ആതിരയുടെ പൂങ്കാവനം [ഗില്ലി ബാല] 242

​ഞാൻ മറുപടി ടൈപ്പ് ചെയ്തു.

​ഞാൻ: “സുഖം ആതിര. ഇവിടെ എല്ലാവരും സുഖമായിരിക്കുന്നു. നിനക്കും ടോണിക്കും സുഖമല്ലേ?”

​ആതിര: “അതെ മഹിയേട്ടാ. പിന്നെ… ഞായറാഴ്ച മഹിയേട്ടൻ വരുമല്ലോ അല്ലേ? ടോണി പറഞ്ഞിരുന്നു മഹിയേട്ടൻ വരുമെന്ന്.”

​ടോണി പ്ലാൻ മാറ്റി നേരത്തെ വരാൻ പറഞ്ഞ കാര്യം അവൾ അറിഞ്ഞിട്ടില്ലെന്ന് എനിക്ക് മനസ്സിലായി. അവളായിട്ട് ഞായറാഴ്ച എന്ന് പറഞ്ഞ സ്ഥിതിക്ക് അവളെ തിരുത്താൻ ഞാൻ പോയില്ല. എല്ലാം സർപ്രൈസ് ആയിരിക്കട്ടെ എന്ന് ഞാനും കരുതി.

​ഞാൻ: “ഉറപ്പായും വരാം ആതിര. ടോണിയോട് വരാമെന്ന് ഏറ്റിട്ടുണ്ട്. അവിടെ വച്ച് കാണാം.”

​ആതിര: “ശരി മഹിയേട്ടാ. എന്നാൽ ഉറങ്ങിക്കോളൂ. ഗുഡ് നൈറ്റ്..”

​ഫോൺ മാറ്റി വെച്ചെങ്കിലും എന്റെ മനസ്സിൽ ആതിരയുടെ ആ നോട്ടവും ചിത്രങ്ങളുമായിരുന്നു. വരാനിരിക്കുന്ന ദിവസങ്ങളിൽ വയനാട് എനിക്കായി എന്തൊക്കെയാണ് കരുതി വെച്ചിരിക്കുന്നത് എന്ന് ആലോചിച്ചപ്പോൾ ചെറിയൊരു ആകാംക്ഷ എന്നിലുണ്ടായി.

അങ്ങനെ ആ കാത്തിരുന്ന ദിവസം എത്തി. കൊടും വെയിലിൽ കെ.എസ്.ആർ.ടി.സി ബസ്സിന്റെ ജാലകത്തിലൂടെ പുറത്തെ കാഴ്ചകൾ കണ്ട് ഞാൻ വയനാട്ടിലേക്ക് തിരിച്ചു. മനസ്സിൽ ആതിരയുടെ രൂപവും, പിന്നെ ടോണി പറഞ്ഞ ആ ‘വിരുന്നും’ ഒക്കെ മാറി മാറി വരുന്നുണ്ടായിരുന്നു. ചുരം കയറുമ്പോൾ തണുത്ത കാറ്റ് എന്നെ തഴുകി കടന്നുപോയി.

​ചുരം കഴിഞ്ഞുള്ള സ്റ്റോപ്പിൽ ബസ്സ് ഇറങ്ങിയപ്പോൾ തന്നെ ദൂരെ ടോണി തന്റെ ജീപ്പുമായി നിൽക്കുന്നത് കണ്ടു. എന്നെ കണ്ടതും അവൻ ആവേശത്തോടെ അടുത്തേക്ക് വന്നു.