🏘️ബോസ്റ്റൻ ബംഗ്ലാവ് 16 [Gladiator] 866

ഫെഡറിക്കിന്റെ ചോദ്യം കേട്ട ആന്റണി സ്വന്തം പിഴവുകൾ ഓർത്തു നാണിച്ചു തല താഴ്ത്തി.

“നീയാ.. ക്ലോക്കിന്റെ ശബ്ദം കേൾക്കുന്നുണ്ടോ…?”ഫെഡറിക്ക് സംസാരം നിർത്തി കൈകൾ ചെവിയിലേക്കടുപ്പിച്ചു കാത് കൂർപ്പിച്ചു.

ക്ലോക്കിന്റെ ടിക് ടിക് ശബ്ദം ആ മുറിയാകെ നിറഞ്ഞു. ആന്റണിയും അത് കേട്ടു. പക്ഷെ ആ റൂമിൽ ക്ലോക്ക് ഒന്നും അവൻ കണ്ടില്ല.

“എന്റെ ഭാര്യയുടെ തന്ത എനിക്ക് നൽകിയ വിവാഹസമ്മാനം ആയിരുന്നു ആ പെണ്ടുലം ക്ലോക്ക്.എന്നെ മണ്ടന്നാക്കിക്കൊണ്ട് കണ്ടവന്റെ കൂടെ കിടന്നു വയറ്റിൽ ഒരു കൊച്ചിനെ നിറച്ച് അതെന്റേത് ആണെന്ന് ആ കൂതിച്ചി എന്നെ വിശ്വസിപ്പിക്കാൻ നോക്കി. പക്ഷെ അവളുടെ ചതി എനിക്ക് മനസിലായി. അവളെ വെറുതെ വിടാൻ പറ്റില്ലാലോ.. ദാ.. ഈ റൂമിലിട്ടാ ഞാനവളെ ജീവനോടെ കൊത്തി അരിഞ്ഞത്.. എന്നിട്ട് അവളുടെ മാംസഭാഗങ്ങൾ ആ ക്ലോക്കിനുളിൽ ആക്കി വര്ഷങ്ങളോളം ഞാൻ സൂക്ഷിച്ചു….ആഹ്.. ആ നായ മരണ ശേഷം ഇങ്ങനൊരു രൂപം സ്വീകരിക്കും എന്ന് ഞാൻ കരുതിയില്ല..അവളെ ഇല്ലാതാക്കാൻ തന്നെയാവും മരിച്ചിട്ടും ഈ ലോകം വിട്ട് പോകാതെ ഞാനിവിടെ അലഞ്ഞു തിരയുന്നത്.. ജീവനുള്ളപ്പോൾ പോലെ അല്ല.. അവളിപ്പോൾ എന്നേക്കാൾ ശക്തയാണ്…കൂടെ അവളുടെ ഒരു മകനും.. ഏതോ ഒരു ശക്തി അവരെ സഹായിക്കുന്നുണ്ട്.. നിന്റെ ഭാര്യയെ പോലെ പാവങ്ങനെ വഴിതെറ്റിച്ചു അവൾ ദിനം പ്രതി ശക്തിപ്രാപിക്കുകയാണ്…അവളോട് പോരാടാൻ നൂറ്റാണ്ടുകൾ ആയി ഞാൻ കഷ്ടപ്പെടുകയാണ്..പക്ഷെ അന്ന് നിന്റെ മാന്ത്രിക വിദ്യ അവളെ തളർത്തി, അന്ന് ഞാൻ സന്തോഷിച്ചു.. പക്ഷെ വൈകാതെ നിങ്ങളുടെ മന്ത്രം എന്നെയും തളർത്തി. നിന്റെ ഭാര്യയെ വഴി തെറ്റിച്ചു അവൾ വീണ്ടും ശക്തി പ്രാപിച്ചു.. പക്ഷെ കുഴപ്പമില്ല…അധികം വൈകാതെ അവളുടെ അത്രയും ശക്തി ഞാനും ആർജിക്കും. അന്ന് ഞാൻ അവളെയും, കൂടെ ഈ വീട്ടിലെ ചില അന്തേവാസികളെയും എന്നോടൊപ്പം കാലപുരിക്ക് കൊണ്ട് പോകും. ചതിക്കപ്പെട്ടവൻ ആയതിനാൽ നിനക്കൊരു അവസരം കൂടി ഞാൻ തരുന്നു. എന്റെ വീട് നശിപ്പിക്കണം എന്ന ആഗ്രഹം നീ മറന്നേക്ക്.. പോ…”