ആതിരയുടെ പൂങ്കാവനം [ഗില്ലി ബാല] 605

​ടോണി: “മഹേഷേ, നീ ഇരിക്ക്. ഞങ്ങൾ പോയി പെട്ടെന്ന് എന്തെങ്കിലും ഉണ്ടാക്കാം. വിശന്നിട്ട് വയ്യാ.”

​ടോണിയും ആതിരയും അടുക്കളയിൽ കയറി പണികൾ തുടങ്ങി. ഞാൻ ഹാളിലിരുന്ന് ഓരോന്ന് ആലോചിച്ചു. അടുക്കളയിൽ നിന്നും അവരുടെ സംസാരവും പാത്രങ്ങൾ മുട്ടുന്ന ശബ്ദവും കേൾക്കാമായിരുന്നു. പെട്ടെന്നാണ് ടോണിയുടെ ഫോൺ ബെല്ലടിച്ചത്.

​അവൻ ഫോൺ എടുത്തു സംസാരിക്കുന്നത് എനിക്ക് കേൾക്കാം. അവന്റെ സ്വരത്തിൽ ചെറിയൊരു പരിഭ്രമം ഉണ്ടായിരുന്നു. കുറച്ചു കഴിഞ്ഞപ്പോൾ അവൻ അടുക്കളയിൽ നിന്നും വെപ്രാളപ്പെട്ട് പുറത്തേക്ക് വന്നു.

​ടോണി: “മഹേഷേ… ഒരു പണിയായി. കമ്പനിയിൽ നിന്ന് വിളിക്കുകയാ. സൈറ്റിൽ എന്തോ ഒരു എമർജൻസി ഉണ്ട്. ഉടനെ അവിടെ എത്തണം. ഇന്ന് ലീവ് ആണെന്ന് പറഞ്ഞിട്ടും അവർ കേൾക്കുന്നില്ല.”

ഞാൻ : അതിനു നിനക്ക് ഹോം സ്റ്റെ ബിസിനസ്സ് അല്ലെ…??

ടോണി : ഇത് സൈഡ് ബിസിനസ്സ് ആണടെ…

ജീവിച്ചു പോണ്ടേ…

​അവൻ ആതിരയെ നോക്കി. അവൾ കൈയ്യിൽ ഒരു തവി പിടിച്ചു കൊണ്ട് അടുക്കളവാതിലിൽ വന്നു നിന്നു.

​ടോണി: “ആതിരെ . എനിക്ക് വേഗം ഒന്ന് പോകണം. മഹേഷ് ഇവിടെ ഉണ്ടല്ലോ. നീ ഇവന് നല്ല ഭക്ഷണം ഉണ്ടാക്കി കൊടുക്ക്. ഞാൻ വൈകുന്നേരം ആകുമ്പോഴേക്കും തിരിച്ചെത്താൻ നോക്കാം.”

​ആതിര: (ഒന്നും അറിയാത്ത ഭാവത്തിൽ) “അയ്യോ… ഇപ്പോൾ തന്നെ പോകണോ? മഹിയേട്ടൻ ആദ്യമായി വീട്ടിൽ വന്നതല്ലേ…”

​ടോണി: “വേറെ വഴിയില്ല മോളേ. മഹേഷേ, നീ ഇവളെ ഒന്ന് നോക്കിക്കോണേ. ഞാൻ പോയി റെഡിയായി വരാം.”