ക്യാനഡയിലെ നനുത്ത രാവുകൾ 389

രണ്ടാഴ്‌ച കഴിഞ്ഞപ്പോൾ രജിസ്റ്റേർഡ് പോസ്റ്റിൽ എന്റെ പാസ്പോര്ട്ട് തിരികെ വന്നു, മിടിക്കുന്ന ഹൃദയത്തോടെ ഞാനാഥ് തുറന്ന് നോക്കി . എന്റെ ക്യാനഡ സ്വപ്നങ്ങൾക്ക് നിറം പകർത്തി സുന്ദരൻ മൾട്ടിപ്പിൾ എൻട്രി വിസയൊരെണ്ണം സ്റ്റാമ്പ് ചെയ്തിരിക്കുന്നു. ഒടുവിൽ കാത്തിരുന്ന ദിവസം എത്തിപ്പോയി. എനിക്ക് ടിക്കറ്റ് വന്നു. അതിരാവിലെ കൊച്ചിയിൽ നിന്നും ദോഹയ്ക്കും അവിടെ നിന്ന് ക്യാനഡയിലെ മോണ്ട്രിയലിലേക്കുമാണ് എന്റെ യാത്ര. കന്നി വിമാന യാത്രയായത് കൊണ്ട് എനിക്കിത്തിരി ടെന്ഷനുണ്ടായിരുന്നു. എന്നാൽ അവധിക്കാലത്ത് ഗൾഫിലേക്ക് പറക്കാറുള്ള സുഹൃത് ജോയ്, എന്തൊക്കെയാണ് ചെയ്യേണ്ടത് എന്ന് കൃത്യമായി പറഞ്ഞു തന്നിരുന്നു. ആദ്യത്തെ ഒരു മണിക്കൂറിനുള്ളിൽ തന്നെ വിമാന യാത്രയ്ക്ക് പറഞ്ഞു കേൾക്കുന്നത്ര സുഖവും പൊലിമയും ഒന്നുമില്ലെന്ന്‌ എനിക്ക് മനസ്സിലായി . മാത്രവുമല്ല ഏറ്റവും വിരസവുമാണിത്. 19 മണിയ്ക്കൂർ നീണ്ട യാത്രയിൽ നല്ല രീതിയിൽ ഒന്നുറങ്ങാൻ പോലുമായില്ല. ഒരു ഗതിയുണ്ടെങ്കിൽ ഇനി ഈ പരിപാടിക്ക് ഞാനില്ല എന്നുറപ്പിക്കുകയും ചെയ്തു. പിറ്റേദിവസം ഉച്ചയോട് കൂടി വിമാനം ക്യാനഡയിലെത്തി.