അക്കുവിന് പോകാൻ ഒട്ടും താല്പര്യമില്ലായിരുന്നു. അച്ചുവിന്റെ ചുണ്ടുകളിൽ തന്റെ അധരങ്ങൾ തൊട്ട ആ നിമിഷത്തിന്റെ ലഹരിയിൽ നിന്നും അവനും മുക്തനായിരുന്നില്ല… എങ്കിലും അച്ചുവിന്റെ ആഗ്രഹം മാനിച്ച് അവൻ പതുക്കെ പിന്നോട്ട് നീങ്ങി…
”ശരി ഏട്ടാ… ഞാൻ എന്നാൽ കിടക്കാം.. ഗുഡ്നൈറ്റ് ” അക്കു അച്ചു കേൾക്കാനായി അല്പം ശബ്ദമുയർത്തി പറഞ്ഞു…
പോകുന്നതിന് മുൻപ് വാതിലിന്റെ വിടവിലൂടെ അവൻ അവളെ ഒന്ന് കൂടി നോക്കി… ആ നോട്ടത്തിൽ ‘നമ്മൾ നിർത്തിയടത്തു നിന്ന് തുടരും’ എന്നൊരു വാഗ്ദാനമുണ്ടായിരുന്നു…
അവന്റെ ആ നോട്ടത്തിന്റെ അർത്ഥവും തീക്ഷ്ണതയും തിരിച്ചറിഞ്ഞ അച്ചു, ലജ്ജയോടെയും പരിഭ്രമത്തോടെയും തന്റെ കീഴ്ച്ചുണ്ട് പല്ലുകൾക്കിടയിൽ അമർത്തി… ഒരു നിമിഷം ആ നോട്ടത്തെ നേരിടാൻ കഴിയാതെ അവൾ കണ്ണുകൾ താഴ്ത്തി…
ആ നിമിഷം, അവളുടെ വെളുത്ത കവിളുകളിൽ പടർന്ന ആ ചുവപ്പ് അല്പം കൂടി കനത്തു,,,, ഒരു വിടരാൻ നിൽക്കുന്ന ചെമ്പരത്തിപ്പൂവിനെപ്പോലെ അവളുടെ മുഖം ഒന്നുകൂടി ചുവന്നു തുടുത്തു…
അക്കു മുറിക്ക് പുറത്തിറങ്ങി വാതിൽ ചാരിയ ശബ്ദം കേട്ടതിന് ശേഷമാണ് അച്ചു ആശ്വാസത്തോടെ ഒന്ന് ശ്വാസം വിട്ടത്…
അവൾ പതുക്കെ ബാത്റൂമിൽ നിന്നും പുറത്തിറങ്ങി. ദേവേട്ടൻ കട്ടിലിൽ അവളെയും കാത്ത് ഇരിക്കുകയായിരുന്നു…
അച്ചു കൈകൾ നെഞ്ചിൽ പിണച്ചുകെട്ടി തല താഴ്ത്തി കട്ടിലിന്റെ അരികിൽ ദേവേട്ടനോട് ചേർന്നിരുന്നു…
അവളുടെ വിരലുകൾ അപ്പോഴും വിറയ്ക്കുന്നുണ്ടായിരുന്നു. തല താഴ്ത്തി, താൻ ചെയ്തതൊക്കെ വലിയൊരു പിഴവാണെന്ന മട്ടിൽ അവൾ പതുക്കെ മന്ത്രിച്ചു.
