അർച്ചന (a horror story) [ക്യാപ്റ്റൻ മാർവെൽ] 293

“ഞാൻ അങ്ങനെ കാലത്ത് അതികം കഴിക്കാറില്ല….”

“ആഹാ അങ്ങനെ പറഞ്ഞു മോള് തടിയൂരാൻ നോക്കണ്ട… ദേ ഈ ഒരെണ്ണം കൂടെ കഴിക്ക്….”

അതും പറഞ്ഞു സരോജിനി ഒരു ദോശ കൂടെ പ്ലേറ്റിൽ വച്ചു കൊടുത്തു…. പക്ഷെ അവൾ അത് നിരസിച്ചു….അത് കണ്ടപ്പോൾ സരോജിനിയുടെ മുഖം അങ്ങ് മാറി…. ഇത്ര നേരം ചിരിച്ചു കൊണ്ട് നിന്ന സരോജിനിയുടെ മുഖം ദേഷ്യം അരിച്ചു കയറി ചുവന്നു തുടുത്തത് അർച്ചന അറിഞ്ഞു….

“ദേ മര്യാദക് ഇതെല്ലാം കഴിച്ചോളണം…. ഇല്ലെങ്കിൽ എന്റെ സ്വഭാവം നീ അറിയും….”

പെട്ടെന്നുണ്ടായ ആ ഭവമാറ്റത്തിൽ അർച്ചന ഒന്ന് പേടിച്ചു…. അവൾ വേറെ ഒന്നും ആലോചിക്കാതെ ആ ദോശ എടുത്ത് കഴിച്ചു… പോരാത്തേന് ഒരെണ്ണം കൂടെ അകത്താക്കി…. പഴയ സ്റ്റേഷനിൽ തന്റെ മുതിർന്ന ഓഫീസർസിനെ വരെ വിറപ്പിച്ച ആളാണ് ഇപ്പൊ ഒരു അടുക്കളകാരി വിറപ്പിച്ചു നിർത്തിയത്….ഇതെല്ലാം കണ്ട് നിന്ന സരോജിനിയുടെ മുഖം ഒന്ന് തണുത്തു….

“ആ മിടുക്കി…. ഇങ്ങനെ വേണം പെണ്ണുങ്ങൾ ആയാൽ….”

അതും പറഞ്ഞു സരോജിനി ഒന്ന് ചിരിച്ചു…. അപ്പോൾ ആണ് അർച്ചനക്കും ആശ്വാസം ആയത്…അർച്ചന കഴിച്ചു കഴിഞ്ഞു കൈകഴുകാനായി പോയി…. പിന്നാലെ സരോജിനിയും ടവലും ആയി വന്നു….അവൾ അതെടുത്തു മുഖം തുടച്ചു…. തിരികെ സരോജിനിക്ക് തന്നെ കൊടുത്തു….

അപ്പോഴേക്കും പുറത്ത് ജീപ്പിന്റെ സൗണ്ട് കേട്ടു…. അത് സുജിത് ആയിരുന്നു…. അർച്ചനയെ പോലീസ് സ്റ്റേഷനിലേക് കൊണ്ട് പോകാൻ വന്നതാണ്….

“എന്നാൽ ഞാൻ ഇറങ്ങട്ടെ ചേച്ചി….”

“ഹ്മ്മ്.. ചെല്ല് ഉച്ചക്ക് ഉണ്ണാൻ കാണില്ലേ….”