അഞ്ജലീപരിണയം 5 [സിദ്ധാർഥ്] [Climax] 817

“അല്ലേൽ വേണ്ട, ഇപ്പൊ പറയണ്ട. വീട്ടിൽ ചെന്നിട്ട് ഒരു സർപ്രൈസ് പോലെ പറയാം….”അവൾ ഓർത്തു.

എന്നാൽ പുറത്ത് ജാസ്മിന് ഈ കാര്യം അറിഞ്ഞ് ആവേശം ആയത് കൊണ്ട് അത് പറയാനായി അവൾ പ്രണവിനെ വിളിച്ചിരുന്നു. ഓഫീസിൽ ഓരോന്ന് ഓർത്ത് സമാധാനം ഇല്ലാതെ ഇരിക്കുന്ന സമയത്ത് ആണ് പ്രണവിന് ജാസ്മിന്റെ കോൾ വരുന്നത്.

“ഹലോ ജാസ്മിൻ…..”

“പ്രണവ്….ഒരു ഹാപ്പി ന്യൂസ്‌ ഉണ്ട്. നീ വീണ്ടും ഒരു കുട്ടീടെ അച്ഛൻ ആവാൻ പോവാ….!”

“എഹ്…സത്യം….?”

“ആഹ്ടാ പിന്നെ ഞാൻ കള്ളം പറയോ ഈ കാര്യത്തിൽ. ഞങ്ങൾ ഇപ്പൊ ഹോസ്പിറ്റലിലാ, ഡോക്ടർ കൺഫേം ചെയ്തു….”

“ആണോ….ഞാൻ വരണോ….?”

“ഏയ് കുഴപ്പൊല്യടാ, ഞാൻ ഉണ്ടല്ലോ. ഞാൻ അവളുടെ സർപ്രൈസ് പൊളിക്കാൻ വിളിച്ചതാ. വീട്ടിൽ ചെന്നിട്ട് അവൾക്ക് സർപ്രൈസ് കൊടുത്തോ….”

“ഹ്മ്മ്..താങ്ക് യു ജാസ്മിൻ….”

അവൻ ഫോൺ വച്ച് ചെയറിൽ ഇരുന്നു. സന്തോഷംകൊണ്ട് അവന്റെ മനസ്സ് നിറഞ്ഞു.ആ സമയം അവന്റെ മനസിലേക്ക് അലക്സിന്റെ കാര്യം ഓർമ്മ വന്നു.

“എന്തായാലും എല്ലാം ആഗ്രഹിച്ച പോലെ വന്നു. ഇനി അവൻ ഞങ്ങളുടെ ലൈഫിൽ വേണ്ട. അത് നേരിട്ട് തന്നെ അവനോട് പറയണം, ഞാൻ തന്നെ….”

പ്രണവ് മനസ്സിൽ തീരുമാനിച്ച് ഉറപ്പിച്ച് ഹാഫ് ഡേ ലീവ് പറഞ്ഞ് ഓഫ്‌സിൽ നിന്നിറങ്ങി. അലക്സിന്റെ വീട് അറിയുന്നത് കൊണ്ട് അവൻ നേരെ അവിടേക്ക് വച്ച് പിടിച്ചു.അവന്റെ വീടിന് മുന്നിൽ കാർ നിർത്തി ചെന്ന് ബെൽ അടിച്ചു.കുറച്ചു കഴിഞ്ഞ് അലക്സ്‌ വന്ന് വാതിൽ തുറന്നു.

“അഹ് ഇതാരാ പ്രണവോ. എന്താണാവോ ഒറ്റക്ക്….?”

“ഓഹ് പെണ്ണുങ്ങൾ ഉണ്ടേൽ മാത്രമേ ഇവിടേക്ക് വരാൻ പാടുള്ളു അല്ലെ….?”