ഞാൻ: പോകുന്നതിനു മുന്നേ നിന്റെ ഭാര്യയോടും, മിലിയോടും സൂചിപ്പിക്കണം, നീ പുതിയ ഒരു ബിസിനസ്സിൽ കുറച്ച് ഇൻവെസ്റ്റ് ചെയ്യാൻ നോക്കുന്നുണ്ടെന്ന്.
പ്രണവ്: ലാവണ്യയോട് പറഞ്ഞാ, അവൾ ചോദിക്കും അതിന് കാശ് എവിടുന്നാ എന്ന്.
ഞാൻ: നീ കാശായിട്ടല്ല ഇൻവെസ്റ്റ് ചെയ്യുന്നത്, നിന്റെ സമയവും, കണക്ഷൻസും കൊണ്ടാണെന്ന് പറ. നല്ല പ്രൊജക്റ്റ് കിട്ടിയാൽ കാശ് ഇറക്കാൻ ഇൻവെസ്റ്റർ ഉണ്ടെന്നും പറ.
പ്രണവ്: എനിക്ക് അവളെ പറഞ്ഞ് ബോധിപ്പിക്കേണ്ട ആവശ്യം ഒന്നുമില്ല. അവൾ പറയാൻ പോകുന്നത് ഞാൻ പറഞ്ഞെന്നേയുള്ളൂ അളിയനോട്
ഞാൻ: എടാ ക്നാപ്പെ, അവളെ പറഞ്ഞ് ബോധിപ്പിക്കാൻ അല്ലേ ഇതൊക്കെ. അവൾ ഇത് അറിഞ്ഞിരുന്നാലേ നമ്മുടെ പ്ലാൻ ഒക്കെ നടക്കതൊള്ളൂ.
പ്രണവ്: എനിക്ക് വളഞ്ഞു തിരിഞ്ഞ് ചിന്തിക്കാനൊന്നും അറിയത്തില്ല അളിയാ. നിങ്ങള് പറയുന്നതുപോലെ ഞാൻ ചെയ്തോളാം.
ഞാൻ: അതാ നല്ലത്. നീ നിന്റെ ബുദ്ധി ഉപയോഗിച്ച് ഒന്നും ചെയ്യാൻ നിക്കണ്ട. ഞാൻ നിനക്ക് വ്യക്തമായിട്ടുള്ള ഇൻസ്ട്രക്ഷൻസ് തരാം. അതുപോലെ അങ്ങ് ചെയ്താൽ മതി, ഒക്കെ?
പ്രണവ്: ഏറ്റു. അല്ലേലും എനിക്ക് ബുദ്ധി ഉപയോഗിക്കുന്നത് പണ്ടേ ഇഷ്ടമല്ല.
ഞാൻ: നീ ആദ്യം നിന്റെ ബാങ്ക് അക്കൗണ്ട് ഡീറ്റെയിൽസ് ഒന്ന് അയക്ക്. ഞാൻ അതിലോട്ട് കുറച്ച് കാശ് ഇടാം. നിനക്ക് ഒരു റിസോർട്ട് നോക്കാൻ പോകാനുള്ള ട്രാവൽ എക്സ്പെൻസിന് കിട്ടിയതാ എന്ന് പറഞ്ഞാ മതി നിന്റെ ഭാര്യ ചോദിച്ചാൽ.
പ്രണവ്: ഓക്കേ.
ഞാൻ: കഥ ഇങ്ങനെ പോവണം. നിന്റെ കയ്യിൽ വേറെ ഇൻവെസ്റ്റേഴ്സും ഉണ്ട്, പക്ഷേ എന്നെ നിനക്ക് പരിചയപ്പെടുത്തിയത് മിലിയാണ്. അവൾ പണ്ട് ബുദ്ധിമുട്ടി ഇരുന്നപ്പോൾ നീ ജോലി മേടിച്ച് കൊടുത്തതിന്റെ കടപ്പാട് കൊണ്ട്. മനസ്സിലായോ?
