🏘️ബോസ്റ്റൻ ബംഗ്ലാവ് 13 [Gladiator] 319

“എ.. എന്റെ ഹസ്ബൻഡ്…???” വലിയ മുഴക്കത്തോടെ ഭൂമി കുലുക്കം പോലെ ഇളകി ആടുന്ന ബംഗ്ലാവിൽ നടക്കുന്ന കാര്യങ്ങൾ അറിയാതെ അവളുടെ അടുത്ത് കൂർക്കം വലിച്ചുകൊണ്ടിരുന്ന ജോർജിനെ ജൂലി നോക്കി.

“അയാളെ വിട്….. അവന്റെ ജീവനിൽ ഫെഡറിക്കിന് യാതൊരു താല്പര്യവും ഇല്ലാ” പറഞ്ഞത് പൂർണ്ണമായും സത്യം അല്ലെങ്കിലും ആത്മാർഥതയുടെ മുഖഭാവത്തോടെ കത്രീന പറഞ്ഞു “വാ സമയം കളയാതെ…”.

“ഓക്കേ..” മറ്റൊന്നും ചിന്തിക്കാതെ ജൂലി കത്രീനയുടെ കൈ പിടിച്ചു ഹാളിലേക്ക് പോയി. കത്രീനയെ അപ്പോൾ പ്രേതത്തെ പിടിക്കാൻ വന്നവർ ഓട്ടിച്ചില്ലേ..?കത്രീന എങ്ങനെ വീണ്ടും ബംഗ്ലാവിൽ വന്നു, എന്താണു ഇവിടെ സംഭവിക്കുന്നത് എന്നൊന്നും ചോദിക്കാൻ പറ്റിയ മാനസികാവസ്ഥയിൽ ആയിരുന്നില്ല അവൾ. ബംഗ്ലാവിൽ കേൾക്കുന്ന മുഴക്കത്തിലും, ബാംഗ്ലാവിന്റെ കുലുക്കത്തിലും അവൾ നന്നേ ഭയപ്പെട്ടു. പിന്നെ പ്രേതം ആണെന്നൊക്കെ പറഞ്ഞാലും തന്റെ മക്കൾക്ക് ദുഷിപ്പ് വരുന്നത് ഒന്നും കത്രീന ചെയ്യില്ലെന്ന് അവൾക് അറിയാമായിരുന്നു.

“എന്താ…എന്താ നമ്മൾ ചെയ്യേണ്ടത്…?”വീടിന്റെ കുലുക്കത്തിൽ കാലുകൾ വിറക്കുന്നത് ജൂലിക്ക് അറിയാമായിരുന്നു.

“നേരെ നിന്റെ മകൾ ഡെയ്സിയുടെ റൂമിലേക്ക് പോ. ലൈലയും ആന്റണിയും നൽകിയ മാന്ത്രിക പൊതി അവിടെ ഷെൽഫിൽ കിടപ്പുണ്ട്. അകത്തു കയറി വാതിൽ അടച്ച ശേഷം ആ പൊതി വാതിലിനു മുന്നിൽ വെക്കുക. പിന്നെ പേടിക്കാൻ ഒന്നുമില്ല” കത്രീന പറഞ്ഞു.

“അപ്പോൾ ഡാനിയേൽ..?” പാന്റീസ് മാത്രം ഇട്ടിരുന്ന ജൂലി കൈ കൊണ്ട് അവളുടെ മാറ് മറച്ചു.