ആംസ്റ്റർഡാം നൈറ്റ്സ് [Jon] 9190

അവളുടെ മാതാപിതാക്കൾ അമ്മ ഡോക്ടറും അപ്പൻ ഷിപ്പിലെ ക്യാപ്റ്റനും ആണ്, അപ്പനാണെങ്കിൽ 6 മാസത്തിലൊരിക്കലെ നാട്ടിൽ വരുകയുള്ളു, അമ്മ വളരെ തിരക്കുള്ള ഒരു ഡോക്ടറായതുകൊണ്ട് പലപ്പോഴും വിദേശ ടൂറിൽ ആയിരിക്കും, അതുകൊണ്ടാണ് മെർലിൻ ഹോസ്റ്റലിൽ നിന്ന് പഠിക്കുന്നത്. എക്സാം ആയതിനാൽ ഇവർക്കൊപ്പം ജോയിന്റ് സ്റ്റടിക്ക് വേണ്ടിയാണു ഞാൻ ഹോസ്റ്റലിലേക്ക് വന്നത്.ഏതായാലും ആ വരവ് വെറും പഠിത്തത്തിൽ മാത്രം ഒതുങ്ങിനിന്ന ഒന്നായിരുന്നില്ല.

രണ്ടാഴ്ച്ചയായിരുന്നു സ്റ്റടി ലീവ്, എന്നെ സംബന്ധിച്ചിടത്തോളം സ്റ്റടി ലീവിന് പഠിച്ചതെല്ലാം ഒന്ന് റിവിഷൻ ചെയ്യേണ്ട ആവശ്യമേ ഉണ്ടായിരുന്നുള്ളു, കാരണം ഞാൻ പഠിത്തത്തിൽ വളരെ അപ്ടുഡേറ്റ് ആയിരുന്നു, അതുകൊണ്ട് രണ്ടാഴ്ച്ച സമയം എനിക്ക് ധാരാളമായിരുന്നു. ഏതായാലും ഹോസ്റ്റലിലെ ആ രണ്ടാഴ്ച്ച എന്നെ സംബന്ധിച്ചിടത്തോളം ഒരിക്കലും മറക്കാൻ പറ്റാത്ത കുറച്ചു ദിവസങ്ങളാണ് എനിക്ക് സമ്മാനിച്ചത്.

സെലിനും അവളുടെ ലാപ്ടോപ്പും ആണ് അതിനുള്ള കാരണക്കാർ. ഒരു ഞായറാഴ്ച്ച വൈകുന്നേരമാണ് ഞാൻ ഹോസ്റ്റലിൽ സെലിനും മെർലിനുമൊപ്പം ജോയിൻ ചെയ്യുന്നത്. എക്സാമൊക്കെ വരുന്നതുകൊണ്ട് രാവിലെ പള്ളിയിൽ പോയി സർവ്വ ദൈവങ്ങളെയും വിളിച്ച് പ്രാർത്ഥിച്ചിട്ടാണ് വൈകുന്നേരം ഹോസ്റ്റലിലേക്ക് എത്തിയത്.

ഹോസ്റ്റലിലേക്ക് പോകുന്നതുകൊണ്ട് കൂട്ടുകാർക്കു കൊടുക്കാൻ മമ്മി ചില കോട്ടയം സ്പെഷ്യൽ പലഹാരങ്ങളൊക്കെ ഉണ്ടാക്കി തന്നുവിട്ടിരുന്നു. അങ്ങനെ ഹോസ്റ്റലിൽ എത്തി പലഹാരങ്ങളൊക്കെ ഫ്രണ്ട്സിനു വിതരണം ചെയ്തു, ഞാനും ഹാപ്പി ഫ്രണ്ട്സും ഹാപ്പി. ഞാനാണെങ്കിൽ ആദ്യമായിട്ടാണ് വീട്ടിൽ നിന്ന് മാറിനിൽക്കുന്നത്, അതിന്റെയൊരു ചെറിയ ടെൻഷനൊക്കെ മനസ്സിലുണ്ട്, എങ്കിലും സെലിനും മെർലിനുമുണ്ടല്ലോ എന്നതായിരുന്നു ഒരു ആശ്വാസം.
അങ്ങനെ ഹോസ്റ്റലിലെ ആദ്യദിവസം ഞാനും മെർലിനും സെലിനും ഡിന്നർ കഴിച്ച് തിരിച്ചു റൂമിൽ എത്തി. ഹോസ്റ്റലൊക്കെ നല്ല വൃത്തിയുള്ള മുറ്റവും വരാന്തകളും മുറികളും നിറഞ്ഞ നല്ല ഗംഭീര ബിൽഡിംഗ്‌ ആയിരുന്നു.