൊക്കിയെടുത്ത് തോളിലിട്ടു.. മുന്നിൽ വഴികാട്ടിയായി കുട്ടിരാമൻ നടന്നു.. പിന്നിൽ സുജാതയെ തോളിലിട്ട് കുമാരനും..

ജനൽ വഴി ചാടാതെ മുൻവാതിൽ തുറന്നാണവർ പുറത്തിറങ്ങിയത്.. തെങ്ങിൻ പുരയിടവും, വിശാലമായ പാടവും കടന്ന് കുറച്ച് ദൂരം നടന്ന് വേണം യക്ഷിക്കാവിലെത്താൻ.. കുറച്ച് ദൂരം നടന്നപ്പോ സുജാതയെ കുട്ടിരാമൻ തോളിലേറ്റി.. കൂരിരുട്ടിലും ആ പാടവരമ്പിലൂടെ കാലിടറാതെയാണ് അവർ നടന്നത്..