ചാരുലത ടീച്ചർ 4 [Jomon] 875

അവള് കേൾക്കും വിധത്തിൽ ഞാൻ പറഞ്ഞു…അവൾക്ക് കേൾക്കാൻ വേണ്ടി മാത്രം

ചിരിയുണ്ട് ചുണ്ടിൽ…അതുപോലെ തന്നെ കവിളും അവളുടെ തനി സ്വഭാവം കാണിച്ചു തുടങ്ങി

“അയ്യെടാ…മോനെ ആദിത്യാ നീ മഞ്ഞു പെയ്യിക്കാൻ ആണോട എന്റെ പിറകെ നടക്കണേ…?

വല്ലാത്തൊരു ഭാവത്തോടെ അവൾ ചോദിച്ചു…ശബ്ദമൊരല്പം അടക്കി വശ്യമായൊരു രീതിയിൽ…നേരു പറഞ്ഞാലെനിക്ക് ഇരുന്നയിരുപ്പിൽ കുളിരു കേറിപ്പോയി…പക്ഷെ മുൻപിലെ ബ്ലോക്ക്‌ ഒരുവിധം മാറി തുടങ്ങിയത് കണ്ട ഞാൻ അവളോട് ചോദിച്ചു

”അല്ല ടീച്ചറീ ബാഗും തൂക്കി എവിടെ പോവാ…?

“ഹാവൂ…നീ ഇപ്പോളെങ്കിലും അത് ചോദിച്ചല്ലോ..”

എന്നെ വീണ്ടും ആക്കികൊണ്ടവൾ പറഞ്ഞു…മറുത്തൊന്നും പറയാതെ ഞാൻ അതേ ചിരിയോടെ ഇരുന്നു

“ഒന്ന് വീട് വരെ പോകുവാടാ…രണ്ടു ദിവസം അവിടെ നിന്നിട്ട് വരാമെന്ന് കരുതുന്നു….അതാ ഈ ബാഗൊക്കെ…”

“മമ് ശെരി ശെരി…ക്ലാസ്സ്‌ തുടങ്ങുമ്പോളേക്കും അങ്ങോട്ട് എത്തിക്കോണം…!

വലിയ കാർന്നോരെ പോലെ ഞാനൊന്ന് പറഞ്ഞു നോക്കി…ഇതിപ്പോ അവളാണോ സ്റ്റുഡന്റ് അതോ ഞാനോ…

”ഒന്ന് പോയെടാ ചെറക്ക….നിനക്ക് ഞാൻ വന്നിട്ട് മഞ്ഞും മഴയും വരുത്താനല്ലേ…തല്ക്കാലം മക്കള് ഫോൺ വെച്ചിട്ട് പോകാൻ നോക്ക്ട്ടോ..“

അതും പറഞ്ഞൊരു ചിരിയോടെ അവൾ കാൾ cut ചെയ്തു…ഒരുവിധം ബ്ലോക്ക്‌ മാറിയപ്പോളേക്കും അവളുടെ ഫസ്സീനോ മുന്പോട്ട് എടുത്തു…പിറകെ തന്നെ ഞാനും….ഏകദേശം അവരുടെ അടുത്തെത്തിയപ്പോളേക്കും ഞാനിരുന്ന ഭാഗത്തെ ഗ്ലാസ്സ് പതിയെ ഒന്ന് താഴ്ത്തി….പെട്ടന്ന് മുൻപിലെന്നെ കണ്ടാൽ ആളുടെ എക്സ്പ്രെഷൻ എന്തായിരികുമെന്ന് അറിയാനാണ്…ഗ്ലാസ്സ് താഴുന്നത് ചാരുവും ശ്രദ്ധിക്കുന്നുണ്ട്…പക്ഷെ ഒളികണ്ണിട്ടാണവൾ നോക്കുന്നത്….അവൾക്കിനി മനസിലായി കാണുമോ ഞാനായിരിക്കും ഇതെന്ന്…

പറയാൻ പറ്റില്ല…നമ്മളെക്കാൾ കൊറച്ചോണം കൂടുതൽ ഉണ്ട ടീമല്ലേ…

എന്തായാലും ഞാൻ ഗ്ലാസ്സ് മുഴുവൻ താഴ്ത്താൻ തീരുമാനിച്ചു…എന്റെ കണ്ണിനു താഴെ വരെ ഗ്ലാസ്സ് താഴ്ന്നതും ഒളികണ്ണിട്ടു നോക്കിയവൾ ചുണ്ടുകൾ രണ്ടും കൂട്ടിപ്പിടിച്ചു ചിരിയടക്കി കൊണ്ടു മുൻപിലേക്ക് നോക്കി ഇരിക്കാൻ തുടങ്ങി…അപ്പൊ കള്ളിക്കെന്നെ മുൻപേ മനസിലായതാ…എന്താ ആ ഇരുപ്പിലുള്ള ഗമ….ചിരി ഞാൻ കാണാതിരിക്കാൻ ചുണ്ടുകൾ കൂട്ടി പിടിച്ചെങ്കിലും അവളുടെ വരുതിയിൽ നിൽക്കാൻ താല്പര്യമില്ലാത്തയാ കണ്ണുകൾ എന്നിലേക്ക് പാളി വീഴുന്നുണ്ട്…..മുൻപിലെ വണ്ടികളൊക്കെയൊന്ന് മാറിയതും ഞാൻ ഒന്ന് ശ്വാസം നീട്ടിയെടുത്തു….മാക്സിമം ആത്മവിശ്വാസം ഉള്ളിൽ നിറച്ച ഞാനതേ ചിരിയോടെ അവളെ നോക്കി വലം കണ്ണടച്ചു കാണിച്ചു…ഒട്ടും പ്രത്രക്ഷിക്കാതെയുള്ള എന്റെയാ നീക്കത്തിലവൾ അമ്പരന്നു പോയി…തള്ളി വരുന്ന രണ്ടു ഉണ്ടക്കണ്ണുകൾ മതിയാരുന്നു എനിക്കത് മനസിലാക്കാൻ…അവളുടെ ചുണ്ടുകളൊന്ന് വിറച്ചുകൊണ്ട് എന്നോട് എന്തോ പറയാൻ തുടങ്ങുന്നത് കണ്ടതെ ഞാൻ ആക്‌സിലേറ്ററിൽ ചവിട്ടി പിടിച്ചു……എന്നെയും വലിച്ചുകൊണ്ടൊരൊറ്റ പോക്കായിരുന്ന വണ്ടി…..എങ്കിലും സൈഡ് മിററിലൂടെ മുൻപ്പിലിരിക്കുന്ന പെണ്ണിനോട് എന്തോ പറഞ്ഞു ചിരിക്കുന്ന ചാരുവിനെ കണ്ടതും ഉള്ളിന്റെ ഉള്ളിലൊരു വെടിക്കെട്ട് തന്നെ നടന്നു…………………