ചേച്ചി……..

പതിനൊന്നു പേജിൽ തീർത്ത ഒരു പ്രതികാരം. അതാണ് ഈ കഥ.ഒരു ആത്മാവ് തന്റെ പ്രതികാരത്തിനായി മടങ്ങിയെത്തിയത് ലാവണ്യയെന്ന പേരിൽ.ഇനി അങ്ങനെ അല്ല എന്ന് പറയാനാണെങ്കിൽ കിറിക്കിട്ട് കുത്തും ഞാൻ.

“ഒരു രാത്രിയിൽ ഒറ്റപ്പെട്ടുപോയവൾ.അവളെ ഒരു മൃഗം സഹായഹസ്തവുമായി ചെല്ലുകയും കടിച്ചുകീറി തന്റെ വിശപ്പടക്കുകയും ചെയ്തു.
കൂടാതെ മൃതദേഹത്തിനോട്‌ പോലും മര്യാദ കാട്ടിയില്ല ആ ആട്ടിൻ തോലിട്ട ചെന്നായ”
ഇത്രയും അവിടെ നിക്കട്ടെ.

# മീ ടൂ വിവാദത്തെ പ്രേം അല്പം പരിഹാസത്തോടെ പറയുമ്പോൾ അവിടെ ലാവണ്യയുടെ ഭാവം മാറുന്നുണ്ട്.പിടി കൊടുക്കാതെ അത് ഒരു കരച്ചിലായി പരിവർത്തനപ്പെടുത്തുന്നു.

# “വെറും മൂന്ന് മാസമല്ലേ ആയുള്ളു കൊച്ചെ നീ അഭിനയിക്കാൻ തുടങ്ങിയിട്ട്!”

“മൂന്ന് മാസങ്ങളും പതിമൂന്ന് ദിവസവും”

അവൾ മന്ത്രിക്കുന്നത് പോലെ പറഞ്ഞു.

പുറത്ത്,ജനലിന് വെളിയിൽ തണുത്ത കാറ്റ് ബൊഗൈൻ വില്ലകളെ ഉലയ്ക്കുന്നത് പ്രേം കുമാർ കണ്ടു.

“ഞാൻ വന്നത് ഏപ്രിൽ മാസമാണ്…”

തണുത്ത സ്വരത്തിൽ, മന്ത്രിക്കുന്നത് പോലെ ലാവണ്യ തുടർന്നു.

“പതിമൂന്നാം തീയതി. വെള്ളിയാഴ്ച്ച! ശരിക്കും ഓർക്കുന്നു…ഒരു പൗർണ്ണമിയിൽ…”

ഈ സംഭാഷണത്തിനിടയിൽ സംഭവിക്കുന്ന പ്രകൃതിയുടെ ഭാവമാറ്റം,അത് പ്രേം ശ്രദ്ധിച്ചു.
പക്ഷെ എന്താണ് നടക്കുന്നതെന്ന് പിടികിട്ടിയില്ല എന്ന് മാത്രം.ഇത് മാത്രം മതി ലാവണ്യയെ അറിയാൻ.

# “സാറ് മൂന്ന് മാസം മുമ്പ് അവിടെവെച്ചല്ലേ ഏതോ ഒരു പെണ്ണിന് ലിഫ്റ്റ് കൊടുത്തത്?”

ലാവണ്യ പ്രേംകുമാറിനോട് ചോദിച്ചു.

അയാൾ പെട്ടെന്ന് അവളെ നോക്കി.

“അവിടെവെച്ചോ?”

അയാൾ പെട്ടെന്ന് ചോദിച്ചു.

“ആ ..ആര് പറഞ്ഞു? അത് വെല്ലിംഗ്ടൺ ബ്രിഡ്ജിന് അടുത്തുവെച്ചാ!”

പുറത്ത് വീണ്ടും കാറ്റ് ബൊഗൈൻ വില്ലകളെ ഉലച്ചു.

വാർത്തക്കും മാപ്പിളയുടെ വിശദീകരണത്തിന് ശേഷവുമുള്ള സംഭാഷണശകലം.ഇവിടെ ലാവണ്യയുടെ ചോദ്യം കേട്ട് പ്രേമിന്റെയും ഒപ്പം പ്രകൃതിയുടെയും ഭാവം മാറുന്നു.

#പിന്നീട് വഴിയിൽ കാണുന്ന ലാവണ്യക്ക് ലിഫ്റ്റ് കൊടുക്കുന്ന പ്രേം.”വീട് എവിടെ”എന്ന ചോദ്യത്തിന് “കള്ളിയങ്കാട് പോയിന്റ്”എന്ന മറുപടിയും.

# “ഇരുട്ടാണ് എനിക്കും എന്റെ കൂട്ടുകാർക്കും ഇഷ്ടം!”

“കൂട്ടുകാരോ?”

അയാൾ ഭയന്നു ചോദിച്ചു.

“നീയെന്താ ഈ പറയുന്നേ?”

“അതെ കൂട്ടുകാർ..മരിച്ചവർ ..മരിച്ച് അലയുന്നവർ …”

ഇത്രയും മതി ലാവണ്യയെ മനസിലാക്കാൻ.
***
പിന്നെ പ്രേം……കഴിവുള്ളവൻ ഒപ്പം നീചനും
ആ കാർ യാത്രയിലെ അയാളുടെ നോട്ടം മാത്രം മതി അയാളിലെ സ്ത്രീലമ്പടനെ മനസിലാക്കുവാൻ.കൂടാതെ അറിയാതെ ആണെങ്കിലും തന്റെ ജീവിതത്തിന്റെ സ്ക്രിപ്റ്റ് ഇന്ന് തീരുമെന്ന് പറഞ്ഞാണ് മാപ്പിളയോട് പ്രേം യാത്ര പറഞ്ഞിറങ്ങുന്നതും ശേഷം തന്നെ തേടിയെത്തിയ ആത്മാവിനെ ഒപ്പം കൂട്ടുന്നതും.

പവർ കട്ട് സമയം ലാവണ്യയുടെ വക ചില ഓർമ്മപ്പെടുത്തലുകളുണ്ട്.അതിൽ നിസ്സഹായ സ്ത്രീയെ സഹായിക്കുന്നവർ ശ്രദ്ധിക്കേണ്ട ചില വസ്തുതകളും പറഞ്ഞുപോയിട്ടുണ്ട്.
നീണ്ടുപോകും എന്നതിനാൽ കോപ്പി ചെയ്യുന്നില്ല
***
ഇവിടെ ലാവണ്യ പ്രേമിനെ തേടിയെത്തി.
അവനൊപ്പം നടന്നു.ആ യാത്രയിൽ പലതും ഓർമ്മിപ്പിച്ചുകൊണ്ട് തന്റെ പ്രതികാരം നടത്തി.
അവസാനം മനുഷ്യനെ കൺഫ്യൂഷൻ ആക്കാൻ ഒരു ഫോൺ കോളും.ഒരു പക്ഷെ അത് മാപ്പിളയെ ഡോട്ട് ചെയ്തതുമാവാം.

അപ്പോൾ വിസ്മയിപ്പിച്ച ഒരു കഥ തന്നതിന് സന്തോഷം അറിയിച്ചുകൊണ്ട്

സ്നേഹപൂർവ്വം
ആൽബി