ചക്രവ്യൂഹം 2

Chakravyuham Part 2 | Author : Ravanan

[ Previous Part ] [ www.kkstories.com]

“വൈദേഹി, …”….അവൻ ആ പേര് ആവർത്തിച്ചു…നീലകല്ലുപതിച്ച മൂക്കുത്തിയിലേക്ക് അഭി ഇമവെട്ടാതെ നോക്കിയിരുന്നു. …ഇളംചുവപ്പ് ചുണ്ടുകളുടെ ഭംഗി കണ്ട് അവന്റെ കണ്ണുകൾ തിളങ്ങി

“….അഭി..”

“എന്തോ. …”

“ഞാൻ അഭിയെന്ന് വിളിച്ചോട്ടെ ”

“വിളിച്ചോളൂ. ..” അവൻ പുഞ്ചിരിക്കാൻ ശ്രമിച്ചു. …ഒരല്പം ഇടത്തേക്ക് നീങ്ങിയിരുന്ന് അവളോട് ബെഞ്ചിൽ ഇരുന്നോളാൻ കണ്ണ് കാണിച്ചു. …വൈദേഹി തിരിഞ്ഞ് കൂട്ടുകാരെ നോക്കി ചിരിച്ചുകൊണ്ട് അവന്റെ അരികിൽ ഇരുന്നു

“അഭിയുടെ വീട് എവിടെയാ ”

“ഇവിടെ അടുത്ത് തന്നെ ”

“വീട്ടിൽ ആരൊക്കെ ഉണ്ട് ”

“എല്ലാവരും ഉണ്ട് ”

“മുന്നേ ഏത് സ്കൂളിലാ പഠിച്ചത് ”

“കുറച്ച് ദൂരെ ഉള്ളൊരു സ്കൂളിലാ ”

“ആഹ് ഞാൻ ഇവിടെ തന്നെയാ പഠിച്ചത് ”

“മ്മ്ഹ്ഹ് ”

അവൻ അശ്രദ്ധയോടെ മൂളി ഡെസ്കിലേക്ക് ചാഞ്ഞ് കിടന്നു. ..വല്ലാത്ത തലവേദനയും ശരീരത്തിൽ ചൂടും അനുഭവപ്പെട്ടതും അവൻ മുഷ്ടി ചുരുട്ടിപിടിച്ചു

“അഭിക്ക് സുഖമില്ലേ. ..വയ്യായ്ക എന്തെങ്കിലും ഉണ്ടോ. ..”

“ചെറിയൊരു തലവേദന. …”

അവളെ നോക്കാതെ നിലത്തേക്ക് നോക്കി കിടന്നുകൊണ്ട് അവൻ പറഞ്ഞു. ..അവനോട് റസ്റ്റ്‌ എടുക്കാൻ പറഞ്ഞുകൊണ്ട് വൈദേഹി എഴുന്നേറ്റ് കൂട്ടുകാരികളുടെ അടുത്തേക്ക് പോയി. …

അവനെ നോക്കിയിരുന്ന് ചോറ്റ് പാത്രം തുറന്ന് ഭക്ഷണം കഴിച്ചു . …കാറ്റടിച്ച് അഭിയുടെ നീളൻ മുടിയിഴകൾ പാറിപറക്കുന്നത് കൗതുകത്തോടെ നോക്കി അവൾ ഒരു  ഉരുള ചോറ് വായിലേക്ക് വച്ചതും അഭിരാമി അവളുടെ തലയിൽ ഒരു കിഴുക്ക് കൊടുത്തു