അമ്മക്കുഞ്ഞ് 1 [skull666] 271

രണ്ടുപേരും ഉറങ്ങിയിട്ടില്ല എന്ന് രണ്ടുപേർക്കും അറിയാമായിരുന്നിട്ടും ആരും സംസാരിച്ചില്ല….. ഒരുപക്ഷേ അന്നത്തെ നിശബ്ദതയിലായിരിക്കാം ഞങ്ങൾ ജീവിതത്തിൽ ഏറ്റവും കൂടുതൽ സംസാരിച്ചത്… ഇടയ്ക്കിടയ്ക്ക് ഞാൻ മുറുക്കി കെട്ടിപ്പിടിക്കുന്നതോ അമ്മക്കുഞ്ഞ് കുറുകിച്ചേരുന്നതോ അല്ലാതെ ഒരു അനക്കവുമില്ല.

ഇതിനപ്പുറം എന്തെങ്കിലും ചെയ്യാനുള്ള ചിന്തയൊന്നും ഞങ്ങളെ സ്പർശിച്ചത് കൂടിയില്ല. പക്ഷെ…. വേറെ ഏത് സമയത്തേക്കാളും ഞങ്ങൾക്ക് വിലപിടിച്ച സമയമായിരുന്നു അത്.. എന്നും..

എനിക്കുള്ള അതേ സ്നേഹമാണ് അമ്മക്കുഞ്ഞിന് തിരിച്ചും എന്ന് ഞാൻ മനസ്സിലാക്കിയത്, അമ്മക്കുഞ്ഞ് എൻ്റെ ഇഷ്ടം അറിഞ്ഞത്, ഒന്നും പറയാതെ പരസ്പരം എല്ലാം പറഞ്ഞത്… അങ്ങനെ നൂറ് കാരണങ്ങൾ.

അമ്മക്കുഞ്ഞു റിലാക്സ് ആയി ഉറങ്ങിവീണു. നേരെ കിടത്തി നെറ്റിയിൽ ഒരുമ്മയും കൂടി കൊടുത്ത് ഞാൻ തിരിച്ച് റൂമിലെത്തി. ഒരു സിഗ് കത്തിച്ചപ്പോഴേയ്ക്കും മനസ്സിൽ ഒരായിരം ചോദ്യങ്ങൾ… ഒരായിരം വൈരുദ്ധ്യങ്ങൾ…. ഒരേ സമയം ഏറ്റവും വലിയ സന്തോഷവും പ്രാണൻ പിടയുന്ന ദുഃഖവും..

പ്രപഞ്ചം നേടിയ സംതൃപ്തിയും സ്വന്തം ശരീരത്തിനോടും മനസ്സിനോടും തോന്നുന്ന വെറുപ്പും… കുറ്റബോധവും എക്സൈറ്റ്‌മെൻ്റും… ഹൃദയവും തലച്ചോറും യാതൊരു തരത്തിലും അടുക്കുന്നില്ല… എങ്ങനെയൊക്കെ സമാധാനിക്കാൻ ശ്രമിച്ചിട്ടും ഉള്ളിൽ വേദനയിൽ കുതിർന്ന വലിയൊരു ഭാരം…..

എങ്ങനെ ഫെയ്സ് ചെയ്യണം എന്നറിയാഞ്ഞിട്ട് അമ്മക്കുഞ്ഞ് കോളേജിൽ പോയിക്കഴിഞ്ഞാണ് ഞാൻ റൂമിൽ നിന്ന് പുറത്തിറങ്ങിയത്. അമ്മക്കുഞ്ഞിനും ഇതേ വിഷമം ഉണ്ടായിരുന്നിരിക്കണം. എനിക്കറിയാം. ഞങ്ങളിൽ ആർക്കെങ്കിലും എന്തെങ്കിലും വിഷമം വന്നാൽ അടുത്തില്ലെങ്കിലും ഞങ്ങൾക്കത് ഫീൽ ചെയ്യാൻ പറ്റാറുണ്ട് എന്നും. അത് കള്ളം കലർന്ന സ്നേഹത്തിലുണ്ടാവില്ല എന്നെനിക്കുറപ്പാണ്.