അവൾ രുഗ്മിണി 8 [മന്ദന്‍ രാജാ] 228

“‘ രുക്കൂ ..മനു ..മനുവല്ല ..എനിക്കുറപ്പുണ്ട് .”” അവൾ മുഴുമിപ്പിക്കുന്നതിന് മുന്നേ രാഗിണി തടഞ്ഞുകൊണ്ട് പറഞ്ഞു .

“‘ അതെനിക്കുമറിയാം . അത്തരം നീചമായ പ്രവർത്തി അവൻ ചെയ്യില്ലെന്ന് . അവനെ തപ്പി നടന്ന ഞാൻ മടുത്താണ് ബാറിൽ പോയത് . അവിടെ വെച്ച് അവൻ നിന്നെ ഇഷ്ടമാണെന്ന് പറഞ്ഞു .. “”

“” അപ്പോൾ നീ കൂടി അറിഞ്ഞോണ്ടാണോ ..”‘

“‘ ആദ്യം നമ്മളെ ചതിക്കാനുള്ള പണിയാണെന്നാണ് ഞാൻ കരുതിയത് . ഇവിടെ വന്ന് രാത്രി കിടക്കാൻ തുടങ്ങിയപ്പോൾ അവന് ശെരിക്കും നിന്നെ ഇഷ്ടമാണെന്ന് എനിക്ക് മനസ്സിലായി . അവൻ സൂര്യന്റെ മകനാണ് എന്നുള്ളതായിരുന്നു എന്റെ വിഷമം “‘

“‘മനു ..മനു സൂര്യന്റെ മകനല്ല .””

“‘ഹ്മ്മ് .. അതും അവൻ എന്നോട് പറഞ്ഞു . “‘

“‘അപ്പോൾ നിങ്ങൾ രണ്ടാളും അറിഞോണ്ടാണല്ലേ “”

“”‘ അവനിഷ്ടമാണ് എന്നവൻ പറഞ്ഞു .നിനക്കോ ..നീ തന്നെ പറയാനായാണ് ഞാൻ മിണ്ടാതിരുന്നത് .ഇപ്പോൾ എനിക്ക് സന്തോഷമായി . ചെറിയ വിഷമം മാത്രമേ ഉള്ളൂ…. നിന്റെ വയറ്റിൽ വളരുന്ന കുഞ്ഞ് “” രുഗ്മിണി അവളുടെ വയറ്റിലേക്ക് നോക്കി .

“‘ ദൈവം തന്നതല്ലേ ..അതിനെ ഞങ്ങൾ വളർത്തും . “‘ പുറകിൽ നിന്ന് മനോജിന്റെ ശബ്ദം കേട്ട് ഇരുവരും തിരിഞ്ഞു നോക്കി .

“‘ഞാൻ ..ഞാൻ ചായയിടാം “‘ രാഗിണി അവനെ നോക്കി ലജ്ജയോടെ ഒന്ന് ചിരിച്ചിട്ട് അടുക്കളയിലേക്ക് നടന്നു .

വൈകിട്ടായപ്പോഴേക്കും മനോജിന്റെ പനി വിട്ടുമാറിയിരുന്നു .അത്താഴം വിളമ്പട്ടെയെന്ന് ചോദിക്കാനായി രാഗിണി അവന്റെയടുത്തേക്ക് വന്നപ്പോൾ ഡ്രസ്സ് ചെയ്തു എങ്ങോട്ടോ പോകാനായി തുനിയുന്ന മനോജിനെയാണ് കണ്ടത് .

“‘മനു എങ്ങോട്ടാ ..?”’

“” ഒരാളെ കാണാനുണ്ട് . “”

“‘വേണ്ട .. പനി അൽപം കുറഞ്ഞതെ ഉള്ളൂ . ഇങ്ങോട്ടും പോകണ്ട . ഞാൻ കഞ്ഞി വിളമ്പുവാ “”

” ഇപ്പൊ വരാം രാഖീ …”‘അവൻ ഹാളിലേക്കിറങ്ങിയതും രാഗിണി ഒച്ചയെടുത്തു .

“‘ രുക്കൂ ..ദേ , ഇത് നോക്കിക്കേ …മനു ഈ പണിയും വെച്ചെങ്ങോട്ടോ പോകുന്നു . നീ ഒന്ന് പറ . എഴുന്നേറ്റ് നിക്കാറായപ്പോ പോകുവാ …”‘ രാഗിണി ഒരു ഭാര്യയുടെ അധികാരത്തോടെ ഒച്ചയെടുത്തു .