ആതിരയുടെ പൂങ്കാവനം [ഗില്ലി ബാല] 241

കാരണം 1 മാസമായി നാട്ടിലേക്ക് തല പോലും കാണിക്കാത്ത എനിക്ക് അച്ഛന്റെ വായിൽ നിന്നും കണക്കിന് കിട്ടുന്നുണ്ടായിരുന്നു.

അവസാനം എന്റെ സുഖങ്ങൾക്ക് യാത്ര പറഞ്ഞ് ഞാൻ കേരളത്തിലേക്ക് തിരിച്ചു.

അച്ഛൻ അമ്മ പെങ്ങൾ അടങ്ങുന്ന കൊച്ചു കുടുംബമാണ് എന്റേത്. ഏറെ കഷ്ടപ്പാടുകളിൽ നിന്ന് കരകയറ്റിയത് ഞാൻ ജോലിക്ക് പോയ ശേഷമാണ്. അതിന്റെയൊക്കെ ബഹുമാനവും വീട്ടിലും നാട്ടിലും എനിക്കുണ്ടായിരുന്നു.

3 മാസം ലീവിന് വന്ന ഞാൻ രണ്ടാം മാസം മുഴുവനായും നാട്ടിൽ തന്നെ അടിച്ചു പൊളിച്ചു.

ഗ്രൗണ്ടിലെ ഫുട്ബോൾ കളിയും വൈകീട്ട് കുളക്കടവിൽ ഉള്ള കൂട്ടുകടുമൊത്തുള്ള വെള്ളമടി എല്ലാം കൊണ്ടും ലൈഫ് സ്വർഗ്ഗമായിരുന്നു.

3 കൊല്ലത്തെ അടിമ ജീവിതത്തിന്റെ ബാക്കി 3 മാസത്തെ അർമാദമാണ്.

ദിവസങ്ങൾ കടന്നുപോയി.

വീട്ടിൽ അനിയത്തിയുടെ കല്യാണ ആലോചനകൾ നല്ല മുറക്ക് നടന്നുപോയി. ഒരെണ്ണം ഉറപ്പിച്ച മട്ടാ. മിക്കവാറും ഞാൻ പോകും മുമ്പ് നിശ്ചയം കാണും.

കൂടെ എനിക്കും പെണ്ണ് നോക്കുന്നുണ്ട്. അടുത്ത ലീവിന് രണ്ടും ഒന്നിച്ചു നടത്താം എന്നൊക്കെയാണ് പറയണത്. ഞാൻ അതിനൊന്നും വലിയ താല്പര്യം കൊടുത്തിട്ടില്ല. എല്ലാം വരുന്നിടത്തു വച്ചു കാണാം..

അങ്ങനെ 2 ആം മാസവും കടന്നുപോയി…

ഒരു ദിവസം കുളക്കടവിലെ കള്ളുകുടി എല്ലാം കഴിഞ്ഞു വീട്ടിലേക്ക് നടക്കുന്ന എന്റെ മൊബൈലിലേക്ക് ഒരു കാൾ വന്നു.. എടുത്തു നോക്കിയപ്പോൾ അപരിചിതമായ ഒരു നമ്പർ ആണ്..