ആനന്ദം [ആരവ്] 195

ആദ്യ നോട്ടത്തിൽ അവനെ എനിക്ക് മനസിലായില്ലേലും…

ബസ് ഇറങ്ങി സ്കൂളിലേക്ക് നടക്കുന്ന എന്നെ തൊട്ടടുത്തുള്ള മിഠായി കടയിൽ കണ്ണെടുക്കാതെ നോക്കുന്നത് കണ്ടപ്പോൾ ഇതാരാ ഇങ്ങനെ നോക്കുന്നതെന്ന് ചിന്തിച്ചപ്പോൾ മനസിലേക് കയറി വന്നതായിരുന്നു അവന്റെ മുഖം…

പിജി അവസാന വർഷം ചെയ്തു കൊണ്ടിരിക്കെ ചേച്ചിയെ കാണാൻ ഹോസ്റ്റലിലേക് വരുമായിരുന്ന ഒരു പതിനെട്ടു കാരൻ അന്ന് ഞങ്ങളുടെ എല്ലാം കുഞ്ഞനുജനായിരുന്നു…

അവനാണ് വിവേക്…”

” ഹേയ് ഞാൻ മറ്റാരെയും കാണാൻ വന്നതല്ല ചേച്ചി…

ഞാൻ ചേച്ചിയെ തന്നെ കാണാനായി വന്നതാ…

എനിക്കൊരു കാര്യം പറയാനുണ്ട് ചേച്ചിയോട്…”

“അവൻ ഒരു മുഖവുര പോലെ പറഞ്ഞു എന്റെ കണ്ണിലേക്കു തന്നെ നോക്കി…

പെട്ടന്ന് കണ്ണുകൾ താഴ്ത്തി തുടർന്നു കൊണ്ട് പറഞ്ഞു..

എനിക്ക് ചേച്ചിയെ ഇഷ്ട്ടമാണ്…

ഞാൻ വിവാഹം കഴിച്ചോട്ടെ ചേച്ചിയെ…”

“അവന്റെ ചോദ്യം കേട്ടപ്പോൾ തന്നെ ഞാൻ ഷോക്ക് ആയി എന്റെ പകുതി ജീവൻ പോയി എന്നതായിരുന്നു സത്യം..

ഞാൻ മനസിൽ പോലും കരുതാത്ത എന്റെ അനിയന്റെ പ്രായമുള്ളവൻ എന്നോട് പ്രേമാഭ്യർത്ഥന നടത്തിയിരിക്കുന്നു

അത് മാത്രമല്ല ഒരു പടി കൂടി കടന്നു അവൻ എന്നെ വിവാഹം കഴിക്കാനുള്ള താല്പര്യവും പ്രകടിപ്പിച്ചിരിക്കുന്നു..”

” എന്താണ് വിവേക് നീ പറയുന്നത്..

ആരോടാണ് എന്താണ് പറയുന്നതെന്ന ബോധമുണ്ടോ നിനക് …

ഇതെങ്ങാനും നിന്റെ ചേച്ചിയോ അവളുടെ വീട്ടുകാരോ അറിഞ്ഞാൽ എന്തായിരിക്കും സംഭവിക്കുക എന്നറിയുമോ….

നീ പോയേ പെട്ടന്ന് ഇവിടെ നിന്നും…”.

“ഷോക്ക് പെട്ടന്ന് തന്നെ മാറിയെങ്കിലും വിവേകിൽ നിന്നും പെട്ടന്ന് അങ്ങനെ ഒരു കാര്യം കേട്ടപ്പോൾ ശരീരം മുഴുവൻ വിറച്ചു പോയെങ്കിലും…

വളരെ പെട്ടന്ന് തന്നെ ക്ഷോഭത്തോടെ അവനോട് അലറിയപ്പോൾ ആയിരുന്നു ചുറ്റിലുമുള്ള നാട്ടുകാരും സ്കൂൾ കുട്ടികളും ഞങ്ങളെ ശ്രദ്ധിക്കുന്നതായി ഞാൻ കണ്ടത്…

എന്തേലും വാർത്ത കിട്ടുവാൻ കാത്തിരിക്കുകയാണ് ഇപ്പോഴത്തെ കുട്ടികൾ..

സ്കൂളിലേക്ക് കയറിയാൽ പിന്നെ ടീച്ചർ ആകെ മോശക്കാരിയായി ചിത്രീകരിക്ക പെടും…”

“ഞാൻ പെട്ടന്ന് അവന്റെ കയ്യിൽ പിടിച്ചു അവനെയും വലിച്ചു കൊണ്ട് അവിടെ നിന്നും ആളെഴിഞ്ഞ… പെട്ടന്നൊന്നും ആരും കാണാത്ത സ്കൂളിന് തൊട്ടു മുന്നിലായി തന്നെ പുതുതായി പണിത് കൊണ്ടിരിക്കുന്ന കെട്ടിടത്തിന്റെ അടിയിലേക് മാറി…”