ഭദ്രദീപം [KKWriter 2024] [EXTENDED EDITION] 545

അന്നെല്ലാം ആങ്ങളയുടേയും പെങ്ങളുടേയും ഏക ആശ്രയം മുത്തശ്ശിയായിരുന്നു. ഇന്ന് അന്യോന്യവും.

അതിനാൽ ഇപ്പോഴത്തെ തങ്ങളുടെ ജീവിതവും ആരുടേയും മുമ്പിൽ പങ്കുവയ്ക്കേണ്ടിവന്നില്ല.

നാട്ടിൻപുറം ആയതിനാൽ ആവശ്യത്തിന്‌ അടുപ്പം എല്ലാവരും ആയിട്ട് ഉണ്ടായിരുന്നു. കുറച്ച് കൂടുതൽ അടുപ്പം ഉണ്ടായിരുന്നത് രേവതിയമ്മയോടും വിശ്വനാഥനോടും ആയിരുന്നു. അതിന്റെ അവസാനം അങ്ങനെയും ആയി.

ദീപൻ മെനഞ്ഞുണ്ടാക്കിയ, ഭദ്രയുടെ ഒരു കന്നഡക്കാരനും ആയുള്ള, അവനെപ്പോലും അറിയിക്കാതെയുള്ള പ്രേമവിവാഹത്തിന്റെയും, പിന്നെ ഗർഭിണിയായപ്പോൾ അവളെ വിട്ട് ഓടിക്കളഞ്ഞ അവളുടെ ആ ഭർത്താവിന്റെയും, ‘ദു:ഖകഥയ്ക്ക്’ നാട്ടുകാർക്കിടയിൽ വലിയ സ്വാധീനമായിരുന്നു.

ദീപൻ തുടക്കത്തിൽ എതിർത്തതാണെന്നും, അതുകൊണ്ടാണ്‌ അവൻ ഇടയ്ക്കിടയ്ക്ക് പെങ്ങളെക്കാണാൻ പൊയ്ക്കൊണ്ടിരുന്നതും എന്നൊരു അനുബന്ധ കഥയും അവൻ നാട്ടിൽ ചിലരോടെങ്കിലും മെനഞ്ഞിരുന്നു.

തന്റെ ഏക അനിയത്തിയ്ക്ക് എതിരു നില്ക്കാതെ അവളുടെ എല്ലാ പ്രശ്നങ്ങളിലും ആ ഏട്ടൻ കൂടെ നിന്നുവെന്നു പറഞ്ഞപ്പോൾ, പക്ഷേ ആർക്കും യാതൊരു പ്രത്യേകതയും തോന്നിയില്ല. അവർ തമ്മിലുള്ള സഹോദരസ്നേഹം നാട്ടിൽ എല്ലാവർക്കും അറിയുന്നതാണല്ലോ. അവരുടെ ചെറുപ്പകാല ദുരന്തങ്ങളും ഭദ്രയ്ക്ക് വേണ്ടിയുള്ള അവന്റെ എക്കാലത്തേയും ജീവിതവും അറിയുന്ന ആർക്കും അതിൽ യാതൊരു സംശയവും തോന്നിയില്ല. ദീപൻ ഭദ്രയ്ക്കൊപ്പം നിന്നില്ലെങ്കിലേ ആർക്കും അത്ഭുതമാവുകയുള്ളൂ! പിന്നെ ആരും ഒന്നും തിരക്കിയില്ല. അല്ലെങ്കിൽത്തന്നെ ആർക്കാണ്‌ ഇതിനൊക്കെ നേരം?