അഞ്ജലീപരിണയം 1 [സിദ്ധാർഥ്] 1152

വൈകിട്ട് ഓഫീസ് വിട്ട് വീട്ടിലേക്ക് പോകുന്ന വഴി ബേക്കറിയിൽ കയറി അഞ്ജുവിനെ സോപ്പിടാനായി അവൾക്ക് ഇഷ്ടമുള്ള കുറച്ചു ഡാർക്ക്‌ ചോക്ലേറ്റ്സും മറ്റും വാങ്ങി. വീട്ടിൽ എത്തി വണ്ടി പോർച്ചിൽ ഇട്ട് അവൻ അകത്തേക്ക് കയറി. ഹാളിൽ ഇഷ മോൾ ടിവി കണ്ട് ഇരിക്കിനുണ്ടായിരുന്നു.അച്ഛനെ കണ്ട അവൾ ഓടി വന്നു. അവളെ വാരിയെടുത് ഉമ്മ കൊടുത്ത് അവൻ ബാഗിൽ നിന്ന് ചോക്ലേറ്റ് എടുത്ത് കൊടുത്തു. എന്നിട്ട് അവൻ കിച്ചണിലേക്ക് നടന്നു. അവിടെ അഞ്ചു പണിയിൽ ആയിരുന്നു. രാത്രി ആവട്ടെ എന്ന് അവൻ കരുതി റൂമിലേക്ക് പോയി ഫ്രഷ് ആയി.

രാത്രി അവർ ഒരുമിച്ച് ഇരുന്ന് ഭക്ഷണം കഴിച്ചു. അഞ്ജുവിന്റെ മുഖത്ത് പിണക്കം ഒന്നും കണ്ടില്ല. പക്ഷെ മുഖത്ത് നോക്കുന്നില്ല അവൾ. രാത്രി ഇഷ മോളെ ഉറക്കി പണികൾ എല്ലാം തീർത്ത് അവൾ റൂമിലേക്ക് വന്നു. പ്രണവ് അപ്പോൾ ബെഡിൽ അഞ്ജലിയുടെ ബുക്കും വായിച്ച് ഇരിപ്പായിരുന്നു.അഞ്ജലി ഡോർ അടച്ച് കണ്ണാടിയുടെ മുന്നിൽ വന്ന് ക്രീം എടുത്ത് കയ്യിലും കാലിലും എല്ലാം തേക്കാൻ തുടങ്ങി. ഒരു ഇളം വയലറ്റ് കളർ ഹാഫ് സ്ലീവ് തിൻ നൈറ്റി ആണ് അവളുടെ വേഷം. ക്രീം തേച്ച് കഴിഞ്ഞ് അവൾ എഴുനേറ്റ് ബെഡിൽ വന്നിരുന്നു.

“എന്താണ് പതിവില്ലാതെ ബുക്ക്‌ വായന ഒക്കെ….?”അവൾ ചോദിച്ചു. അത് കേട്ടപ്പോൾ അവന് ഒരു ആശ്വാസം കിട്ടി.

“ഏയ് ഒന്നുല്ല ചുമ്മാ…..”അവൻ വൈകിട്ട് വാങ്ങിയ ചോക്ലേറ്റ് അവൾക്ക് നീട്ടി. അത് അവളുടെ ഫേവറേറ്റ് ആയിരുന്നു.

“ഹ്മ്മ് എന്താണ് സോപ്പ് പതപിക്കുന്നെ…..”

“എടി…. സോറി. രാവിലെ ഞാൻ…..”