അവളുടെ ലോകം എന്റെയും 7 [ഏകൻ] 193

ഞാൻ രണ്ടു പേരുടേയും തുളസി മാല അഴിച്ചു ബേഗിൽ വെച്ചു. ഓർമയ്ക്ക് ഇന്നത്തെ ദിവസത്തിന്റെ ഓർമയ്ക്ക്. ചിന്നൂനേയും കൂട്ടി താഴേക്ക് പോയി ആദ്യം പോയത് ഒരു ഹോട്ടലിൽ ആണ്. അവിടുന്ന് ഭക്ഷണം കഴിച്ചു നേരെ പോയത് ഒരു തുണികടയിൽ. അവിടെ നിന്നും ചിന്നു ഉടുത്ത പോലെ ഉള്ള പാവാടയും ബ്ലൗസും വാങ്ങി. അതുപോലെ ഉള്ള എളുപ്പത്തിൽ ഉടുക്കാൻ പറ്റുന്ന പുതിയ മോഡൽ ഡ്രെസ്സും വാങ്ങി.

കണ്ടാൽ സാരിയാണ് ഉടുത്തത് എന്ന് തോന്നുന്ന തരത്തിൽ ഉള്ള മോഡൽ ഡ്രസ്സ്‌ ഉണ്ടെന്ന് പറഞ്ഞത് കൊണ്ട് അതും വാങ്ങി. പിന്നെ ചിന്നുവിന്റെ അളവിലുള്ള ബ്രായും ഷഡ്ഢിയും വാങ്ങി. ഇന്നലെ കഴുകിയിട്ടപ്പോൾ ഞാൻ അത് ശ്രദ്ധിച്ചിരുന്നു. പിന്നെ ഹരിയേട്ടന്റെ അമ്മയ്ക്ക് സാരിയും അച്ഛന് മുണ്ടും ഷിർട്ടിന്റെ തുണിയും വാങ്ങി. ചിന്നൂന് സാരി വേണം എന്ന് പറഞ്ഞത് കൊണ്ട് ചിന്നൂനും രണ്ട് സാരികൾ വാങ്ങി..

എല്ലാം വാങ്ങി അവിടെ നിന്നും ഇറങ്ങി . അതിന് ശേഷം ഒരു ബേഗും വാങ്ങി. ഹരിയേട്ടൻ പറഞ്ഞപോലെ ഉള്ള ഗുളികയും വാങ്ങി. വീണ്ടും റൂമിലേക്ക് പോയി. അവിടെ എത്തിയ ഉടനെ ചിന്നുവിന് ഗുളിക കൊടുത്തു. അപ്പോഴാണ് ചിന്നൂന് മുള്ളണം എന്ന് പറഞ്ഞത്. അതും കഴിഞ്ഞ് പുതിയ ഡ്രെസ്സ് എല്ലാം ബേഗിൽ എടുത്തു വെച്ചു. റൂം ഒഴിഞ്ഞു ഇറങ്ങി.

പിന്നെ ഹരിയേട്ടൻ പറഞ്ഞതനുസരിച്ചു ഹരിയേട്ടന്റെ നാട്ടിലേക്ക് ഹരിയേട്ടന്റെ വീട്ടിലേക്ക് പുറപ്പെട്ടു. ബസ്സിനാണ് പോയത് മൂന്നു മണിക്കൂർ എടുത്തു അവിടെ എത്താൻ

ഞങ്ങൾ അവിടെ ഇറങ്ങി ഒരു കൈയിൽ രണ്ട് ബേഗും മറു കൈയിൽ ചിന്നുവിനേയും പിടിച്ചു നടന്നു. അവിടെ കണ്ട ഓട്ടോക്കാരനോട് ചോദിച്ചു.