സിമോണാ…. ഒരു പാട് ചിരിപ്പിച്ചൂട്ടാ….. നന്ദി.

????

പ്രിയ സിമോണ,

ഹൊറർ ഒട്ടും ഇഷ്ടല്ല സിൽമ ആയാലും പുസ്തകം ആയാലും രണ്ടടി മാറി ഓടും, പേടിച്ചിട്ടല്ലാട്ടാ…..
അതുകൊണ്ട് തന്നെ കിച്ചുവിന്റെ രക്ഷസ്സിന്റെ ഭാഗത്തേയ്ക്കെ പോയിട്ടില്ല…
രമിതേ നേം,റാമിനേം,രാജാവിന്റെ രുക്കുവിനേം കണ്ടു മടങ്ങിയ ശേഷം ഇന്നലെയാ വീണ്ടുമൊന്നു ഗോദയിലോട്ടിറങ്ങിയേ..
സൺഡേ അല്ലേ, ചേച്ചി പെണ്ണ് , നമ്മുടെ അപ്സരസ്സ് എങ്ങാനും ശിശിരം അപ്ഡേറ്റ് ചെയ്തിട്ടുണ്ടെങ്കിലോ.
ഇഴപിരിവുകൾ  തുടക്കമിട്ട പനിക്കോള് ശിശിരത്തിൽ പടരാതിരിയ്ക്കാൻ ഇപ്പൊ കുറച്ചു നാളായി ഞാനും സ്വെറ്റർ ഇട്ടു തന്നെയാ കേറാറ്‍..
അപ്പോഴാ വഴീൽ വെച്ചു പാബ്ലോനേം , ശേഖരേട്ടനേം കണ്ടേ..
ശങ്കരേട്ടൻ അല്ലാട്ടോ ഇത് ശേഖരേട്ടൻ….
അവിടെ ചുറ്റി പറ്റി നിന്നു ആ വാളിന് മറു വാളും കൊടുത്തു പോയതാ….
(സമയം കിട്ടുമ്പോ കേറി നോക്കിക്കോ ട്ടാ..)

ഇവിടെ ഈ യക്ഷിയെ കണ്ടപ്പോൾ വീണ്ടും കേറി.
ഹോററോ ?.
ഈ പേര് അങ്ങനെ പ്രത്യേകിച്ചൊരു ടാഗിൽ ഒതുങ്ങുന്നതല്ലല്ലോ..
ആത്മാവിനെ പോലും അടിമയാക്കി മാറ്റാറുള്ള സാധാരണ യക്ഷികളിൽ നിന്നും  ഈ യക്ഷിയുടെ കണ്ണിലൂടെ, അവരുടെ മനസ്സിലൂടെയൊരു യാത്ര.

പതിനേഴു പേജെ ഉള്ളെങ്കിലും സമകാലിക വിഷയങ്ങൾ ഉൾപ്പെടെ അതി ലളിതമായി നർമ്മത്തിന്റെ മേമ്പൊടിയാൽ   അവതരിപ്പിച്ചപ്പോൾ തുടക്കത്തിൽ പീക്കുർണ്ണിയിൽ തുടങ്ങിയ ചിരി തുടർന്നു ഗന്ധർവ്വന്മാരും, കിന്നരന്മാരും ഒടുവിൽ അവസാനം രക്ഷസ്സു വരെ നില നിർത്തി..
ഇടയ്ക്ക് കർത്താവും,ബിഷപ്പും,ശങ്കരേട്ടനും, പോലീസുകാരും,ബ്ലഡ് ബാങ്കും, അയ്യപ്പനുമൊക്കെ ചിരിക്കിടയിലും നന്നായൊന്നു ചിന്തിപ്പിച്ചു..

യാത്ര കഴിയുമ്പോൾ തോന്നുന്നു സത്യത്തിൽ യക്ഷികളൊക്കെ ഇത്രേം പാവങ്ങളാണോ..
ഈ എഴുത്തിലെ യക്ഷി,തൂവെള്ള നിറത്തിനു പകരം അദ്ധ്വാനിയ്ക്കുന്ന കർത്താവിന്റെ നിറത്തോടു സാമ്യമുള്ള ഇരു നിറമുള്ള യക്ഷി,ആൾക്കാര് നിലവിളിയ്ക്കുമ്പോ കയ്യും കാലും വിറയ്ക്കുന്ന യക്ഷി,ജീവനുള്ള മനുഷ്യന്മാരെ പേടിയ്ക്കുന്ന യക്ഷി,സ്മൂളിൽ പാടുന്ന യക്ഷി.
എന്നിട്ടും പേര്,അതീന്ദ്രീയ ശക്തിയുള്ള യക്ഷി… 

ഈ യക്ഷി വായനക്കാരുടെ മനസ്സു കീഴടക്കി അവരെ ചിരിപ്പിച്ചും,രസിപ്പിച്ചും അതോടൊപ്പം ചിന്തിപ്പിച്ചും  അവരുടെയുള്ളിൽ ചേക്കേറുമ്പോൾ ആ സംശയ നിവാരണവും തീരുന്നു ..
ചിരിയും,ചിന്തയും ഇവിടെ സിമോണയുടെ വാളിൽ ആ ആഖ്യാനത്തിൽ മാത്രം കണ്ടു പരിചയിച്ച വിസ്മയം..വീണ്ടും…

സസ്നേഹം
മാഡ് മാഡി

ആരാടി പറഞ്ഞെ ഞാൻ നിന്നെ വിട്ടൂന്ന്?
അതിനേ ഇമ്മിണി പുളിക്കും. നിന്റെ ലൂസിഫർ പുണ്യാളന്റെ പള്ളീൽ പോയി പറഞ്ഞാ മതി. എനിക്കെ അങ്ങ് ഡൽഹിയിൽ വരെയുണ്ടെടീ പിടി.

എന്റെ സ്വന്തം ചേച്ചിയും (കാര്യം എന്നേക്കാൾ വയസിന് താഴെയാ. ന്നാലും ഞാൻ ചേച്ചീന്നെ വിളിക്കൂ. പിന്നെ വയസിന് ഇളയതായോണ്ട് ഞാൻ എടി പോടീന്നൊക്കെ വിളിക്കും. ഇടക്കൊക്കെ തല്ല് കൂടും. അത് ഞങ്ങള് ചേച്ചീം അനിയനും തമ്മിലുള്ള കാര്യം. എന്ന് വിചാരിച്ച് ന്റെ ചേച്ചീനെ ആരെങ്കിലും എന്തെങ്കിലും പറഞ്ഞാ എനിക്ക് സഹിക്കില്ല. ഇന്നാള് തന്നെ ഇവടന്ന് അവളും രാജാവും പിണങ്ങി പോയപ്പൊ വിടില്ല ഞാൻ എന്ന് പറഞ്ഞ് പിന്നാലെ വെച്ചടിച്ചു, അങ്ങ് എഫ്ബിയിലോട്ട്. അത്രയ്ക്ക് കാര്യാ എനിക്കവളെ.) അപ്സരസുകളുടെ രാജാവുമായ സ്മിതേച്ചി സമ്മതിച്ചതാ. നിനക്ക് വേണ്ടി കിന്നര ലോകത്തെ നിയമങ്ങൾ വരെ ഞാൻ തെറ്റിക്കും. അല്ലെങ്കിലും ബാക്കിയുള്ള കിന്നരന്മാരെ പോലെ എനിക്കീ ജാതി പ്രാന്തോന്നും ഇല്ല്യ. ഇമ്മള് കമ്മ്യൂണിസ്റ്റ് അല്ലെ.

ജോലി കിട്ടീട്ട് ആരെ വേണേലും കൊണ്ടൊന്നോന്നാ വീട്ടീന്ന് മാതാശ്രീയുടെ കല്പന. എൻ്റെയീ മരമോന്തയും വെറുപ്പീര് സ്വഭാവോം വെച്ചിട്ട് ഒരുത്തി പോലും തിരിഞ്ഞ് നോക്കുന്നില്ല. അപ്പഴാ ഞാൻ നിന്നെ കണ്ടത്. നീയാണെങ്കിൽ എനിക്ക് നന്നായി ചേരും. മിണ്ടാൻ പോലും പിശുക്ക് കാണിക്കുന്ന എനിക്ക് നാട് തോറും കലപില വെച്ച് നടക്കണ നിന്നെ മതി.

പിന്നെ നിന്റെ സ്മിതാമ്മ സമ്മതിക്കാൻ വേറെ കാരണം കൂടി ഇണ്ട്. ചേച്ചീടെ ലൈനടിക്ക് ഹെല്പ് ചെയ്യണത് ഞാനാ. പകരം ഒരു കാര്യം മാത്രേ ചോദിച്ചൊള്ളോ. നീയായിട്ട് മുൻകൈയ്യെടുത്ത് ന്റെ കാര്യം കൂടെ നടത്തി തരണം ന്ന്. ഒന്ന് ഉം ന്ന് മൂളിയപ്പോ തന്നെ കൈക്കൂലിയായി കെട്ടിപ്പിടിച്ച് കവിളത്തൊരു ഉമ്മ കൊടുത്തു. (ഈ ഉമ്മേനെ കണ്ടിട്ട് ആർക്കും ഹാലിളകണ്ട. ഇതെന്റെ ചേച്ചിക്ക് ഞാൻ കൊടുത്ത ചക്കര ഉമ്മയാ. അതിനെ മറ്റേ കണ്ണോണ്ട് കാണണോർക്ക് ഞാനൊരു സാധനം കാണിച്ചരാം. എന്റെ പറമ്പിന്റെ വടക്ക് പടിഞ്ഞാറെ അതിരില് ഒരു മുരിക്ക് മരം ഉണ്ട്. നല്ല മുള്ളാ. ചന്തിയിട്ട് അതുമ്മെ ഒരാച്ചാല് ആ അസുഖം ചെലപ്പൊ മാറിക്കിട്ടും. ന്നിട്ടും മാറിയില്ലേൽ ഇത് ചെലപ്പോ കൂടിയ ഐറ്റാവും. അതെന്റെ കൈയ്യിൽ നിക്കില്ല.)

പ്രേമിച്ച് കളിച്ച് നടക്കണതൊക്കെ കൊള്ളാം, കുരുത്തക്കേടൊന്നും വരുത്തി വെക്കരുതെന്ന് പറഞ്ഞു. എന്തെങ്കിലും കന്നന്തിരിവ് കാണിച്ചൂന്നറിഞ്ഞാ ചട്ടുകം പഴുപ്പിച്ച് ചന്തിക്ക് വെക്കുമെന്ന് പറഞ്ഞിട്ടാ സമ്മതിച്ചത്.

നീ സമ്മതിച്ചാ പിന്നെ ഞാൻ ബാറിലൊന്നും പോയി കുടിച്ച് വെറുതെ പൈസയൊന്നും കളയത്തില്ല. ഞാൻ ബീവറെജിൽ നിന്ന് സാധനം വാങ്ങിച്ചോണ്ടോരും. നീ നിന്റെ ഗുരു ആ കള്ള സന്യാസീന്റെ (അല്ലെങ്കി വേണ്ട. ഇനിയിപ്പൊ ഗുരുനെ ചീത്ത പറഞ്ഞേന് ദേഷ്യം വന്നാ ഇവള് മുറി കേറ്റത്തില്ല. മ്മടെ കഞ്ഞികുടി മുട്ടും.) ആ ഋഷിവര്യന്റെ കൈയ്യിൽ നിന്നും ഇച്ചിരി നീല ചടയനും വാങ്ങി കൊണ്ടന്ന് നമുക്ക് കാമുകനും കാമുകിക്കും ഒന്നിച്ചിരുന്നടിക്കാം. ഏതെങ്കിലും സദാചാരക്കാർ ശല്യപ്പെടുത്താൻ വന്നാൽ ഞാനെന്റെ കുതിര കാലോണ്ട് പെടക്കും. (ഗൂഗിളിൽ തപ്പിയപ്പൊ കിട്ടിയതാ. ഞങ്ങള് കിന്നരന്മാർക്ക് അരയ്ക്ക് മേല്പോട്ട് മനുഷ്യ രൂപവും താഴോട്ട് കുതിരയുടെ രൂപവുമാണെന്ന്.) എന്റെ ഒരൊറ്റ ചവിട്ടിന് ചത്തു വീണ സദാചാര ചേട്ടന്മാരുടെയും ചേച്ചിമാരുടെയും ചോര ഞാൻ നിനക്കെന്റെ സ്നേഹ സമ്മാനമായി തരും. അല്ലാണ്ട് താജ് മഹലൊന്നും കെട്ടാൻ പറയരുത്. മനുഷ്യനിവിടെ സ്വന്തം വീടിന്റെ പണി പോലും തീർത്തിട്ടില്ല.

ഞങ്ങടെ കാർന്നോന്മാര് പണ്ട് തപസ് ചെയ്ത കഥ നിനക്കറിയോ? ഞങ്ങളെ പടച്ച് വിട്ടത് ഞങ്ങടെ കാക്കത്തൊള്ളായിരം great grand father സാക്ഷാൽ ശ്രീമാൻ ബ്രഹ്മാവ് (കണ്ടാ സാന്ത ക്ലോസിന്റെ പോലെയിരിക്കും കള്ള കെളവൻ. 3 തലയുള്ള സാന്ത ക്ലോസ്…???) ആണെന്നറിയാലോ. പുള്ളീടെ ഓമന സന്താനങ്ങളായ ഗന്ധർവന്മാർക്കും ഗന്ധർവിനികൾക്കും അപ്സരസുകൾക്കും യക്ഷന്മാർക്കും യക്ഷികൾക്കും നല്ല ചേലുള്ള മനുഷ്യ രൂപം കൊടുത്തു. ഗന്ധർവ കുലത്തിന് തലയിൽ LED ഹെഡ് ലൈറ്റ് കൊടുത്തു. (രാത്രി കണ്ട കാണാൻ കൊള്ളാവുന്ന കന്യകമാരുടെ വീട്ടിൽ സേവയ്ക്ക് പോണതല്ലേ പാവങ്ങള്. അതോണ്ട് അടി വന്നാ, വന്ന വഴി കാണാനും വല്ല കല്ലോ മുള്ളോ പാമ്പോ ചെമ്പോ ഉണ്ടെങ്കിൽ മാറി നടക്കാനും ആണെന്നും തോന്നുന്നു, കെളവൻ ഇങ്ങനെ ചെയ്ത് കൊടുത്തത്.) യക്ഷികൾക്ക് സോങ്ങ് വിത്ത് ബിജിഎം കൊടുത്തു. അപ്സരസുകൾക്ക് ഡാൻസ്. ഞങ്ങൾക്ക് മാത്രം ഈ ഊള കോലം. ഞങ്ങടെ കസിൻസ് ആയ നാഗങ്ങൾക്കും ഭൂതങ്ങൾക്കും അതിലും കഷ്ട്ടാണ്. പാവത്തുങ്ങൾക്ക് സ്വർഗത്തിൽ ഒരു 1BHK ഫ്ലാറ്റ് പോലും കൊടുത്തില്ല ഞാൻ മുമ്പ് പറഞ്ഞ മൂന്ന് തലയുള്ള സാന്ത ക്ലോസ് (രൂപം മാത്രേ സാന്ത ക്ലോസിന്റെ ഉള്ളൂ. സ്വഭാവം തനി കടുവാ ചാക്കോന്റെയാ. ആ നിതീഷിന്റേം ഭാമേടേം ലൈൻ പൊളിക്കുമായിരുന്നോ? ആ നിതീഷിന്റെയും ഭാമയുടെയും കഥയാണ് പിന്നീട് ദേവലോകത്ത് നിന്ന് ശാപം കിട്ടി ഭൂമിയിൽ പോയ ഞങ്ങള് പപ്പേട്ടൻ എന്ന് വിളിക്കണ ഗന്ധർവൻ പിന്നീട് സിനിമയാക്കിയത്. ഈ നിതീഷിന്റെ കുഞ്ഞമ്മേടെ മോനാണ് പപ്പേട്ടൻ എന്ന് ഞങ്ങൾ വിളിക്കുന്ന മനുഷ്യ ലോകത്തെ സംവിധായകൻ പത്മരാജൻ) പിന്നെ നാഗങ്ങൾക്ക് പാമ്പിന്റെ രൂപമാണേലും നല്ല സുന്ദരന്മാരും സുന്ദരിമാരും ആണെന്നാ ഞങ്ങടെ ഓൾ സ്വർഗം കിന്നരൻ ആര്ട്ട്സ് ആൻഡ് സ്പോർട്സ് ക്ലബ് പ്രസിഡന്റ് കൂടിയായ മാസ്റ്റർ പറയാറ്. പുള്ളി കൊറേ
യാത്രയൊക്കെ പോകുന്നയാളാ. നല്ല എഴുത്തുകാരനും. ഒരു ദിവസം ഞങ്ങടെ ക്ലബ്ബിലെ ഓണാഘോഷം ഉൽഘാടനം ചെയ്യാൻ വന്ന പ്രശസ്ത സൈക്കോളജിസ്റ്റായ Dr. മന്ദൻ രാജ പറഞ്ഞത് നാഗങ്ങളെ കാണാൻ നല്ല വെളുത്ത് തുടുത്ത ഹിന്ദി സീരിയൽ നടിമാരെയും നടന്മാരെയും പോലെയാണെന്നാ. പക്ഷെ എനിക്കീ മെലിഞ്ഞ് വെളുത്ത പെണ്ണുങ്ങളെ ഇഷ്ട്ടല്ല. ബ്ലാഹ്…??? എനിക്ക് നിന്റെ പോലത്തെ പെണ്ണുങ്ങളെയാ ഇഷ്ട്ടം. കിച്ചു ഗന്ധർവൻ എന്നോട് പറഞ്ഞത് തേതിയെ എഴുതിയത് നിന്റെ സിമോണയെ കണ്ടിട്ടാത്രെ. വെങ്കലത്തിന്റെ നിറാണത്രെ തേതിക്ക്

അയ്യേ, ഞാനെന്ത് ഊളയാല്ലേ. പറഞ്ഞ് പറഞ്ഞ് കാട് കയറി. കഥയിൽ നിന്ന് മാറി ഹിന്ദി സീരിയലിൽ വരെ എത്തി. എവിടെയാ ഞാൻ പറഞ്ഞ് നിർത്തിയത്…??? ആ… ഞങ്ങടെ ഊള രൂപം. ഈ ഊള രൂപം വെച്ച് ഗന്ധർവിനിമാരും അപ്സരസുകളും പോയിട്ട്, കാണാൻ കൊള്ളാവുന്ന ഒരു യക്ഷി പോലും തിരിഞ്ഞ് നോക്കൂലാന്ന് ഞങ്ങടെ കാർന്നോന്മാർക്ക് മനസിലായി. അതോണ്ട് ഞങ്ങൾ സമരം ചെയ്യാൻ തിരുമാനിച്ചു. ആദ്യം സത്യാഗ്രഹം ആയിരുന്നു. പിന്നെ വഴിതടയലായി, കരിങ്കൊടിയായി, ഹർത്താലായി. അവസാനം ഗംഭീര നിരാഹാര സമരം. അതീ ഭൂമിയിലെ പോലെയല്ല. 6 നേരം തിന്നാൻ ഉള്ള ആഹാരം ഒറ്റ നേരം കൊണ്ട് തിന്ന് തീർക്കലാണ് ഞങ്ങടെ നിരാഹാരം. ആ പരിപാടി ഉത്ഘാടനം ചെയ്തത് കൈലാസത്തിലെ ശിവേട്ടന്റെയും പാറുചേച്ചീടെയും മോനായ K.S. ഗണേഷ് കുമാർ ആയിരുന്നു. ഞങ്ങടെ കഠിനമായ സമരമുറകൾ കണ്ട ശിവേട്ടനും വിഷ്‌ണേട്ടനും കെളവനെ പോയി കണ്ടു. അവര് തമ്മില് പണ്ടേ വലിയ ദോസ്‌തോളാ. ശിവേട്ടനും വിഷ്‌ണേട്ടനും പറഞ്ഞാ കെളവന് കേൾക്കാണ്ടിരിക്കാൻ പറ്റത്തില്ല. അതോണ്ട് ഞങ്ങടെ നേതാക്കന്മാരെ മധ്യസ്ഥ ചർച്ചക്ക് വിളിച്ചു. അതിന് ഞങ്ങളെ പ്രതിനിധീകരിച്ച് മാസ്റ്ററും Dr. K. കുട്ടനും (പുള്ളി ഡോക്ടർ ആണെന്നൊക്കെയാ പറഞ്ഞ് കേക്കണേ. എന്തിന്റെ ഡോക്ടർ ആണാവോ?) പിന്നെ മുമ്പ് ഞാൻ പറഞ്ഞ സൈക്കോളജിസ്റ്റ് രാജയുമാണ് പോയത്. ബാക്കിയുള്ളോർക്ക് കൊടുത്ത പോലെ ഞങ്ങൾക്കും എന്തെങ്കിലും കിട്ടണമെന്ന് ഞങ്ങടെ നേതാക്കന്മാർ കെളവനോട് കട്ടായം പറഞ്ഞു. അവസാനം കെളവൻ പറഞ്ഞു, “നിങ്ങള് ഒരു കാര്യം ചെയ്യ്, നിങ്ങള് സ്വർഗത്തിലെ സംഗീതജ്ഞർ ആയിക്കോളാൻ.” ഇപ്പൊ ഗന്ധർവന്റെ പാട്ടായാലും, അപ്സരസിന്റെ ഡാൻസ് ആയാലും ബാക്ക്ഗ്രൗണ്ടിൽ വയലിനും ഗിറ്റാറും, ഡ്രംസും, കീബോർഡും വായിക്കണതേ, ഞങ്ങളാ. ഈ ഭൂമിയില് ഒരു സംഗീത സംവിധായകൻ ഉണ്ടല്ലോ? പേര് എ. ആർ. റഹ്മാൻ എന്നോ മറ്റോ ആണെന്ന് തോന്നുന്നു. പുള്ളിയേ ഞങ്ങടെ ആളാ. പണ്ട് ഗന്ധർവന്റെ കച്ചേരിയിൽ പാട്ട് പാടിയ ഗന്ധർവന്റെ സംഗതി പോയതിന് കുറ്റം മൂപ്പർടെ തലയിൽ കെട്ടി വെച്ച് ശപിച്ച് വിട്ടതാ ആ പാവത്തിനെ. ഞങ്ങള് ഉപകരണങ്ങൾ മാത്രല്ലാ ട്ടാ, നന്നായി പാടൂം ചെയ്യും. ഞങ്ങടെ കൂട്ടത്തില് ഒരു ദാസേട്ടൻ ഉണ്ടായിരുന്നു. പുള്ളീനെ ഗന്ധർവൻമാർ ദത്തെടുത്തതാ. ഇപ്പൊ ഭൂമിയിൽ ഉണ്ട്. പുള്ളീനെ ഗാനഗന്ധർവൻ എന്നാ മനുഷ്യന്മാര് വിളിക്കണത്. പക്ഷെ ദേവലോകത്തെ വില്ലേജ് ഓഫീസിൽ ചോദിച്ചാൽ മൂപ്പർടെ ജാതി സർട്ടിഫിക്കറ്റ് കിട്ടും. അതില് ഗന്ധർവൻ ന്നല്ല, കിന്നരൻ ന്നാ.