അഞ്ജലീപരിണയം 5 [സിദ്ധാർഥ്] [Climax] 816

“ഇപ്പോ അവൾ നിന്റെ കൂടെ ഉണ്ടോ….?”

“ഉണ്ടായിരുന്നു. അലയടിക്കുന്ന മനസ്സ് ശാന്തമാക്കണം എന്ന് പറഞ്ഞ് കുറച്ചു മുൻപ് അവൾ നാട്ടിലേക്ക് പോയി….”

“എപ്പോഴാ പോയത്….?”

“കുറച്ചു നേരമായി നിന്നോട് പറയാതെ ഇരിക്കാൻ തോന്നിയില്ല അതാ….”

“അഹ് താങ്ക്യൂ ജാസ്മിൻ….”

പ്രണവ് കൈയിൽ കിട്ടിയത് എടുത്ത് ഇട്ട് മോളെയും കൊണ്ട് വീട് പൂട്ടി ഇറങ്ങി. കാർ എടുത്ത് നേരെ നാട്ടിലേക്ക് വിട്ടു.രാവിലെയോടെ അവൻ നാട്ടിൽ അഞ്ജലിയുടെ വീട്ടിൽ എത്തി. അഞ്ജലിയുടെ അമ്മാവൻ മുന്നിൽ നിക്കുന്നുണ്ടായിരുന്നു.

“അഹ് മോനെ….”

“അമ്മാവാ അഞ്ജു എവിടെ….?”

“അഞ്ജുവോ, ഇവിടേക്ക് വന്നില്ലാലോ, എന്താ മോനെ….?”

അത് കേട്ട് അവൻ ആശയകുഴപ്പത്തിലായി. പെട്ടന്ന് അവൻ ഒന്ന് ഓർത്തു.

“ഒന്നുല്ല അമ്മാവാ, അവള് ഒരു മീറ്റിംഗ് കഴിഞ്ഞ് വരുമ്പോ ഇവിടെ കേറും എന്ന് പറഞ്ഞെ….”

“അഹ് ചിലപ്പോ ട്രെയിൻ ലേറ്റ് ആയിരിക്കും….”

“ഞാൻ പോയ്‌ നോക്കിട്ട് വരാം….”

അവൻ തിരിച്ച് കാറിൽ കേറി വണ്ടിയെടുത്തു. അവൻ അവിടെന്ന് അടുത്തുള്ള ബീച്ചിലെക്ക് വണ്ടി എടുത്തു. അഞ്ജലി അവിടെ കാണുമെന്ന് അവന്റെ മനസ്സ് പറഞ്ഞു.ബീച്ചിൽ എത്തി അവൻ മോളെയും എടുത്ത് അവിടെയെല്ലാം അവളെ തിരിഞ്ഞു നടന്നു. അവസാനം അവൻ പ്രതീക്ഷിച്ച പോലെ അവളെ കണ്ടു. വിദൂരമായ കടലിലേക്ക് നോക്കി അവൾ ഇരിക്കുന്നു.

“അമ്മേ….!!!”

അവളെ കണ്ടതും ഇഷ മോൾ അവളെ വിളിച്ചുകൊണ്ട് ഓടി ചെന്നു. ആ വിളി കേട്ട് അഞ്ജലി തിരിഞ്ഞ് നോക്കി. അവൾ സന്തോഷത്തോടെ എഴുനേറ്റ് മോളെ കോരി എടുത്തു.എന്നിട്ട് കരഞ്ഞുകൊണ്ട് അവളെ ഉമ്മ വച്ചു. പ്രണവ് അവളുടെ അടുത്തേക്ക് ചെന്നു.പ്രണവിനെ കണ്ട അവളുടെ മുഖം പ്രസാദിച്ചു. മോളെ താഴെ നിർത്തി അവൾ അവനെ കെട്ടിപിടിച്ച് കരയാൻ തുടങ്ങി.