അരളി പൂവ് 11 [ആദി007] 361

ദേവൻ എന്തോ ഓർത്തപ്പോൾ ഒന്ന് പൊട്ടി ചിരിച്ചു.

“എന്താ ഒരു ചിരി….? ”
തന്റെ ഭാവം തെല്ലും വിടാതെ അവൾ ദേവന്റെ ചിരിക്ക് മറുപടി നൽകി.

“അല്ലാ . ഈ യക്ഷിയും ഗന്ധർവനും കൂടിയ സങ്കമിക്കുന്നതെന്നു കേട്ടിട്ടുണ്ട് ”

“ഐയ്യെ… പോടാ പട്ടി ”
അർച്ചന പരിസരം മറന്നു ദേവന്റെ കൈയിൽ ആഞ്ഞു നുള്ളി

“ആഹാ.. ”
ദേവൻ വേദനകൊണ്ട് പുളഞ്ഞു

“ഇനി പറയോ…?… ഇങ്ങനെ പറയോ..? ”
അവൾ കുറച്ചൂടി ശക്തിയിൽ നുള്ളി.

“പെണ്ണെ. എല്ലാരും നോക്കുന്നു ”
ദേവൻ പുളഞ്ഞുകൊണ്ട് പറഞ്ഞു

അപ്പോഴാണ് അവൾക്ക് പരിസര ബോധം ഉണ്ടായത്. അവൾ ചുറ്റുപാടും നോക്കി.

ദേവൻ പൊട്ടി ചിരിച്ചു.

“മം മതി മതി വാ പോകാം ”
അവൾ ചിരി ഒളിപ്പിച്ചു തിരിഞ്ഞു നടന്നു.

ഇരുവരും കാറിൽ കയറി യാത്രയായി.കുറച്ചു സമയത്തിന് ശേഷം അവർ വീട്ടിൽ എത്തി.ദേവനെ സ്വീകരിക്കാൻ ദിലീപിന്റെ അച്ഛനും അമ്മയും ഒരുങ്ങിയിരുന്നു. ഒപ്പം മാമിയും അങ്കിളും കിച്ചുവും കൂടി. കൈയിലുള്ള പലഹാരങ്ങൾ കിച്ചൂന് നൽകി.
ദിലീപിന്റെ അച്ഛനും അമ്മയും ദേവനോട് നന്ദി പറഞ്ഞു. അവർ എല്ലാം ഒരുപാട് സമയം സംസാരിച്ചു. അപ്പോൾ അർച്ചനയുടെ മുഖത്തു പൂർണ നിലാവ് പെയ്തു ഇറങ്ങിയ പ്രതീതി ആയിരുന്നു. മാമി ഇടക്കൊന്നു ശ്രദ്ധിക്കുകയും ചെയ്തു. കുറച്ച് സമയം അവിടെ ചിലവിട്ട ശേഷം ദേവൻ യാത്ര പറഞ്ഞു ഇറങ്ങി. അയാൾ പോകുന്നതും നോക്കി അർച്ചന ഗേറ്റിന്റെ ഭാഗത്തു നിന്നു.

ഇതെല്ലാം മൂവർ സങ്കത്തിലെ ഒരാൾ കാണുന്നുണ്ടാരുന്നു റിയാസ് . അവൻ ഉടൻ തന്നെ അലിയെ വിളിച്ചു.

“എന്താടാ..? ”
കാറോടിക്കുന്നതിന്റെ ഇടയിൽ അലി ഫോൺ എടുത്തു

“ഇക്ക ഒരു കാര്യം ഉണ്ട്.”

“പറയടാ ”

“അവളില്ലെ അർച്ചന..!”

“മം അർച്ചന ”
അലി റോഡിന്റെ ഒരു വശത്തായി കാർ ഒതുക്കി. തുടർന്നു.
“മം പറയടാ ”
അയാളുടെ സ്വരത്തിൽ ആകാംഷ നിറഞ്ഞു