അനുരാഗ മധുരാലസ്യം [സ്പൾബർ] 1235

“” എനിക്കറിയാം ടീച്ചറേ…
ടീച്ചർക്കെന്നോട് ഇഷടമുള്ളതും എനിക്കറിയാം…
എനിക്ക് ടീച്ചറിനെയും ഇഷ്ടമാണ്…
പക്ഷേ, ഞാൻ ഷൈലജയെ കണ്ടില്ലായിരുങ്കിൽ ഞാൻ ടീച്ചറെ കല്യാണം കഴിച്ചേനെ… “

സൗമ്യയൊന്ന് നടുങ്ങി…
എന്താണ് മാഷ് പറഞ്ഞത്…?.
മാഷൊരു പെണ്ണിനെ പ്രേമിക്കുന്നുണ്ടോ… ?.
എന്നിട്ടെന്താ ഇത്രയും പ്രായമായിട്ടും മാഷ് അവളെ കെട്ടാത്തത്…?.

സൗമ്യക്ക് തീർത്തും നിരാശ തോന്നി..
സ്വപ്നങ്ങളെല്ലാം ചീട്ട് കൊട്ടാരം പോലെ തകർന്നിരിക്കുന്നു.. ഒരു പാട് കൊതിച്ച് പോയി..
മാഷോടൊപ്പമുള്ള ജീവിതം സ്വപ്നം കണ്ട് പോയി..

“” മാഷേ…ആരാ… ആരാണീ ഷൈലജ… ?””

പതറിക്കൊണ്ട് സൗമ്യ ചോദിച്ചു..

“അതെന്റെ ഭാര്യയാ… “

സൗമ്യ വീണ്ടും ഞെട്ടി..

“ മാഷ്… കല്യാണം… കഴിച്ചില്ലെന്നല്ലേ പറഞ്ഞത്… ?””

തേങ്ങലോടെയാണ് സൗമ്യ ചോദിച്ചത്..

“” അത് ഞാൻ കള്ളം പറഞ്ഞതാ… “

“എന്തിന്… എന്തിനാ മാഷ് കള്ളം പറഞ്ഞത്…?”

“” അപ്പോ അങ്ങിനെ പറയാൻ തോന്നി…”

പിന്നെ ഒന്നും ചോദിക്കാനവൾക്ക് തോന്നിയില്ല..
ഫോൺ കട്ടാക്കാതെ ചെവിയിൽ തന്നെ വെച്ച് അവൾ മിണ്ടാതെ കിടന്നു..
അവളുടെ കിതപ്പ് മാഷിന് കേൾക്കാമായിരുന്നു.. ഇടക്കുള്ള നനഞ്ഞ നെടുവീർപ്പും അയാൾ കേട്ടു..

“” ടീച്ചറേ… പോയോ… ?””

“ ഇല്ല… മാഷേ… “

സൗമ്യ തേങ്ങിപ്പോയി..

“പിന്നെന്താ ഒന്നും പറയാത്തത്…?.
എന്തൊക്കെയോ കുറേ പറയാനുണ്ടെന്നല്ലേ ടീച്ചറ് പറഞ്ഞത്..?”

“” എനിക്കിനി… ഒന്നും… പറയാനില്ല… “

നുറുങ്ങുന്ന ഹൃദയത്തോടെയാണ് സൗമ്യയത് പറഞ്ഞത്..