അനുചന്ദനം 2 [Unknown Vaazha] 224

“”അച്ഛാ… ഒന്ന് നിർത്തുന്നുണ്ടോ…. നമ്മടെ അഫ്സൽ ആണ് ഈ നിക്കുന്ന കരാട്ടെ കാരനെ ആദ്യം അടിച്ചത്.. നമ്മടെ ഭാഗത്തും തെറ്റുണ്ട്… അതോണ്ട് അവർ ക്ഷമ ചോദിക്കാൻ വന്നതല്ലേ ചോദിച്ചിട്ട് പോട്ടെ…””

ചുരുള മുടി ഒന്ന് ശബ്ദം ഉയർത്തി പറഞ്ഞതും ആ അമ്മാവൻ ഒന്ന് സാമാധാന പെട്ടു.. അപ്പൊ അവൾ അച്ഛനെ നോക്കി പിന്നേം തുടർന്ന്..

“”സാറേ.. അടി ആദ്യം തുടങ്ങി വച്ചത് ഇവർ തന്നെയാ പക്ഷെ… ദേ നിങ്ങടെ ഈ മോനെ നോക്ക്!!!!
എന്തേലും പറ്റിട്ട് ഉണ്ടോ…. ഒരു മുറിവ് എങ്കിലും?? ഇല്ലല്ലോ…..എന്നിട്ടോ എന്തേലും കൂസലുണ്ടോ പിന്നേം വെല്ലുവിളിക്കാൻ നിക്കുവാണ്.. ഇനി ഇവരെ രണ്ടാളേം നോക്ക്!!!!
രണ്ടിനും ഇതുവരെ ബോധം വീണിട്ട് ഇല്ല…. ഇതിൽ അഫ്സലിന്റെ മൂക്കിന്റെ പാലം പൊട്ടി ചോര കുറെ പോയി.. പിന്നെ വൈശാഖിന്റെ കാര്യം ആണെങ്കി.. അവന്റെ രണ്ട് കവിളും പൊട്ടി മൊണ്ണയും പൊട്ടി കുറച്ചു ദിവസത്തേക്ക് ഒന്നും കഴിക്കാൻ പറ്റില്.. ജ്യൂസ്‌ അല്ലെങ്കിൽ വെള്ളം പോലുള്ളത് മാത്രേ കഴിക്കാൻ പറ്റു..ഇപ്പോ ഇത്രേ പറ്റിയുള്ളൂ എന്ന് പറഞ്ഞൂ ആശ്വാസിക്കാനെ ഞങ്ങക്ക് പറ്റു. വേറെ എന്തേലും പറ്റിയിരുന്നെലോ…ഏഹ്…
പിന്നേ ദേ എന്റെ ഈ തലയിലെ കെട്ടും നിങ്ങടെ മോന്റെ സംഭാവന ആണ്. “”

ഇത്രയും പറഞ്ഞു അവൾ ഒന്ന് നെടുവീർപ്പിട്ടു. എന്നിട്ട് പിന്നേം തുടർന്ന്. ഏഹ്..ഇതിനൊരു അന്ത്യുല്ലേ…

“” ഇത് മെഡിക്കൽ കോളേജ് ആയോണ്ട് ഇവിടെ അധികം ബില്ല് ഒന്നും ഇല്ല സാറെ… പക്ഷെ മരുന്നിനും ഇവരുടെ ഭക്ഷണ കാര്യോം ഒക്കെ ആയി കുറച്ച് ചിലവുണ്ട്. ഞങ്ങൾ ഒക്കെ പാവപ്പെട്ട വീട്ടുക്കാർ ആണ്.. ദേ ഈ അഫ്സലിന്റെ ഉപ്പ ഗൾഫിൽ ആണ്. അദ്ദേഹം ഇതൊന്നും അറിഞ്ഞിട്ട് ഇല്ല. അറിഞ്ഞ സഹിക്കത്തില്ല.. അവിടെ കെടന്ന് പട്ടിയെ പോലെ പണി എടുത്തിട്ട് ആണ് അങ്ങേര് കുടുംബം നോക്കണേ… ഞങ്ങടെ വീട്ടിലും അവസ്ഥ മോശമല്ല..
ഇവൻ ഒന്ന് ബേധം ആകും വരെ വീട്ടിൽ ആരേലും വേണം എനിക്ക് ആണേ ക്ലാസും ഉണ്ട് അതോണ്ട് അമ്മയ്ക്ക് പണിക്ക് പോവാൻ പറ്റത്തില്ല അതോണ്ട് സർ നിങ്ങളെ കൊണ്ട് ആവണ തുക എത്ര എന്ന് വെച്ച തന്ന് കഴിഞ്ഞ അത് വലിയൊരു ഉപകാരം ആയിരിക്കും.. “”