അയലത്തെ വീട്ടിലെ റോൾ മോഡൽ [Aaradhana] 523

ഒരു സാധാരണ കുടുംബമാണ് എന്റേത്, വാപ്പ നാട്ടിൽ ഒരു ഷോപ്പ് നടത്തിയാണ് ഞങ്ങളെ വളർത്തിയത്, ഉമ്മ വീട്ടമ്മയും.

ഒരു ഗ്രാമപ്രദേശത്താണ് ഞങ്ങളുടെ വീട്. എന്റെ ചെറുപ്പത്തിൽ സ്ഥലം വാങ്ങിവന്നതായിരുന്നു ഇങ്ങോട്ടേക്ക്.

അങ്ങനെ വന്നപ്പോൾ കിട്ടിയ പരിചയമാണ് മുന്നേ പറഞ്ഞ രാജേഷ് അണ്ണനെ. ഞങ്ങൾ വാങ്ങിയ സ്ഥലം ആൾടെ അച്ഛന്റെതായിരുന്നു. അണ്ണനെ പറ്റി പറയാനാണെങ്കിൽ ഇപ്പൊ ഒരു നാല്പതിന് അടുത്ത് പ്രായം കാണും. രാജേഷ് അണ്ണന് ഉണ്ടായിരുന്നതെല്ലം സഹോദരിമാരായിരുന്നതുകൊണ്ട് ആയ പ്രായത്തിൽ ആള് വിവാഹം കഴിച്ചിരുന്നില്ല.

അതുകൊണ്ടുതന്നെ ആകെ ആളും, പ്രായമായ അച്ഛനും അമ്മയും മാത്രമാണ് അവിടെ ഉണ്ടായിരുന്നത്.

ഞാൻ ഇന്നിവിടെ എഴുതാൻ കാരണമായ സംഭവങ്ങൾ നടക്കുന്നത് ഏകദേശം രണ്ട് കൊല്ലം മുൻപാണ്, എന്റെ പ്ലസ്ടു കാലഘട്ടത്തിൽ.

എല്ലാത്തിന്റെയും തുടക്കം ഒരു അതിർത്തി തർക്കത്തിൽ നിന്നായിരുന്നു. രാജേഷ് അണ്ണന്റെ പറമ്പ് കഴിഞ്ഞ് ഒരു മൺ തിട്ട കഴിഞ്ഞായിരുന്നു ഞങ്ങൾ വാങ്ങിയ സ്ഥലം.

കയ്യിലെ കാശ് കുറവ് കാരണം പറഞ്ഞ് ആ മൺ തിട്ട കഴിഞ്ഞും രണ്ട് മൂന്ന് സെന്റോളം കഴിഞ്ഞായിരുന്നു ഞങളുടെ പറമ്പ് തുടങ്ങിയിരുന്നത്. പക്ഷെ യാഥാർഥ്യം അതല്ലായിരുന്നു, വർഷങ്ങൾ കഴിയുമ്പോൾ പതിയെ ആ തിട്ട വരെയുള്ള ഭാഗം ചിലവില്ലാതെ കയ്ക്കലാക്കാനായിരുന്നു എന്റെ വാപ്പയുടെ ചിന്ത.

അതിനായി കാത്തിരുന്ന എന്റെ വാപ്പ വർഷങ്ങൾ കഴിഞ്ഞ് ആദ്യ കരു നീക്കി. വാഴ വെക്കാനെന്ന കാരണം പറഞ്ഞ് പറമ്പിൽ മുഴുവൻ കുഴിയെടുത്തു, കൂട്ടത്തിൽ മുൻപ് പറഞ്ഞ ആ മിച്ചമുണ്ടായ മൂന്ന് സെന്റിലും വാപ്പ കുഴിച്ചു, വാഴയും നട്ടു.