അവള്‍ ശ്രീലക്ഷ്മി 2 [Devil With a Heart] 397

“ശ്രീ..ദേ ഇങ്ങോട്ട് എന്നെ നോക്കിക്കേ..”ഞാനവളുടെ തലയിൽ ചെറുതായി തട്ടിക്കൊണ്ടു പറഞ്ഞപ്പോളവൾ നിറഞ്ഞു തുളുമ്പിയിരുന്ന മഷിയെഴുതാത്തയാ മാന്‍പേട കണ്ണുകൾ കൊണ്ടെന്നെ നോക്കി.

“.. ഇത്രനാളും നമ്മളൊരുമിച്ച് ഉണ്ടായിരുന്നില്ലേ..ദ ഇപ്പൊ മനസ്സ് തുറന്നെല്ലാം പറഞ്ഞില്ലേ….ഇനി നിന്‍റെ മനസ്സിലിരുന്നു എന്നെ നഷ്ടപ്പെടുമെന്ന് പറയുന്ന തെണ്ടിയോട് പറ ഇത്രേം വരെ എത്തിയെങ്കിൽ ഇനിയൊരുമിച്ച് ജീവിക്കാനും ഞങ്ങൾക്കറിയാമെന്ന്.. ” അങ്ങനെയവളുടെയാ മൂഡ് മാറ്റാൻ ഞാൻ പറഞ്ഞു അതേക്കുകയും ചെയ്തു

എന്നെ നോക്കിയിരുന്നവൾ മുഖത്തിനടുത്തേക്ക് വന്നെത്തിയെന്‍റെ ചുണ്ടിലൊരു മുത്തം തന്നിട്ട് വീണ്ടും നെഞ്ചിലേക്ക് തന്നെ ചായ്ഞ്ഞു..

എന്‍റെ നെഞ്ചിലെ ചൂടിൽ ചുരുണ്ടുകൂടാൻ ഇത്രയും ആഗ്രഹം അവൾക്കുണ്ടായിരുന്നെന്ന് അറിഞ്ഞതെന്നെ ചെറുതായി അത്ഭുതപ്പെടുത്തിയിരുന്നു

കതക് അടച്ചിരുന്നതിനാലും ജാനിയമ്മ ഒരുങ്ങുന്ന തിരക്കിലായതിനാലും ഞാൻ പതിയെ അവളെയുംകൊണ്ട് ബെഡിലേക്ക് വീണു…

ഇനിയീ പെണ്ണിന്റെ കഴുത്തിലൊരു താലിച്ചരട് മാത്രം …ആരെയും ഭയക്കാതെ ഒളിക്കാതെയിങ്ങനെ സ്നേഹിക്കാൻ..മനസ്സിലോർത്തുകൊണ്ട് അവളെ നെഞ്ചിലേറ്റി കിടന്നു…

.

.

.

.

ക്ലോക്കിൽ സമയം നീങ്ങിക്കൊണ്ടിരുന്നു…

എന്നില്‍ ചേര്‍ന്നവൾ ഉറങ്ങി കിടക്കുന്നത് കാണുമ്പോ തന്നെയൊരു സുഖമാണ്….ഇനിയും റൂമിലിങ്ങനെ കിടന്നാൽ ജാനിയമ്മക്ക് എന്തെങ്കിലും സംശയം തോന്നുമോ എന്നുള്ള ഒരുപേടി വന്നതും ഞാനവളെ ഉണർത്താൻ തുനിഞ്ഞു പക്ഷെ ഒരു പൂച്ചകുട്ടിയെപോലെ ഉറങ്ങിക്കൊണ്ടിരുന്ന അവളെ വിളിക്കാനും എനിക്കൊരു മടിയുണ്ടായിരുന്നു..ഹാ ഒരു ജീവിതം മുഴുവന്‍ അവളെയിങ്ങനെ നെഞ്ചിലെ ചൂടുകൊടുത്ത് ഉറക്കാന്‍ സമയമുണ്ടല്ലോ എന്ന് സ്വയം സമാധാനപ്പെടുത്തി ഞാനവളെ ഉണര്‍ത്താന്‍ തന്നെ തീരുമാനിച്ചു…