അനുപമം ഈ രതിലഹരി [സ്പൾബർ] 2061

മകളുടെ വിവാഹം നടത്താൻ പലവട്ടം അയാൾ ശ്രമിച്ചെങ്കിലും തനിക്കൊരു ജോലി വേണം എന്ന ഫരീദയുടെ വാശിക്ക് മുൻപിൽ തൽക്കാലം നിർത്തി വെക്കുകയായിരുന്നു.
വീടില്ലാത്ത ജയനെ വിവാഹം കഴിക്കാനൊരുങ്ങുമ്പോൾ ഫരീദ ആദ്യമേ മനസിൽ കണ്ടത് അതായിരുന്നു. നാട്ടിൽ നിന്നും കുറച്ച് ദൂരെമാറി ഇരുപത് സെന്റ് സ്ഥലവും അതിൽ നല്ലൊരു വീടും തന്റെ പേരിൽ കിടപ്പുണ്ട്. ഉപ്പ വിൽക്കാനായി വാങ്ങിയതാണ്. നല്ല വില കിട്ടിയാൽ ഉപ്പ അത് വിൽക്കും.

പക്ഷേ അത് തന്റെ പേരിലാണ്. ഉപ്പ സമ്മതിച്ചില്ലെങ്കിലും അവിടെ കേറി താമസിക്കാൻ തന്നെയാണവൾ തീരുമാനിച്ചത്. വിവാഹം റെജിസ്ട്രർ ചെയ്ത അന്ന് തന്നെ ഫരീദ അത്യാവശ്യം സാധനങ്ങളും വാങ്ങി,ജയനുമൊത്ത് ആ വീട്ടിൽ താമസമാരംഭിച്ചു. സമദ് വലിയ പ്രശ്നമുണ്ടാക്കിയെങ്കിലും, ഫരീദയുടെ ഉമ്മ റംല ഇടപെട്ട് സമദിനെ പറഞ്ഞ് തണുപ്പിച്ച് തൽക്കാലം അടക്കി നിർത്തുകയായിരുന്നു.

രണ്ട് മൂന്ന് മാസത്തോളം വലിയ കുഴപ്പമില്ലാതെ അവർ ജീവിച്ചു.
ജയന്, ഫരീദ ആദ്യത്തെ പെണ്ണൊന്നുമായിരുന്നില്ല.. മൂന്നാല് പ്രേമം വേറെയും ജയനുണ്ടായിരുന്നു. ഫരീദയുടെ സൗന്ദര്യവും, സാമ്പത്തികവുമാണ് അവളിലേക്കവനെ കൂടുതൽ ആകർഷിച്ചത്. ജയൻ വീണ്ടും ആ കോഴി സ്വഭാവം തുടങ്ങി.പലതും ഫരീദ അറിഞ്ഞെങ്കിലും ഒരു വഴക്ക് വേണ്ട എന്ന് കരുതി അവൾ ക്ഷമിച്ചു. പക്ഷേ, അവളറിയാതെ ഇടക്ക് മദ്യപിച്ചിരുന്ന ജയൻ, കുടിച്ച് വീട്ടിലേക്ക് വന്ന് തുടങ്ങിയപ്പോൾ അവളെതിർത്തു. ഇത് നിന്റെ വീടാണെന്ന അഹങ്കാരമാണ് നിനക്കെന്നും,

ഞാനൊരു വാടക വീടെടുത്തിട്ടുണ്ടെന്നും ഉടനെ അങ്ങോട്ട് താമസം മാറണമെന്നും ജയൻപറഞ്ഞു. അവൾക്കത് സമ്മതമായിരുന്നില്ല. രണ്ട് പേരും വഴക്കായി.ഇനി ഈ പടി ചവിട്ടില്ലെന്നും പറഞ്ഞ് ജയൻ ഇറങ്ങിപ്പോയി. പക്ഷേ രാത്രിയവൻ തിരിച്ചു വന്നു. നാല് കാലിൽ. അതോട് കൂടി അവരുടെ ജീവിതം താളം തെറ്റുകയായിരുന്നു. കള്ള് കുടിച്ച് വന്നാൽ ഇനി വാതിൽ തുറന്ന് തരില്ലെന്ന് ഫരീദ തീർത്ത് പറഞ്ഞു .