സോറി ശ്രീവേണി നിങ്ങളുടെ സിസ്റ്റമാണ് ഞാൻ യൂസ് ചെയ്തിരുന്നത് നിങ്ങളുടെ ഫോട്ടോസുകൾ ഞാൻ കാണാറുണ്ടായിരുന്നു അതുകൊണ്ടുതന്നെ നേരിട്ടുകണ്ടില്ലേലും എനിക്ക് നിങ്ങളെ അറിയാം
അയ്യോ അതെല്ലാം ഞാൻ ഡിലീറ്റാക്കാൻ മറന്നുപോയതാണ് ഗോകുൽ . തൻ്റെ ഫോട്ടോസ് കണ്ടുകൊണ്ടു ഒരാൾ ഇത്രയധികം അടുപ്പം കാണിക്കുന്നത് അവളിൽ ഒരേസമയം നാണവും കൗതുകവും ഉണ്ടാക്കി .
ഓഫിസിലെ ആദ്യ ദിവസങ്ങളിലെ കുഞ്ഞിനെ ഓർത്തുള്ള അവളുടെ വിഷമം ഗോകുലാണ് മാറ്റിയത് .ജോലിയിൽവന്ന മാറ്റങ്ങൾ ക്ഷമയോടെ പഠിപ്പിച്ചുകൊടുക്കുന്നതും ഗോകുലിൻ്റെ ശീലമായിമാറി . നീ എന്തിനാ ഇങ്ങിനെ സ്ട്രെയിൻ ചെയുന്നത് ? കുഞ്ഞിൻ്റെ കാര്യങ്ങൾനോക്ക് ബാക്കിവർക്ക് ഞാൻ ഹെൻഡിൽ ചെയ്തുകൊള്ളാം … എന്ന് അവൻ പറയുമ്പോൾ വിദേശത്തിരുന്ന് പണം മാത്രം അയക്കുന്ന രാകേഷിനെക്കാൾ ഇങ്ങിനെയും ആണുങ്ങൾ പെണ്ണുങ്ങളെ കെയർ ചെയ്യുമോ ?എന്ന ചിന്തകൾ മനസ്സിൽവരുന്നത്
ഓഫിസിലെ ഒരേ പ്രോജെക്ടിൽ വർക്ക് ചെയേണ്ടി വന്നത് അവർക്ക് അപരസ്പരം കൂടുതൽ സമയം ചെലവഴിക്കാനുള്ള അവസരംനൽകി , അത് ഒരാളുടെ മനസ്സ് മറ്റൊരാൾക്ക് വായിച്ചെടുക്കാൻകഴിയുന്ന തരത്തിൽ വളർന്നു . കുഞ്ഞിന് സുഖമില്ലാത്ത ദിവസങ്ങളിൽ അവൾ പറയാതെതന്നെ ഗോകുൽ അവളുടെ വർക്ക് ലോഡ് ഏറ്റെടുക്കുമായിരുന്നു .
നീ വേഗം വീട്ടിൽ പോകു… ശ്രീ… ഭാക്കി ഞാൻ നോക്കിക്കോളാം എന്ന അവൻ്റെ വാക്കുകൾ അവൾക്ക് വലിയ ആശ്വാസം നൽകി .ഉച്ചഭക്ഷണ സമയങ്ങളിൽ അവർ തങ്ങളുടെ പഴയകാല ഓർമ്മകളും വിദേശത്തുള്ള പങ്കാളികളെ കുറിച്ചുള്ള ആകുലതകളും പങ്കുവെച്ചു . രാകേഷ് സെയിൽസ് എക്സിക്യൂട്ടീവായി ദുബായിലും ദുബായിൽത്തന്നെ നഴ്സായാണ് സൗമ്യയും ജോലിചെയുന്നതെന്ന് അവരുടെ ഈ സമയങ്ങളിലെ സംഭാഷണത്തിൽനിന്നാണ് അവർ മനസിലാക്കിയെടുത്തത് .
