അലിയുന്ന പാതിവ്രത്യം [ഏകലവ്യൻ] 3526

അതിന് വേണ്ടിയവൻ അഞ്ചാറ് കൊല്ലത്തോളം അവളുടെ പുറകെയും നടന്നിരുന്നു. അവസാനം വീട്ടുകാർ സമ്മതിക്കുന്നില്ലെന്ന് കണ്ടപ്പോൾ അവളവന്റെ കൂടെ ഇറങ്ങി. പഠനത്തിൽ അത്യാവശ്യം മിടുക്കിയായിരുന്ന അശ്വതിക്കുട്ടി കോളേജ് കഴിഞ്ഞതും പ്രസാദുമായി രജിസ്റ്റർ മാര്യേജ് ചെയ്തു.

പക്ഷെ സ്വന്തമായി വീടില്ലാതിരുന്ന പ്രസാദ് അമ്മയുടെ മരണ ശേഷം അവളെയും കൂട്ടി നാട്ടിൽ നിന്നു മാറി. സ്വന്തം വീട്ടുകാരെ ഫേസ് ചെയ്യാൻ മടിയുള്ളത് കൊണ്ട് അവളക്കുമത് ആശ്വാസമായിരുന്നു. നല്ല രീതിയിൽ പോകുന്ന ജീവിതത്തിൽ ദുർഘട സങ്കട കാര്യങ്ങളും കൂട്ടുണ്ട്.

അശ്വതിയെ കെട്ടി സ്വന്തമാക്കിയിട്ടും പ്രസാദ് അവന്റെ കൂട്ടുകെട്ടുകളെയും മദ്യപാനമെന്ന ദുശീലവും വിടാൻ ഒരുക്കമല്ലായിരുന്നു. വീണിടം വിഷ്ണുലോകം എന്നപോലെ കൂട്ടുകെട്ടുകൾ അവനെ തേടി വരും. അവരെ സന്തോഷിപ്പിക്കുന്നതിലും അവൻ ആനന്ദം കണ്ടെത്തിയിരുന്നു. അശ്വതി എത്ര പറഞ്ഞു നോക്കിയിട്ടും അതിനൊരു മാറ്റം ഉണ്ടായിരുന്നില്ല. കയ്യിലെ പൈസ തീരുന്നതും അതുകൊണ്ടാണ്.

വിവാഹ ജീവിതം ജീവിച്ചു തുടങ്ങുമ്പോഴാണ് അതിലെത്ര മാത്രം കാരമുള്ളുകൾ ഒളിച്ചു കിടക്കുണ്ടെന്ന് അറിയുക. സ്നേഹം മുൻനിർത്തി വലിയ മോഹങ്ങൾ ഇല്ലാതെ തന്നെയാണ് അവൾ പ്രസാദിന്റെ കൂടെ ഇറങ്ങിയത്. കാരണം അവൾക്കറിയാം ഏത് രീതിയിൽ ജീവിതം മുന്നോട്ട് നീങ്ങുമെന്ന്. പക്ഷെ ഉദ്ദേശിച്ചതിലും കൂടുതൽ കഷ്ടപ്പാടാണ് വന്നു കൊണ്ടിരിക്കുന്നത്. പ്രസാദിന്റെ ഭാഗത്ത്‌ നിന്നായാലും സാഹചര്യങ്ങളിൽ നിന്നായാലും. പക്ഷെ അവൾക്കവനോടുള്ള പ്രണയം മാത്രം മുന്നിൽ നിർത്തി ജീവിക്കാൻ ശ്രമിച്ചു.