ബിരിയാണി [Reloaded] [കൊമ്പൻ] 3005

രണ്ടു വട്ടം മൂളിയപ്പോൾ ഋതുവിന്റെ മിഴികൾ പയ്യെ അടഞ്ഞപ്പോൾ ഞാനുമെന്റെ കട്ടിലിലേക്ക് മലർന്നു.

രാവിലേ എണീക്കുമ്പോ ഒത്തിരി ലേറ്റായി, ചിരട്ടപുട്ടും കടലക്കറിയും ഉണ്ടാക്കാനായി ഞാൻ അടുക്കളയിലേക്ക് ചെന്നു. അജ്മിയുടെ പുട്ടുപൊടിക്ക് മറ്റൊരു എതിരാളിയില്ലെന്നു ആത്മഗതം പറഞ്ഞുകൊണ്ട് ഞാൻ പൊടി നനച്ചെടുക്കാൻ തുടങ്ങി.

ഋതു എണീറ്റില്ലേ ഇനിയുമെന്നു പറഞ്ഞു ഞാൻ ഫോൺ നോക്കി.

ഋതു എനിക്ക് ഗുഡ്മോർണിംഗ് അയച്ചിരിക്കുന്നു. എന്റെ മുഖത്തെ പുഞ്ചിരി നിന്നോട് വിഷ് ചെയ്യാൻ പറയുന്നു…..

എനിക്ക് ചിരി വന്നു, ഇത്രയ്ക്ക് പൈങ്കിളിയാണോ ഈ 30 കാരിയെന്നു ഞാൻ ആലോചിച്ചു ചിരിച്ചു…

പുട്ടും കടലയും റെഡിയായപ്പോ,നല്ലപോലെ പതപ്പിച്ചൊരു ചായയും ഇട്ടുകൊണ്ട് ഞാൻ ടേബിളിൽ വെച്ചൊരു ഫോട്ടോയും എടുത്തു ഇൻസ്റ്റാഗ്രാമിൽ ഫാൻസിനു വേണ്ടി ഞാൻ ഒരു അക്കൗണ്ട് ഉണ്ടാക്കീട്ടുണ്ട് അതിലുമിട്ടു. ഋതുവിനും അയച്ചിട്ടു പറഞ്ഞു. മോർണിംഗ് !!

ലുലു വിലേക്ക് എപ്പോഴാണ് ഇറങ്ങുക ?

11:30 യ്ക്ക് ഇറങ്ങാം.

ശെരി.

ഞാൻ വേഗം കുളിച്ചു റെഡിയായി, ടീഷർട്ടും ജീൻസുമിട്ടു. ഫ്ലാറ്റിൽ ചെടികൾ ഒക്കെ നനച്ചു, പൂക്കൾ ഒന്നും അല്ല കേട്ടോ. ഫ്രഷ് കറിവേപ്പിലയും പുതീനയും ഞാനിവിടെ വളർത്തുന്നുണ്ട്. അതാണ്.

സമയം ആയി, ഞാനെന്റെ ബൈക്കുമെടുത്തിറങ്ങി. ഹെയ്പെർമാർകെറ്റിൽ എത്തിയപ്പോൾ ഋതുവും അമ്മയും ഷോപ്പിംഗ് തുടങ്ങിയിരിന്നു, ഞാൻ ഹച്ചിൻറെ പരസ്യത്തിലെ പട്ടിയെപോലെ അവരുടെ പിറകെ നടന്നു, എനിക്കും വേണ്ട ഐറ്റംസ് ഷോപ്പിംഗ് ബാസ്കറ്റിലേക്കിട്ടു. ഒപ്പം പിറകിൽ ഞാനുണ്ടെന്നു മെസ്സേജ് അയച്ചിട്ടു.

ഋതു ഇപ്പൊ വരാമെന്നു അമ്മയോട് പറഞ്ഞു എന്റെയടുത്തേക്ക് വന്നു. സ്ലീവെലെസ്സ് ട്രാന്സ്പരെന്റ് സാരിയായിരുന്നു. നല്ല സെക്സി ലുക്ക്, പറയണ്ടാലോ…. ഞാൻ ആദ്യമായി കാണുമ്പോലെ നോക്കിയപ്പോൾ, ഋതു നാണിച്ചു ചിരിച്ചു.

സാരി നന്നായിട്ടുണ്ട്…. നല്ലപോലെ പ്രായം കുറഞ്ഞപോലെയുണ്ട് ഋതു…

ഋതുവിന്റെ മുഖം നാണിച്ചു തുടുത്തു…. അത്രയും ആളുകളുടെ ഇടയിൽ വെച്ചു, യാന്ത്രികമായി ഋതു എന്റെ കയ്യിൽ ഒന്ന് പിടിച്ചുകൊണ്ട് പറഞ്ഞു.

താങ്ക്സ് സൂര്യാ വന്നതിനു… ശെരി… ഞാനും ഋതുവിന്റെ കയ്യിൽ പിടിച്ചുകൊണ്ട് യാത്ര പറഞ്ഞു.

അങ്ങനെ ഞാൻ വീടത്തി, സാധനങ്ങൾ ഒക്കെ അൺ പാക്ക് ചെയ്തു. നീലിമ വീഡിയോ കാൾ ചെയ്തപ്പോൾ അവളോട് സംസാരിച്ചു. അതിനിടയ്ക്ക് ഋതു വിളിച്ചപ്പോൾ എനിക്കെടുക്കാനും പറ്റിയില്ല. നീലുന്റെ കോളേജ് കാര്യത്തിന് ഈയാഴ്ച അവർ ഇങ്ങോട്ടേക്ക് വരുന്നുണ്ട് എന്ന് പറഞ്ഞു. വെള്ളിയാഴ്ച വൈകീട്ട് വന്നിട്ട് ശനിയാഴ്ച തിരിച്ചുപോകും. ഞായറാഴ്ച ഒരു കല്യാണമുണ്ടെത്രെ വീടിന്റെ അടുത്ത്.