ബിയോളജി സയൻസ് [Shahin] 540

നല്ല ഐശ്വര്യം ഉള്ള ഒരു പെൺകുട്ടി. ഇരുനിറം. നല്ല ഉണ്ട കണ്ണുകൾ. കണ്മഷി അവയുടെ സൗന്ദര്യം വർധിപ്പിച്ചു. മങ്ങിയ ചുവന്ന ലിപ്സ്റ്റിക്ക് ഇട്ടിട്ടുണ്ട്. നമ്മുടെ പ്രേമലു നായിക മമിത ബൈജുവിൻറെ പോലത്തെ ശരീരം. ശരീരത്തിൽ ഫിറ്റ് ആയി നിൽക്കുന്ന ഒരു വെള്ള ചുരിദാർ ആയിരുന്നു വേഷം. യൂണിഫോം ആർക്കും കിട്ടിയിട്ടുണ്ടായിരുന്നില്ല. അവളെ കണ്ട് കിളി പോയി നിൽക്കുക ആയിരുന്നു ക്ലാസ്സിലെ ആൺപിള്ളേർ. കൂടെ ഞാനും.

അവൾ അവളെ സ്വയം ക്ലാസ്സിന്റെ മുന്നിൽ നിന്ന് പരിചയപ്പെടുത്തി. പേര് ഗായത്രി. ഞങ്ങളുടെ നാട്ടിലെ സമ്പന്നൻ ആയ ബിസിനസ്സ് മാൻ രവിയുടെ രണ്ടാമത്തെ മകൾ. എന്നാൽ പണം ഉള്ളതിൻടെ ഒരു അഹങ്കാരവും ഇല്ലാത്ത കുട്ടി. എല്ലാവരോടും നല്ലോണം സംസാരിക്കുകയും ഇടപഴകുകയും ചെയ്യും. അവൾ തന്നെ ആണ് എന്നോട് ആദ്യം ഇങ്ങോട്ട് വന്ന് സംസാരിച്ചതും.

അങ്ങനെ ക്ലാസുകൾ ബോർ അടിച്ചു പോയി. അതിന് ഇടക്ക് എല്ലാരോടും നല്ലോണം കമ്പനി ആയി. ഞങ്ങൾ ഒരു ഫ്രണ്ട്‌സ് ഗ്യാങ് ആയി. ഞാൻ, അജയ്, സുമയ്യ, റിഫ , ഗായത്രി , അപർണ , അനുപമ .
അജയ് നല്ല മെലിഞ്ഞ, തമാശ ഒക്കെ പറയുന്ന കൂട്ടത്തിൽ ആയിരുന്നു. സുമയ്യ , അപർണ ,അനുപമ പത്താം ക്ലാസ് വരെ ഒരുമിച്ച് പഠിച്ചവർ ആയിരുന്നു. പഠിച്ചത് girls സ്കൂളിൽ ആയിരുന്നു. അതുകൊണ്ട് തന്നെ ആൺകുട്ടികളുടെ സൗഹൃദം അവർ ആസ്വദിക്കുന്നതായി തോന്നി. റിഫ ആദ്യം കണ്ടപ്പോൾ ജാഡ ആയി തോന്നിയെങ്കിലും അവൾ ഒരു introvert ആയിരുന്നു. ആദ്യം കുറച് സംസാരിക്കാൻ മടി ഉണ്ടായിരുന്നെങ്കിലും പിന്നീട് കമ്പനി ആയപ്പോൾ അത് മാറി ഗ്യാങിലെ വാ തുറന്നാൽ അവസാനം അടക്കുന്ന ആൾ ആയെ മാറി.