അമ്മയിലേക്കു…1 [Athirakkutti] 647

ഞാൻ ഏഴിലെ വേനലവധി സമയത്തായിരുന്നു നീണ്ട ഏഴു വർഷത്തിന് ശേഷം അച്ഛൻ വീട്ടിൽ വന്നത്. ഒരുപാട് സാധനങ്ങളും കൊണ്ടുവന്നു. പക്ഷെ എനിക്കെന്തോ ഒരു അകൽച്ച പോലെ. ഒരുപക്ഷെ എന്റെയും അമ്മയുടെയും ഇടയിൽ വേറൊരാൾ വന്നു കയറിയ പോലെ തോന്നിയതുകൊണ്ടാവാം. അപ്പോഴേക്കും ഞങ്ങൾ പുതിയ വീട്ടിലേക്കു താമസം മാറിയിരുന്നു. അതിൽ എനിക്കായി ഒരു മുറി. അമ്മയുടെ ഒരു മുറി. പിന്നെയും രണ്ടു മുറിയും ഒരു വലിയ ഹാളും ഒക്കെയായി. എന്നാലും ഞാൻ അമ്മയുടെകൂടെയായിരുന്നു കിടപ്പു. പക്ഷെ അച്ഛൻ വന്നപ്പോഴേക്കും ഞാൻ എന്റെ മുറിയിൽ ആദ്യമായി കിടക്കേണ്ടി വന്നു. രണ്ടു മാസത്തേക്ക് മാത്രമായിരുന്നു. എങ്കിൽ കൂടി എനിക്കതു ബുദ്ധിമുട്ടായി തന്നെ തോന്നി.

അച്ഛൻ തിരികെ പോയപ്പോഴാണ് ഒരു സ്വാതന്ത്ര്യം കിട്ടിയ തോന്നൽ വന്നത്. പക്ഷെ അപ്പോഴേക്കും ജീവിതത്തിൽ ഒരുപാട് മാറ്റങ്ങൾ വന്നിരുന്നു. ഒരു മാസം കൂടി കഴിഞ്ഞപ്പോൾ അമ്മ ഒരുദിവസം ഞാൻ സ്കൂളിൽ നിന്ന് തിരിച്ചു വന്നപ്പോഴേക്കും എന്നെ നോക്കി വാതിൽക്കൽ നിൽക്കുന്നുണ്ടായിരുന്നു. എന്താവും എന്നറിയാൻ എനിക്കും കൗതുകം തോന്നി. എന്തെങ്കിലും കാര്യമായി ഉണ്ടെങ്കിലേ ഉണ്ടെങ്കിലേ അമ്മെ എന്നെയും കാത്തു അവിടെ നില്ക്കു.

ഞാൻ വീട്ടിലേക്കു കയറിയതും അമ്മ പറഞ്ഞു… “എടാ… നമ്മുടെ ജീവിതത്തിലേക്ക് ഒരാൾ കൂടി വരുന്നു…” അതും പറഞ്ഞു അമ്മ നിർത്തി. ഞാൻ കരുതി അച്ഛൻ ജോലിയൊക്കെ നിർത്തി തിരിച്ചു വീട്ടിൽ വരുന്നു എന്ന്. വിഷമവും ദേഷ്യവും അലപം വന്നെങ്കിലും അത് കാണിക്കാതെ ബാക്കിൽ കേൾക്കാനായി ഞാൻ കാത്തിരുന്നു.