ആ മുറിയിലെ തണുപ്പിൽ, ഒരേ പുതപ്പിനുള്ളിൽ തനിക്ക് ഏറ്റവും പ്രിയപ്പെട്ട രണ്ടു പുരുഷന്മാരുടെ ചൂടേറ്റ് കിടക്കുമ്പോൾ അച്ചുവിന് തോന്നി, താൻ ലോകത്തിലെ ഏറ്റവും ഭാഗ്യവതിയായ പെണ്ണാണെന്ന്. താൻ ആഗ്രഹിക്കുന്ന രീതിയിൽ തന്നെ സ്നേഹിക്കാൻ, തന്നെ മനസ്സിലാക്കാൻ ഈ രണ്ട് പുരുഷന്മാർ കൂടെയുണ്ടല്ലോ എന്ന തിരിച്ചറിവ് അവളുടെ ഉള്ളിൽ വലിയൊരു സന്തോഷം നിറച്ചു.
പിന്നീട് സംസാരം നിലച്ചു. മുറിയിൽ നിശബ്ദത പടർന്നു. പക്ഷേ ആ നിശബ്ദതയ്ക്ക് വല്ലാത്തൊരു പ്രണയഗന്ധമുണ്ടായിരുന്നു. അക്കു അച്ചുവിന്റെ കൈകളിൽ കോർത്തുപിടിച്ചു കൊണ്ട് ഉറക്കത്തിലേക്ക് വഴുതിവീണു. ദേവേട്ടൻ അവളുടെ നെറുകയിൽ ഒരു ഉമ്മ കൂടി നൽകി അവളെ തന്റെ കൈകളിൽ സുരക്ഷിതമായി പൊതിഞ്ഞു.
ആ രാത്രി അവർ മൂന്നുപേരും ഒരേ സ്വപ്നത്തിലേക്ക് ചേക്കേറി. ജീവിതത്തിലെ വലിയൊരു പ്രതിസന്ധി ഒഴിവായിപ്പോയതിന്റെ ആശ്വാസത്തിൽ, സ്നേഹത്തിന്റെ പുതപ്പിനുള്ളിൽ അവർ മൂന്നുപേരും ആ നിശബ്ദതയെ ആസ്വദിച്ചുകൊണ്ട് ഉറങ്ങിപ്പോയി.
************
ദേവേട്ടന്റെ നിർദ്ദേശപ്രകാരം അടുത്ത വാരാന്ത്യത്തിൽ അക്കുവും അച്ചുവും മാത്രമായി പുറത്തേക്ക് ഇറങ്ങി. അവർക്കിടയിലെ ആത്മബന്ധം ഒന്നുകൂടി ദൃഢമാക്കുക എന്നതായിരുന്നു ദേവേട്ടന്റെ ലക്ഷ്യം. ഒരു പ്രണയജോഡികളെപ്പോലെ കൈകൾ കോർത്തുപിടിച്ച്, ആ മാളിലും പാർക്കിലും അവർ ചിത്രശലഭങ്ങളെപ്പോലെ പാറിനടന്നു. ഷോപ്പിംഗിന്റെ ആഡംബരങ്ങളേക്കാൾ, പരസ്പരം പങ്കുവെച്ച ആ നിമിഷങ്ങളിലായിരുന്നു അവർ ഏറ്റവും കൂടുതൽ സന്തോഷം കണ്ടെത്തിയത്.
