MTech [Richie Rich] 210

‘ചെറുതായി….എന്നെക്കാൾ മൂന്നോ നാലോ വയസ്സ് ഇളപ്പമുള്ള കുട്ടികളുടെ കൂടെയല്ലേ പഠിക്കേണ്ടത്….അതോർത്തിട്ട് എന്തോപോലെ’ അവൾ മറുപടി നൽകി.

‘മോള് ടെൻഷൻ ഒന്നും അടിക്കേണ്ട…കുറച്ചു കഴിഞ്ഞു കൂട്ടൊക്കെ ആവുമ്പോ എല്ലാം ശെരിയാവും’

സത്യന്റെ വായിൽ നിന്നും വീണ വാക്കുകൾ അവൾക്കു ചെറിയ സമാധാനം നൽകി. മൂന്നര മണിക്കൂറിൽ കൂടുതൽ എടുത്തു കോളേജിൽ എത്താൻ. ഒരു പാർട്ടി സമ്മേളനം ഉള്ളതുകൊണ്ട് ഇടയ്ക്ക് ബ്ലോക്കും കിട്ടി.

സാധാരണ എഞ്ചിനീയറിംഗ് കോളേജിൽ കണ്ടുവരുന്നതൊക്കെ ആവിശ്യത്തിനും അനാവശ്യത്തിനുമുള്ള ഒരു കോളേജ്. കാറിൽ നിന്നുമിറങ്ങിയ ഐശ്വര്യയുടെ നോട്ടം ആദ്യം പോയത് തന്നെ കോളേജിലെ കാഴ്ചകളിലേക്ക് ആയിരുന്നു. കോളേജിന് പിന്നിൽ തന്നെ ഒരു വലിയ കുന്നുണ്ട്. വാഗമണിലും മൂന്നാറിലും ഒകെ കണ്ട് വരുന്ന തരം കുന്നുകൾ.

അത് കണ്ടപ്പോൾ തന്നെ അവളുടെ ചുണ്ടിൽ ചിരി വിടർന്നു. ചെറിയ തണുപ്പ് അനുഭവിക്കാൻ തുടങ്ങി. കൈകൊണ്ട് മെല്ലെ ഒന്ന് പൊതിഞ്ഞ ശേഷം ഷാൾ ഒതുക്കി അവൾ അച്ഛന്റെയൊപ്പം പ്രിൻസിപ്പൽനെ കാണാൻ ഓഫീസ് മുറിയിലേക്ക് നടന്നു.

കല്യാണം കഴിഞ്ഞു പഠിക്കുന്നത് വലിയ കാര്യമായാണ് പ്രിൻസിപ്പാൽ തോമസ് കണ്ടിരുന്നത്. അതിന്റെ റെസ്‌പെക്ട് അയാൾ ഐശ്വര്യയ്ക്കും അവളുടെ അമ്മായിഅച്ഛനും കൊടുത്തു. അത് കൂടാതെ അവളുടെ മാർക്ക്‌ ലിസ്റ്റ് കൂടെ കണ്ടപ്പോൾ അയാൾക്ക് അവളോടൊള്ള മതിപ്പ് നല്ലപോലെ കൂടി. പ്രിൻസിപ്പാൽ ഒരു കാൾ ചെയ്തു ആലിസ് മിസ്സ്‌നോട് വരാൻ പറഞ്ഞു.

‘നിങ്ങൾ ഒന്നുകൊണ്ടും പേടിക്കേണ്ട…ഞങ്ങൾ ഐശ്വര്യയെ പൊന്നുപോലെ നോക്കും. ചേട്ടൻ എപ്പോ വേണേലും വന്നു കണ്ടോള്ളൂ….ഒരു പ്രേശ്നവുമില്ല…’