🏘️ബോസ്റ്റൻ ബംഗ്ലാവ് 2 [Gladiator] 3556

തിങ്കളാച വൈകുന്നേരം. പൊടിപിടിച്ചു കിടന്ന ഒരു തടി അലമാര വൃത്തിയാക്കുന്നതിന് ഇടയിൽ അലമാരയിൽ നിന്നും കുറച്ച് പഴയ പേപ്പേഴ്സ് ജോർജിനു കിട്ടി. അവനാ പേപ്പേഴ്സ് ടേബിളിൽ വെച്ച ശേഷം അത് വന്നു നോക്കാൻ ജൂലിയെ വിളിച്ചു.

ജൂലിയും, ഡാനിയലും, ഒപ്പം ഡെയ്സിയും ആ റൂമിലേക്ക് വന്നു.

“ദാ നോക്കിയെ.. ഈ ബംഗ്ലാവിന്റ ഫസ്റ്റ് ഓണർസ് ആരാന്ന് കിട്ടി. ഫെഡറിക്ക് & കത്രീന.അവരാണ് 1884 ൽ ഈ ബംഗ്ലാവ് പണിതത് “ജോർജ് ആ പേപ്പേഴ്സ് ജൂലിക്ക് നേരെ കൊടുത്തു.

കത്രീന എന്ന പേര് കേട്ടതും ആകെ വിളറി വെളുത്തു നിൽക്കുക ആയിരുന്നു ജൂലി. അപ്പോൾ അന്ന് ലൈബ്രറിയിൽ ഞാൻ കണ്ടത്..? 😵‍💫.. ജൂലിയുടെ മനസിൽ പല ചോദ്യങ്ങളും ഭയവും ആണപൊട്ടി.കത്രീന പ്രേതം ആയിരുന്നോ…? എന്റെ തോന്നൽ അല്ലായിരുന്നോ..? അപ്പോൾ ഡാനിയേലിനു സംഭവിക്കുന്നത് എല്ലാം..?അവനും ഒരു പ്രെഗ്നന്റ് ആയ സ്ത്രീയ കണ്ടത് ആയി പറഞ്ഞെന്നാണ് എന്റെ ഓർമ്മ. അല്ല.. അത് മനസ്സിന്റെ തോന്നൽ ആണെങ്കിൽ കത്രീന എന്ന പേര് എനിക്ക് അറിയില്ലായിരുന്നല്ലോ.. ഇപ്പോഴല്ലേ ഞാനീ പേപ്പർ കാണുന്നത് .?ജൂലി തരിച്ചു നിന്നു.

“ഈ പേപ്പേഴ്സ് പ്രകാരം അവർ 12 കൊല്ലമേ ഇവിടെ താമസിച്ചിരുന്നുള്ളു. അതിനു ശേഷം അവരുടെ കസിൻ ഇതിന്റെ ഓണർഷിപ് എടുത്തു…. അതിന്റെ കാരണം ഇതിൽ ഇല്ലാ “പേപ്പേഴ്സ് ടേബിളിൽ വെച്ചുകൊണ്ട് ജോർജ് വെളിയിലേക്ക് പോയി.

ജൂലി ആകെ കിളി പോയ അവസ്ഥയിൽ ആയിരുന്നു.

അതേ സമയം ഡോക്യൂമെന്റസ് കണ്ട ഡാനിയേൽ കത്രീന പ്രേതം ആണെന്ന് ഡാനിയേൽ ഉറപ്പിച്ചു.പക്ഷെ അതവന് ഒരു പ്രശ്നമേ അല്ലായിരുന്നു. അവളിനി എപ്പോൾ തന്നേക്കാണാൻ വരുമെന്ന് ആയിരുന്നു അവന്റെ ചിന്ത മുഴുവൻ..എങ്ങനെയാണ് കത്രീനയോട് ഒന്ന് സംസാരിക്കുക. അവൻ ഓർത്തു.