🏘️ബോസ്റ്റൻ ബംഗ്ലാവ് 18 [Gladiator] 184

“അതിനെന്താ…വായോ…. ഇവിടുന്ന് ഈ സമയം താൻ മാറി നിൽക്കുന്നത് നല്ലതാ.. നമ്മൾ തിരിച്ചു എത്തുമ്പോഴേക്കും ആന്റണിയും തിരികെ എത്തും…”ജൂലി പറഞ്ഞു.

ലൈല കൂടെ വരുന്നത് ഡേവിഡിന് ഇഷ്ടം അല്ലായിരുന്നു. പക്ഷെ അത് പറഞ്ഞാൽ തന്നെയിപ്പോൾ അച്ഛനും അമ്മയും കൂടെ തെറിക്കും എന്ന് അറിയാവുന്നത് കൊണ്ട് ഡേവിഡ് അടങ്ങി.

ടേബിളിന് ചുറ്റും ഈ സംസാരങ്ങൾ ഒക്കെ നടക്കുമ്പോഴും ദിവ്യ കണ്ണെടുക്കാതെ ഡാനിയുടെ സൗന്ദര്യം ആസ്വദിച്ചു ഇരിപ്പായിരുന്നു.

“അമ്മ.. എന്നാൽ ഞാനും വരാം…”ഡാനിയേൽ കെഞ്ചികൊണ്ട് ചോദിച്ചു.

“നിങ്ങൾക്ക് കോളേജ് ഇല്ലേ…?” ജോർജ് ചോദിച്ചു.

“അത്…2 ആഴ്ചയിൽ വെക്കേഷൻ ആകും…. കുറച്ച് ദിവസം പോയില്ലെങ്കിൽ കുഴപ്പൊന്നും ഇല്ലാ…”ഡാനിയേൽ പറഞ്ഞു.

“വേണ്ട…ഇന്നലെ നിന്റെ പ്രിൻസിപ്പൽ വന്നിട്ട് ഒന്നും പറയാതെ പോയെങ്കിലും എനിക്കെന്തോ.. നീ ക്ലാസ്സ്‌ മിസ്സ്‌ ആകേണ്ട എന്ന് തോനുന്നു. വെറുതെ അവരുടെ നോട്ടപ്പുളി ആകണ്ട…” ലൈലയ്കും റിയയ്ക്കും ഒപ്പം മകൻ യാത്ര ചെയ്യുന്നത് ഇഷ്ടം ഇല്ലാത്തതിനാൽ ജൂലി പറഞ്ഞു.റിയ ഡാനിയോട് അല്പം കൂടെ അകന്നു ഡേവിഡിനെ മാത്രം മനസ്സിൽ ഓർത്താൽ മതി എന്ന് ജൂലി ആഗ്രഹിച്ചു.

🔸🔸🔸

വയനാട്ടിലെ ബംഗ്ലാവിൽ നിന്നും കൊച്ചിയിലെ ഹോസ്പിറ്റലിലേക്ക് പോകാൻ വേണ്ടി ഡേവിടും, റിയയും, ജൂലിയും ലൈലയും രാത്രി 12 മണിയോടെ തന്നെ യാത്ര തിരിച്ചു. അവർക്ക് പോകാനായി വന്ന വാടക മിനി വാനിൽ കയറി അവർ യാത്ര തിരിച്ചു. ബംഗ്ലാവിലെ ബാൽക്കണിൽ നിന്നുകൊണ്ട് ഡാനിയേൽ അവർ പോകുന്നത് നോക്കി നിന്നു.കണ്മുന്നിൽ നിന്നും ആ മിനി വാൻ മറയുന്നത് വരെ ഡാനിയേൽ അവരെ നോക്കി നിന്നു.