അവൻ 2 [TBS] 440

രജനി: അതെ, ഞാൻ ഇവന്റെ പുറകിൽ തന്നെ ഉണ്ടായിരുന്നു ഇന്ന് എന്നെ പ്രതീക്ഷിക്കാത്തതുകൊണ്ടും ജോയിച്ചൻ ശ്രദ്ധിച്ചില്ല അതാ കാണാതെ പോയത്

ജോയിച്ചൻ : ഞാൻ നിന്റെ വരവ് പ്രതീക്ഷിച്ചിരുന്നു പക്ഷേ ഇന്ന് ഉണ്ടാവുമെന്ന് കരുതിയില്ല. നീ വിളിച്ചു ഇവിടത്തെ കാര്യങ്ങൾ എല്ലാം തിരക്കിയത് മദർ പറഞ്ഞിരുന്നു എന്നോട്

രജനി: മദർ എന്നോട് പെയിന്റ് പണി തുടങ്ങിയതും അതെവിടെ വരെ ആയി എന്നും ജോയിച്ചൻ വന്നതും ഒക്കെ പറഞ്ഞിരുന്നു ആ ഊഹം വെച്ച് പെയിന്റ് പണി തീർന്നോ? നാളെയും ഉണ്ടാകുമോ എന്നെല്ലാം ഒന്ന് നോക്കാനും പിന്നെ ജോയിച്ചനെ കണ്ടിട്ട് മാസങ്ങൾ ആയില്ലേ നേരിട്ടൊന്ന് കാണാമല്ലോ എന്നെല്ലാം കരുതി ഞാൻ ടൗണിലേക്ക് ഇറങ്ങിയപ്പോൾ സ്കൂളിലോട്ടു കൂടി വന്നത്. ഇവിടെ വന്നപ്പോൾ ആരുമെന്നോട് ഈ പയ്യന്റെ കാര്യം പറഞ്ഞിരുന്നില്ല ഞാൻ ഇവൻ പെയിന്റ് പണിക്കാരൻ ആണെന്നാ അവിടെ രണ്ടാം നിലയിൽ പെയിന്റ് അടിച്ചു കൊണ്ടിരിക്കുമ്പോൾ വിചാരിച്ചത്. ഈ പയ്യൻ ശരിക്കും എനിക്കൊരു സർപ്രൈസ് ആയിരുന്നു ഇങ്ങനെ ഒരാൾ വന്നിട്ടുണ്ടാകും എന്ന് ഞാൻ കരുതിയതേയില്ല

ജോയിച്ചൻ: ഇവന്റെ കാര്യം ഇവനെ നേരിട്ട് കാണിച്ചു പറയാം എന്ന് വച്ചിരുന്നതാണ് ഞാൻ. ഇവൻ ഇനി പല പണികളും ഇവിടെ ചെയ്ത് നിങ്ങൾക്ക് സർപ്രൈസുകൾ ഉണ്ടാക്കും അല്ലേടാ കുഞ്ഞു

(ഷമീർ നോക്കി ചിരിച്ചുകൊണ്ട് തലയാട്ടി നിന്നു )

ജോയിച്ചൻ : അതൊക്കെ ഇരിക്കട്ടെ രജനിക്ക് സുഖം തന്നെയല്ലേ എന്തൊക്കെയുണ്ട് വീട്ടിലെ വിശേഷങ്ങൾ

‘ അതുവരെയുണ്ടായിരുന്ന മുഖത്തെ ആ സന്തോഷം ചെറുതായി മങ്ങി മുഖം വാടി ഒരു ഒഴുക്കം മട്ടിൽ ‘