ഞായറാഴ്ച ദിവസം എഴുന്നേറ്റപ്പോൾ തന്നെ അമ്മു ധന്യക്ക് മെസ്സേജ് അയച്ചു…
അമ്മു: ഡീ…
ധന്യ: ഹാ ഡീ…
അമ്മു: നീ എപ്പോൾ വരും?
ധന്യ: അവൻ എപ്പോളാണ് വരുന്നത്?
അമ്മു: ഉച്ചക്ക് മുൻപ് വരുമായിരിക്കും. പത്തു മണി കഴിയുമ്പോൾ പാലക്കാടു നിന്നു ഇറങ്ങും എന്നാണു പറഞ്ഞത്.
ധന്യ: അപ്പോൾ പന്ത്രണ്ട് മണി ആവില്ലേ?
അമ്മു: പന്ത്രണ്ട് കഴിയും.
ധന്യ: അപ്പോളേക്കും ഞാൻ വരാം.
അമ്മു: ഹാ… കിരണും സൂര്യയും പോയോ?
ധന്യ: റെഡി ആവുന്നു. രണ്ടു പേരും കൂടി ഇനി വൈകുന്നേരം പ്രതീക്ഷിച്ചാൽ മതി.
അമ്മു: വീട്ടിൽ മാത്രമല്ലെ പോവുള്ളൂ?
ധന്യ: ഉച്ച കഴിഞ്ഞു എത്തിയേക്കണം എന്ന് ഞാൻ പറഞ്ഞിട്ടുണ്ട്. പക്ഷെ ചേട്ടൻ അല്ലെ? എല്ലാവരോടും വിശേഷങ്ങൾ ഒക്കെ പറഞ്ഞു സമയം കളയും നോക്കിക്കോ.
അമ്മു: ഹഹഹ… ഞാൻ എഴുനേറ്റതെ ഉള്ളു…
ധന്യ: ഒൻപത് മണി ആയി.
അമ്മു: ഹാ… ശരി നീ അവരെ വിട്ടിട്ട് വേഗം വാ… ആ ചെക്കൻ വരുന്നതിനു മുൻപ് എനിക്ക് ഒന്ന് കുളിക്കണം.
ധന്യ: അവൻ ലഞ്ച് കഴിച്ചിട്ട് അല്ലല്ലോ വരുക.
അമ്മു: അല്ല. ലഞ്ച് ഒരുമിച്ച് കഴിക്കാം എന്ന് പറഞ്ഞു. നമുക്ക് ഓർഡർ ചെയ്യാം എന്തെങ്കിലും. എനിക്ക് വയ്യ ഉണ്ടാക്കാൻ. നീ നേരത്തെ വരുവാണെങ്കിൽ എന്തെങ്കിലും ഉണ്ടാക്കാം വേണമെങ്കിൽ.
ധന്യ: ഹാ… നോക്കട്ടെ… ഇവര് ഇറങ്ങിയിട്ട് ഞാൻ വരാം.
അമ്മു: ശരി ഡീ…
ധന്യ: അതെ ഒരു കാര്യം…
അമ്മു: എന്താ ഡാ?
ധന്യ: അനു പറഞ്ഞു എന്നോട്, അവൻ വൈകുന്നേരം കാണാം എന്ന് അവളോട് പറഞ്ഞിട്ടുണ്ടെന്ന്.
അമ്മു: ഇന്നോ?
ധന്യ: ഹാ… എന്നോട് ചോദിച്ചു, നീ അശ്വിൻ വരുന്ന കാര്യം പറഞ്ഞോ എന്ന്?
