അവളുടെ ലോകം എന്റെയും 7 [ഏകൻ] 193

 

 

അപ്പോഴേക്കും നട അടച്ചു പൂജാരി വന്നു. എന്നിട്ട് ചോദിച്ചു.

“എന്താ വീട്ടിലേക്ക് വരുന്നോ? വീട്ടുകാർ എന്താ പറയുക എന്ന ചിന്തയിൽ ആണോ?”

 

“ഏയ്‌ അല്ല! എനിക്ക് ഒരു ഫോൺ വന്നത് കൊണ്ട് നിന്ന് പോയതാ. വീട്ടിലേക്ക് വരുന്നില്ല. വിളിച്ചതിന് ഒരുപാട് നന്ദി. ഇവിടെ നിന്ന് ഓട്ടോ വല്ലതും കിട്ടുമോ ” ഞാൻ ചോദിച്ചു.

 

“കുറച്ചു മുന്നിലേക്ക് നടന്നാൽ മതി ഓട്ടോ കിട്ടും. ” പൂജാരി പറഞ്ഞു.

 

ഞങ്ങൾ നടന്നു. അതുവഴി വന്ന ഒരു ഓട്ടോയിൽ കയറി ഞങ്ങൾ താമസിക്കുന്ന ലോഡ്ജിലേക്ക് പോയി.

അവിടെ എത്തി റൂം തുറന്നു

. ഞാൻ കട്ടിലിൽ ഇരുന്ന് ചിന്നുവിനെ പിടിച്ചു എന്റെ മടിയിൽ ഇരുത്തി. അവൾ എന്റെ മുഖത്തു നോക്കി..

 

“ഇപ്പോൾ എന്താ ഏട്ടാ കഴിഞ്ഞത്? ഈ മാല എന്തിനാ എന്റെ കഴുത്തിൽ ഇട്ടത്?”

 

തുളസി മാലയിൽ പിടിച്ചുകൊണ്ട് ചിന്നു ചോദിച്ചു.

 

“ഇപ്പോൾ ഏട്ടൻ മോളുടെ കഴുത്തിൽ താലി കിട്ടിയതല്ലേ? ഇപ്പോൾ അല്ലേ ചിന്നു ഏട്ടന്റെ ശരിക്കും ഭാര്യ ആയത്. ”

 

ഹരിയേട്ടൻ പറഞ്ഞത് പോലെ ചിന്നൂന്റെ ഓർമ്മ തെളിയുന്നതാണോ? ഞാൻ മനസ്സിൽ ചിന്തിച്ചു. അപ്പോൾ ആണ് ചിന്നു ചോദിച്ചത്.

 

“ഇനി എപ്പോഴാ നമ്മുടെ മോള് വരുന്നത്. ”

 

“ചിന്നൂന് മോളെ വേണോ.?”

 

“വേണം. ചിന്നൂന് മോളെ വേണം.”

 

“ശരി . മോള് വരും മോള് വരും ” എനിക്ക് വേറെ ഒന്നും പറയാൻ തോന്നിയില്ല. പാവം എന്റെ ചിന്നു.

 

ചിന്നു എന്റെ കവിളിൽ ഉമ്മ വെച്ചു. ഞാൻ ചിന്നുവിനേയും. ചിന്നുവിന്റെ അരയിലൂടെ കൈയിട്ട് കെട്ടിപിടിച്ചു അങ്ങനെ ഇരുന്നു. അപ്പോഴാണ് ചിന്നൂന് വേഷം മാറാൻ വേറെ ഡ്രസ്സ്‌ ഇല്ലല്ലോ എന്ന ഓർമ്മ വന്നത്. കൂടെ ഹരിയേട്ടൻ പറഞ്ഞ ഗുളികയുടെ കാര്യവും.